للشـعـبي ...!!!

إخواني الأعزاء في هذا الصرح
السلام عليكم ورحمة الله وبركاته

كان لي شرف استلام الاشراف بمنتدى المرقاب ( الشعبي )
الى جانب زملائي :
فهيد بن عصيدان , عفاس بن حرباش , سعود بن ناهض الرويس


بإدارة الاخ الشاعر : محمد آل عبدان

هنا بعض مما طرى :

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
معاني وقاف وألحان=وفتايل وقدحة زنود
وشويّ والبال طربان=والحوض فالروض مارود
الا وهي شانها شان=قصيدةٍ لأجل مقصود
مقصودها طير حوران=على آن واللي على أود
والله وقاد ( آل عبدان )=مسيرة الشامخ الطود
بلسان وحزام مليان=وسلاح وجْناح وعْضود
للشعبي .. ابن عصيدان=وأنا وعفاس وسعود
ما عندنا غير ميزان=مافيه نقصٍ ولا زود
نفتح من الود بيبان=والحبل بالطيب ممدود
لكل شاعر وفنّان=ماهوب فالعزف والعود
فنّان في حبك الاوزان=بأبيات واثبات وشهود
حضورنا واضح , وبان=موقف هل الطيب والجود
وان غاب أحد بعض الاحيان=يسد من كان موجود
وحنا رفاقه وصدقان=مانبغي مصافق النود
للشعر هيبه وميدان=وللمنتدى شْرط وبْنود
وإن كان به واحدٍ شان=محدٍ على الشين محدود
نطمر عنه طمرة حصان=ومن زل مانبغي يعود
وإن عادها ..مالها أثمان=وعد المطاليق موعود
ايوقّف ايام وإن زان=قلنا هذا الريع مجرود
مابه سماحٍ لغلطان=وإن راح ماهوب ملهود
حنا على الحق عُوّان=من غير شرهه ومنقود
نقدّم اشكال وألوان=مانعرف الهم والكود
قصائد .. جْزال وسْمان=والدخل ماهوب محدود
والضان ياراعي الضان=ماهي بتحسب من الذود
من فاد حٌرّه من عْمان=أنا اشهد انْها هي الفود
يقلط مكرّم ولا هان =منشود وإن غاب مفقود
وباقي لنا أخوات وأخوان=كلٍ بالاوصاف محمود
نقول تسلم يامشعان=وشكرا على كل مجهود
وبعدك أخذها( آل عبدان)=بسْلاح وجْناح وعضود
شال الحموله بليهان=بالعون ماهوب مفرود
غنّيت والبال طربان=على آن واللي على أود
لا هان لا هان لا هان=مرقابنا الشامخ الطود[/poem]