النفس الشقيّه .. ( مشاركه أولى )

السلام عليكم ورحمة الله وبركاته

صبحكم \ مساكم .. الله بـ الخير


يشرفني أن أشارك مع نخبه من كبار الشعار والمبدعين وهذي مشاركة أولى

أتمنى أن تحوز على رضاكم .. وعسى الله يجملني



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

السلام عليكم ورحمة الله وبركاته

صبحكم \ مساكم .. الله بـ الخير


يشرفني أن أشارك مع نخبه من كبار الشعار والمبدعين وهذي مشاركة أولى

أتمنى أن تحوز على رضاكم .. وعسى الله يجملني

وعسى الله يجملني




ما خذيت امن السنين الماضيات الا العلام = ولا خبرت امن الليالي غير مرّ فتوقها

ساهر ٍ ثلثين ليلي بـ التفكّر والهيام = فـ الحياه وفي أمور ٍ ما قويت أحروقها

أحتري مطلق سبيلي عقب ما طال المقام = ملّت النفس الشقيّه من يباس عروقها

لو أبسكت عن حقيقه طالني ضل الغمام = والبشر مهما تسوي ما لحقت حلوقها

من خِلقت أحشم لساني وأحسب حساب الحشام = والرّجال فـ ذمتيّ لا ما تضيع حقوقها

الخوي ما أبحث خفاه ولا أدور به كلام = الرحب يسبق قدوعه و الدلال اسوقها

آتشيّم بـ الكرامه للحلال وللحرام = ولقمة ٍ من قسم غيري حالف ٍ ما ذوقها

إن رضيت أرضى لغيري لو لحقني به ملام = حكمة ٍ من روح شايب رحمة الله فوقها

الاصيل يعيش عمره كم يوم وكم عام = ولو يموت أحياه ذكره عند ناس يشوقها

فـ الرجل وان عاش يومه ما يخطف الا السنام = ولا يهيم بحاجة ٍ له غير يدخل سوقها

والردي وان عاش عمره سل سيفه بالكلام = ولا يهمه فـ الخلايق غير ضحك شدوقها

ما طراله ركعتين ٍ يوم خلق الله نيام = المراجل في ضميره مطلقين سبوقها[/poem]