الشـكــر لله .!

[align=center]السلام عليكم ورحمة الله وبركاته
هذه قصيدة تعبّر عن بعض المواضيع
تذكير للجميع بشكر الله على نعمة الخير والأمطار الغزيره التي هطلت مؤخراً
وفيها مداعبه للأخ / حمود بن شنيف حيث ان هناك بعض من الشباب قد احتجزهم
السيل في سياراتهم مع انها جيوب لكن ماتحت الله قوي ، وقد حاول الاخ حمود انقاذهم
ولكنه في الأخير احتاج من ينقذه ! [/align]




[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بسم الله أبدي به وأساله حاجتي وبْه أستعين=خلوا مباديكم بذكره ياصناديد الرجال
أخير ما أبدي به وأقوله ذكر رب العالمين=والإستعانه والرجاء والخوف من رب الجلال
والحمد لله والثناء له وأشكروا ياشاكرين=ليا شكرنا زادنا الله من عطاياه الجزال
الله يحب من العباد الشاكرين الذاكرين=اللي دعاهم يستجاب ومن بعيدين الآمال
ياربنا أعنّا على ذكرك وشكرك يامعين=واجعل لنا عوناً على طاعتك في كل الحوال
ياللي تقول السيل حاوينا وربعك ناشبين=تقول زاد السيل من غربٍ وشرق ومن شمال
واد العشر وشعيب ظلما اللي مسايلها ثنين=اليوم صار السيل واحد صك من جالٍ لجال
قم وضّ في وقت الضحى واشكر وخذ لك ركعتين=يوم البلاد الله عمرها بالسحايب والجمال
حنّا ترانا نستغيث من الجدب عدّة سنين=والشكر لله يوم بادرنا الحياء والشين زال
و حمود جاء غضبان لا غضبوا عليه الوالدين=يقول ربعه في المطر باتوا وقافيهم خيال
يقول خالد راعي الجكسار والثاني حسين=الجكس يبغى سحب والبترول شوفوا كيف قال
وأنا نصحته مير أظنه ما يطيع الناصحين=يقول أبا أفزع وأنقذ الأصحاب مافيها جدال
قلت الوحل لا تقربه لو إنهم خشمٍ وعين=اللي يعمدون السيول العارمه فيهم هبال
قال اللزوم تبيّن الرجّال والطيّب يبين=أبا أغتنم ربعي بموتر سحب وآخذ لي حبال
قلت الشجاعه والكرم والعزم طبع الطيبين=حيّ الشجيع اللي يجيبه طيب جدان وخوال
وفزع على الصالون دفرنسين جايٍ له حنين=ثنين في قلبه ومعطيه الدبل ضد الرمال
ياطيب قلب حمود ما جنّب يسار ولا يمين=حتى توصّط بين ربعه في طرف جرفٍ هيال
لا شك هاك الليل باتوا ليلهم ماهوب زين=عفسهم السيل وظلام الليل طمّام الجبال
أمرٍ عليهم صار ماحنّا لهم بالشامتين=من حاط به ذنبه يضيّع حيلته والاحتيال
الذنب يجمع له عبادٍ صالحين وطالحين=من جاء لهم فازع على ماقيل مافاله بفال
واللي معه جوال طول الليل جايٍ له رنين=مايطفي الجوال دام إنه يجيب الاتصال
تمّت وصلى الله على المختار سيد المرسلين=الصادق المصدوق والمختار محمود الفعال[/poem]



..