عادت حليمة لعادتها القديمة !!

الله يسامح حليمة .. طبعها ! ما تتوب
كأنها تستلذ بــ ضيقتي ووجعي

تقبل وتقفي على قلبي شمال وجنوب
واقول من ضيقتي للروح بس اطلعي

من ملحها ويش اقول وهي غنوجٍ لعوب
من ساق رجله لها ما قال يوم ارجعي

فيها من الحسن ما يذهل ويغوي شعوب
وفيها من الكذب ما لا يقبله مسمعي !

أحيان احس انها ملكي ولاجلي تذوب
واطرد وراها وهي أقرب لي من اصبعي

تعبت منها – عليها وامتطيت الدروب
وانا أدري اني بالاقي بينهن مصرعي

أجمع سنيني وادوّر وسط قلبي قلوب
واقول أما اسهري يا عين والا أدمعي

الناس ما عاد تعطي من كرمها ذنوب !
وانا تعودت لا من جيت جيت أجمعي

تضحك حليمة لغيري لو تهب الهبوب
تعطيه من وجهها لو كان فاقد وعي

وان قلت يا قلب يمكن عن عنادك تتوب
عادت حليمة لعادتها القديمة معي


الله الله الله
ياسلام عليك يابوسلطان

شعرحقيقي وقصيده اكثر من رائعه

صح لسانك

لك تحياتي