شهب النجوم !!!

السلام عليكم



,,



,,



[poem=font="Simplified Arabic,5,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

أذا كان القمر له بين مشوار الغسق مغراف=عسى شهب النجوم المايله ,, في راس شيطاني


وأذا القلب الخضر ,, يبطي هواه بخافقٍ شفاف=ترى ماي البحر ماتشربه لو كنت عطشاني


وترى الشاعر ليا منه قصد يحكم حروف القاف=وأنا اللي دايمٍ موج القصيد العذب بلساني


أحكم أقسى طواريق القصيد اللي بها الأهداف=على وضح النقا تبقى ,, ولو غيري تعداني


أموّلها على كيفي ,, وأجزلها بدون أخراف=وتنشدني وأجاوبها وكلٍ يبخص الثاني


ولا من هل عتم الليل ثم نوّخ به الخواف=أبسري فيه والدنيا متاعٍ والعمر فاني


وأبقصد قصه الفرقى ,, وأنا لي خاطرٍ ميلاف=أطرّق بالطواريق القديمه لين تبلاني


وأنا عيني تشوف وخاطري قد شاف شوف وعاف=وفضّل خاطري خليّ على فلان وفلنتاني


أنا خليّ ليا من قال أحبك / جابني أكتاف=وأنا خابره مسلم ,, مير قلبه قلب نصراني


وأنا رجلٍ يعرفوني ربوعي للصعب عساف=( ولكن العيون الدعج بالنيران تصلاني )


حلاها غير عن كل البنات وخدها كشاف=ينوّر خدها كل الفضى من قاصي وداني


وأنا / لولا الحرام أحط صورتها بوسط أغلاف=وأعلقها فبروازٍ كبير بوسط ديواني


عشان الصبح لا منا تقهوينا مع الأشراف=يجي ليل المسا والقلب من شوفتك طرباني


أنا لاشفت زولك ياغلايا ماعليّ أخلاف=لو أن الحظ في بعض الدروب القشر مشاني


وترى / لامن سمعت الصوت لو بالعين ماتنشاف=أشوفك قدم عيني في محلي جالس أوزاني


طريت وفز قلبي من غلاك وخافقي رفاف=تغيب / وغيبتك فيها تعب وجروح وأحزاني


أجي للرجم وأنزل ثم أعوّد وأصعد المشراف=وأقلّب سبحتي وآخذ وأخلي وأنظم أوزاني


وعقب عصير ,, قبل غروب شمس الفانيه ينضاف=أشب الضو وأقرب حول ضو النار ماكاني


غضى ,, وأرطى ,, ورمثٍ منجرم من صفعة الأصياف=وحول النار مقدع مع بغاديدٍ ورسلاني


وأنا / والكيف / والليل العتيم / وحلوة الأوصاف=حبايب والخيال يجيبها عندي وتنهاني


أسمعها قصايد من سببها تصرف بصرّاف=وتضحك ماتصدق ,, وأبتسم وأقرى وتقراني


أعلمها علومٍ ماعرفتها والكلام أسراف=وأقول أن القدر يقدر على تحقيق الأماني


وترى ياصاحبي ماني بقايل غيركم ينعاف=( ولاجيت أتغدى فيك قبل أنك تعشاني )


أريد’ أن أراك خائفأ أن تكفن الأطراف=كما قتل الملوّح من غرامٍ أصبح الجاني


عرفت شلون / بالفصحى ويفهم بيتي العراف=دخيل الله تراني متكل بالله وكفاني


دخيل اللي ليا منه أمر أمره بنون وكاف=عظيم الشان ,, خلاّق البشر في كل الأوطاني


دعيت الله يكفيني هروجٍ من نفوس أضعاف=وشرهات الرفيق ,,, ولايشمت فيّ عدواني


تعال / وماطلبته جاك ,, دام أن الجروح أخفاف=لو أنك تطلب اللي ماطلبه أنسٍ ولا جاني


تأكد أنني دايم من أشواقي عليك أخاف=( أنا ماخاف منك ... أخاف من رمشك والأعياني )


وترى غيرك لو أينادي ويشرلي ,, عطيته طاف=حشى ماهو غرور ولكن / أن الحب سلطاني


وطير الصيد لامن ضاع مني ماعليه أحساف=ولكن أنت لامن ضعت ضاع الطير حواني[/poem]