عزالله إنّي حزين .!

المشاركة الأصلية كتبت بواسطة فهيد بن عصيدان

السلام عليكم .,
ممّا قلت في رثاء المرحوم بإذن الله
عــامر بن ناصر آل عصيدان ,


[poem=font="Simplified Arabic,4,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عزالله إنّي حزين .! وخاطري قدْله=من الفـَرَح حول شهْر ., وفوقه شْـويّه
الحزن لارحت والاّ جيت أعوّدْ له=يجتاحني فالكويت وفالسعوديّه
القلب مفجوع .! لايسلى ولايدْله=والعين تبكي فراق الحيّ من حيّه
مثل أمس ( سالم ) بـِكَت كلّ المساجدْ له=واليوم ( عامر ) لحق بالكيّه الكيّه
الفقْد موجع ., وعرق القلب فاقدْ له:=اخ , وخوي , وإبن عـمٍ يطبخ حـْميّه
أرثيه , وأبكيه , وأدعي له , وأردّدْ له=مرثيّتي ., يوم أغنّيها هجينيّه
الدمْع له , والرثا له , والتوجّدْ له .؟=مايتّسع له .! لياغنّيت مرثيّه
فيه إجتمع كلّ مايمكن يمَجّـَدْ له=بذاخة الكفّ والنفس الغناويّه
له مَـدّةٍ بالكَرَم ماهيب معتدْله .!=وله فزعةٍ تبرد الكبد الضماويّه
والاّ النّشب لاتعقّدْ .؟ مايعقّـَدْ له=وان صمّل العلْم ., جاهيّه وماليّه
مثل الجبل لاوقف والا تقعّدْ له=اتنومس الراس وقفاته وطاريّه
ذكْره وذكراه وفْعوله تخلّدْ له:=محبةٍ فالقلوب , وسيرةٍ حيّه
الناس تشهد .. وانا مانيب شاهدْ له=شهادتي فيه مجروحه ومدميّه
يالله .. يالعادل اللي ينتصفْ عدْله=واملوك الارْض اتّراعد تحْت كرسيّه
تشفع لعبدٍ خصاله ماتعدّدْ له=في ساعةٍ مالنا رحمه وماويّه [/poem]


اللهم آمين ,

اللهم آميــــن



اللهم ارحمه برحمتك .. واكرم نزله .. ووسع مدخله .. ونقه من الخطايا كما ينقى الثوب الابيض من الدنس.. واجعل قبره روضة من رياض جنتك


يا أرحم الراحمين ..




عظم الله اجرك .. وسلمت