ّّ._ تــ ــقــ ــا طـ ـيــ ــع _.

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
الله يحللك ويبيحك ( مبا ) شيّ = أبغاك بس تبيحني وأنته مباح
ما دام راسي حيّ .. وأنته بعد حيّ = علـّق علاقتنا على هوج الأرياح
اجروح قلبي خمسة اسنين هي ..هيّ = والحين منها صرت دكتور جرّاح !!
من عقلي الناضج ، ومن جرحي النيّ = سوّيت لقفول الصناديق مفتاح
وإن قلت : يابوياه .. ياقوم .. يا ويّ = ماهوب قول معارض صياح بصياح !!
وش لك معي بالله .. بالله وش ليّ ؟ = أحسب حسابك فالخساير والأرباح
ترى شراكتنا مهي بورصة دبيّ = الحظ راس المال .. واليا وقف طـاح
والحب .. من بيع الربا ياخذ شويّ = حلال مابه شك .. ومبيّض امراح !!
وإن جيتك أبغى حب محتاج له عيّ = أرتح وأنا مرتاح دام أنت مرتاح
صحيح مال إثنيننا فالهوى زيّ = اصدور مليا عشق .. واقلوب ٍ صحاح
وأن ما طويت العشق من سيرتي طي = والاّ سردت ادموع تومان الأرواح !!
يا ميّ .. لا مخطي ليا قلت : يا ميّ = أنتي ظما ( يا ميّ ) لا جا .. ولا راح
من ( شعري الشعبي ) تعلـّمتي ( الكيّ ) = وأنا ما غير ( أردّها لتس فالأفراح )
ما عاد تفرق ذيك .. يا مي ّ عن ذي = ولا عاد لي عقب أزلف العمر مرواح
روحي على فالك معا ( راكب اللي ) = وأخذي مجالك فـ ( الحداثه ) و ( الإصلاح )
خلاص مالي كبد تقبل هل الغيّ = وخلاص مالي قلب يا سعك يا صاح
والله لـ / أسج الرجل فـ ( الخرج ) حي .. حي = ما جيتك مروّح ( على خف وجناح )[/poem]