( على حاله ) ..!

[align=center]
" نواف نايف "
ممتنة لحضورك وَدعواتك التي اسأل الله أن يتقبلها
وَ يجزيك عن كل حرف درجة في الجنة
لاهنت ..،
[/align]

[align=center]
" وجد "
صح بدنك ياعزيزتي
وشكراً جزيلاً لدعواتك وَ كرم حضورك ِ..،
[/align]

كأني به مقر الطيـب مثلـي يايبـه مصـدوم
يدور من لقاه الطيـب بيـن النـاس مدهالـه
يدور فـالعيون اللي تمـره عنّـك أي علـوم
ولايلقى ياكود الدمـع مسفـوح ٍ علـى جالـه

,

الحمدلله الذي لايحمد على مكروه سواه ,

اخت من طاع الله , قصيده فيها من الحزن الشئ الكثير

نسأل الله ان يرحم والدك ويغفر له ويتجاوز عنه

ونسأل الله لك الصبر والسلوان

تقديري

صدق هذا الحزن يجبرنا على الامتثال له مرارا هنا .. والتصفيق لولوجه القلب بلا استئذان ليستفز دمعة تعبر عن كامل الرضا


صح لسانك بلا عدد



وغفر الله لوالدك اخيّة ..



ودي وتقديري ..

{على حاله ..} مكانك يايبه من غبت لين اليوم
وعلى حال المكان أصيح وأذكر ماضي أحواله
كأني به مقر الطيـب مثلـي يايبـه مصـدوم
يدور من لقاه الطيـب بيـن النـاس مدهالـه
يدور فـالعيون اللي تمـره عنّـك أي علـوم
ولايلقى ياكود الدمـع مسفـوح ٍ علـى جالـه


قصيده مليئه بالحزن ..


أخت من طاع الله .. صح السانك ..



ورحم الله والدك وأسكنه فسيح جناته ..

وأبقى راسك
وجعلك ذخر للي تحبين

أبدعتي وأوجعتي يا أخت من طاع الله .. ابدعتي وأوجعتي ..
رحم الله والدك واسكنه فسيح جناته ..
صح لسانك ودمت ِ كما تحبين ..

تحيّتي

اخت من طاع الله



الحمد لله على كل حال .. والله يرحم ابوك ويسكنه فسيح جناته .. وصح لسانك على هالحزينه وانا اخوك



سلامي عليك

،
،
،

اخت من طاع الله

صح لسانك قصيدة معبرة

تقبلي تحياتي

غيابك عندنا كوم وَ ألـم فقـدك علينـا كـوم
وبعدك أيّات كلمـة تجـرح الخافـق وتغتالـه
بعدك اسأل مسافات التعب من غبت لين اليـوم
عنك وتبدد أنفاسي ليا قالت {علـى حالـه..!}


رحم الله والدك وتغمده برحمته .. ورضوانه

أخت من طاع الله

للحزن في كلماتك نبرة .. وللآه في أحرفك باع طويل
صح لسانك .. وعساها آخر الأحزان

تحياتي


..

الله اكبر
الله لايحاسبك

كم هي حزينه وكم عشناها ,,

يقصر الكلام عن شعرك وماتكتبين

اعذريني

.
.


الله الله الله

صح السانتس ملايين الـ ملايين

و

الله يرحم والدتس ويسكنه الجنـه


،

إستوقفني كثيراً هذا النصّ
لإنّه ( [OVERLINE]شدّ المشاعر[/OVERLINE] ) .!

أخت من طاع الله

إسم لمع بقوّه في المرقاب ، وكانت ولاتزال قصائد هذا الإسم في دائرة إهتمام الكثير
لإنّه إسم : شاعرة ، يكتب بإبداع حقيقي وتميّز ملحوظ .!

[ على حالة ]
نص مفعم بالشاعريّه الصادقه ، أعجبني كثيراً وقرأته أكثر من مرّه ..


{على حاله ..} مكانك يايبه من غبت لين اليوم=وعلى حال المكان أصيح وأذكر ماضي أحواله
بداية تقليديّه ولكنّها للمبدعين فقط ،
الوقوف على الأطلال .. منهج أساسي عند شعراء العرب منذ القدم
جميل جداً إيراد ( على حاله ) و( على حال ) تناغم موسيقي و ربط سريع بين معالم لوحة تشكيليه لمكان بقي حالة كما هو عليه ..
لهذا المكان تفاصيل تتضح من خلال ..

كأني به مقر الطيب مثلي يايبه مصدوم=يدور من لقاه الطيب بين الناس مدهاله
يدور فـ العيون اللي تمره عنّك أي علوم=ولايلقى ياكود الدمع مسفوح ٍ على جاله

صور جماليّه .. غاية في الروعه
هذا المكان هو ( مقر الطيب ) الذي صُدم برحيل صاحبه وأصبح يبحث عنه ويسأل ولا يجد الاّ الدمع في كناية عن أن رحيل صاحب المكان أحدث أثراً في كل شئ .!

