عزلة نفس

[align=center]السلام عليكم ومساكم الله بالخير
متواضعه[/align]
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أنا كل ما دنّت هجوسي و جات علوم = اهجرس بطاروق الشعر واسرج خيوله

هجوسٍ لها في خاطري مدهلٍ و رسوم = لها في الحنايا لا اقبلت صوله و جوله

لها جمرةٍ في خاطري حرها مسموم = ومن حرها ما يردع الجفن هملوله

هماليل طرفٍ عن لذيذ الكرا محروم = الا كيف يرقد من عنا الوقت و دلوله

فاذا هملجت عين المريح بزين النوم = ما والله يجيني النوم والنفس مشغوله

عسى الله يعين اللي سرا خاطره مهموم = وبيبان مشهاته من العام مقفوله

اسج القدم واذب في عالي المرجوم = طويل الحجا و تسوجه النود مشخوله

شفاشيف نودٍ تبهج الخاطر المكلوم = على نبوةٍ عن صجة الناس معزوله

تعرض الهواجس سلسة حبها المنظوم = ويسري بروحي ساري الوجد مفعوله

يعيد الشريط اللي على الذاكره مرسوم = و يرجع بزود الهم والضيق محصوله

لو اكشف كنين القلب و ابيّح المكتوم = حرام ٍ لا اخلي ساير الناس مذهوله

و لو تنفع الشكوا و كثر الجدا واللوم = لا جاذب ونينٍ ينكره كل من حوله

وانا مومن و لاانكر وراضي على المقسوم = ولا ارفض نصيبي دام الاقدار مجهوله

وانا في رجا فزعتك يا حي يا قيوم = وبيدك تفرج ضيقة البال و حموله[/poem]

[align=center]و سلامتكم[/align]