سـامحني يا بابا !!

نقاش جانبي .... من باب التغيير وللتوثيق بدون تدقيق

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يابسم الله يابسم الله = من ذا الجيل ومن ذا الملّه
علـّتهم ياربي علــّه = لا في شمس ولا في فيه
جيل النيدو والإندومي = والكيماوي والجرثومي
ماهم ضد الأمن القومي = لكن هم عيب القوميه
منفتحين بليـّا قيمه = أبقار الله في برسيمه
هيكل رجل وعقل بهيمه = آخر صيحات الألفيّه
حدّ أولهم ياتاليهم = ردّ أذكاهم يافاهيهم
ما فكرت آغني فيهم = لو هي من باب السخريّه
لكن بالمغنى والمعنى = ينثرنا الوقت ويجمعنا
باللي معهم واللي معنا = حتى خاوى الصقر حديّه
في المصانع والمعامل = كم تشوف وكم تعامل
هذا ريّس هذا عامل = وإنتظـام وفوضويّه
وآنا متوظف في شـِرْكه = شِركه ماتوقف محتركه
شركه مشتبكه مشتركه = ميّه بالميّه سْعوديّه
فيها ستين ألف موظّف = اللي وصّخ واللي نظـّف
من ذا النثر ومن ذاك الظف = في الفوقيه والتحتيه
ومن زملائي يازملائي = واحد برجويّ برمائي
لا دمّامي لا أحسائي = بس سعودي بالجنسيّه
من طقــّة مدمود وميدو = مغرم بصورّ الترنيدو
وممثل لعيال النيدو = وأشغلني شر البليــّه
دقه دقه دقه دقه = حتى صار يمر الشقه
ضيف ولو سولف من حقه = يهرج حتى تكلّ لـْحيّه
أول مرّه كنـّه راقد = ثاني مرّه كنــّه فاقد
وأتلى مرّه قد هو ناقد = ملوي وأفكاره ملويه
قال إسمع والهرجه حرجه = والضيقه ماهي منفرجه
لين آخذ بأسئلتي درجه = حول أمورٍ لك شخصيّه
قلت إسألني يالله ورّد = يالله غرّد يالله غرّد
سخـّن هرجك والا بـرّد = إجاباتي تلقـائيـّه
قال إش قومك وأنت مهندس = إليا زان الليل وحندس
تدخل بيتك كنك مندس= ماتسهر مثل البقيه
قلت الدوجه في اللومينا= حول الواحه أو مارينا
هذي والله ماتعنينا = مره مره بالموليه
أما بشكه طقم طقم = ولبلوتوثك لقم لقم
وأنشودتهم رقم رقم= هذي هي أكبر خطيه
أما شغلة حكم صنن= هاص وشريه يامتفنن
ماني في اللعبه متجنن= لو رصيت الأربع ميه
أما وأما بلايستيشن= وإلعب يالعــّيب ونيشن
تحت اللمبه والكنديشن = هذي اللعبه بزرانيه
واللي ماتعجبني مره= مالي فيها كبر الذره
شغلة كرانيش وفره =هذي للناس المبليه
تبغى أكمل وإلا أوقف = يالله جاوب يامتثقف
وين العاقل والمتلقف = قال إسمح لي بس شويه
قلت مسامح لكن عجل =لاتبلع رادي ومسجل
هذي فرصه ليش تأجل= ناقشني في ذيك وذيه
قال إشفيك عقال وغتره= تلبس ثوب غالي متره
ياخي من فتره لافتره= أترك هذي التقليديه
قلت تبابي صدق مبابا= ماني فيد جيان وطابا
ألبس سامحني يابابا= وأمشي وأسحـّب رجليه
في ملبوسي صعب تساوم= مهما مهما قمت تقاوم
ألبس بدله يوم آداوم= أو في سفره خارجيه
ها وش باقي ماسألته= عطنا الباقي ياذا الفلته
هرجك قلته أو ماقلته =ما بيأثر في النفسيه
قال أكلاتك دايم مندي= منت فــ أكلاتك متفندي
مره رحت لمطعم هندي = في ضواحي العقربيّه
قلت إسمح لي يامتحاكي= ماني من شلة كنتاكي
أكلك ضاحك وإلا باكي= برقر وفرايز مقليه
ومكدونلزك ماحبيته= وآبشرك أني ماجيته
ماني قايل يخرب بيته= خايف لايزعل راعيه
تبغى أوقف وإلا آكمل= منت بالأفكاري متحمل
لكن صمل وآنا آصمل= ناقش وردودي ناريه
قال الموفيز يا متعلم= أفلام ومخرج ومعلم
وأنت مطنش منت تفلم= حتى لو هي كوميديه
قلت إسمعني مالك حجه = وش تجني من فلم الدجه
أكشن صجه وأكشن رجه= وقصة حب ورومنسيه
ها حبّ إذنك وإلحس كوعك = بقعا تصوعك بقعا تصوعك
فارقني يا شين طبـوعك = والاّ آسلمك الدوريــّه ![/poem]