من المكان ووصف حاله تنتقل الشاعرة لحالها وتقول :

يبه مرت ثمان شهور بنتك ما أهتنت بالنوم=وأظن أتلى العهد به يوم فقدك حطت إرحاله
على قلب ٍ قصا يا يابتي من حمله المردوم=وضرى به لويثوع الصبر مما ضمت أنحاله

هذا هو حال الشاعره التي تعاني من رحيل والدها الذي إتجهت بالخطاب له لإنّها تشعر أنّها وحيده بعد رحيله . ولاتجد من تحدّث أو تشكي له سواه .وهنا تتجلى أجمل صور الوفاء .
تستمر في خطابها لتقول له :

لو إن اعمار خلق الله لها بسوق المنايا سوم=ياكثر اللي يبى يرخص من أجلك حاله وماله
لماذا .؟

لانك ماكر ٍ فوقه مطاليق الحرار تحوم=لهم درع وحجا لا أبدا الزمن سوّه وغرباله
وإذا فالمتن بان لمضهد اللي يحملون وسوم=جمل لو هو كبير الحمل عنهم كنت تشتاله
قوي عزوم في وقت ٍ يبى مثلك قوي عزوم=على أنه عسر لكنك من أبرز وأطيب رجاله
بذراعك فيه اخذت المشيخه ما خذتها بختوم=أهلها فالرخا " قوم ٍ" لعقد الحبل حلاله
لكّن لو كبرت القاله وعنها أفخت يدين " القوم "=تجي منقادة ٍ عندك وعندك تصغر القاله

تحاول أن تخفف عن نفسها لوعة فقده ورحيله وذلك بـ ذكر محاسنه التي يحق لها أن تفتخر بها لتخف وطأة الفقد عليها .ولتبقى سيرته متنفساً لها .

يستمر خطابها لتقول :

يبه يامسندي كيف آصلك بعدك وكيف أقوم=وأنا كلي كسيرة ماسطا من حزن ما أحتاله
ويبه كل الشتات اللي نعيشه كان بك ملموم=وحال قلوبنا يانبضها من غبت يرثاله

هنا توضّح أثر رحيله عليها .. حيث

وفي نظرة تشاؤميّه تداركتها سريعاً لتذكر أن الأمل بالله موجود دائماً وتتجه لله عزّ وجل بالدعاء تقول :

خبا كل الضياء والحزن معتم والأمل معدوم= بغير اللي عساه يظلنا وياك بظلاله
وتعود لتصف الحال الذي تصبح عليه كل ما تتذكره ..

غيابك عندنا كوم وَ ألم فقدك علينا كوم=وبعدك أيّات كلمة تجرح الخافق وتغتاله
بعدك اسأل مسافات التعب من غبت لين اليوم=عنك وتبدد أنفاسي ليا قالت {على حاله..!}

وبــجملة ( على حاله ) التي بدأت الشاعره قصيدتها بها تنهي دائرة قصيدتها ، في تميّز ملحوظ .

لو إن اعمار خلق الله لها بسوق المنايـا سـوم
ياكثر اللي يبى يرخص من أجلك حاله ومالـه
لانك ماكر ٍ فوقـه مطاليـق الحـرار تحـوم
لهم درع وحجا لا أبدا الزمن سـوّه وغربالـه



الله يرحمه ويغمد روحه الجنّه


والله ذكرت غالي ، ودمعت عيني

الله لا يذكرك يـ الموت بـ الخير ، .. ، كانك خذيت أغلى بشر في حياتي

صح الله لسانك مليون

[align=center]اللهم آمين
القدير "كديميس السيحاني"شكراً لك ، [/align]

يبه يامسندي كيف آصلك بعدك وكيـف أقـوم
وأنا كلي كسيرة ماسطا من حزن مـا أحتالـه
ويبه كل الشتات اللي نعيشه كان بـك ملمـوم
وحال قلوبنـا يانبضهـا مـن غبـت يرثالـه
خبا كل الضياء والحزن معتم والأمل معـدوم
بغيـر اللـي عسـاه يظلنـا ويـاك بظلالـه
غيابك عندنا كوم وَ ألـم فقـدك علينـا كـوم
وبعدك أيّات كلمـة تجـرح الخافـق وتغتالـه
بعدك اسأل مسافات التعب من غبت لين اليـوم
عنك وتبدد أنفاسي ليا قالت {علـى حالـه..!}


أبدعتي واحزنتي يالشاعره
وصح الله لسانك ورفع شانك

ونسأل الله الرحمه والمغفره لوالدك

وتسلمين على هالمحزنه

تحيتي’,,

انا لله وانا اليه راجعون

رحم الله والدك يابنت الرجال

واسكنه في فسيح جنّاته

دمتي بخير