( * امّا قبل * ) !

[poem=font="Traditional Arabic,5,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]




البارحه وجه السماء مالاح به مثقال نور =يطلق سراح اغلى كلام من الظلام ويعتقه

من التعب دوّرت في صدري على منفذ عبور=احتجت امرر من خلاله .. كبت ضيقه وغلقه


حاولت اشد ازري وجف النبض من سبع البحور=مع كل قاف اركبّه .. في كل طاروق اطرقه

حزني على نفسي تفرّد بي وتفكيري يدور=في دايره والدايره من كل جانب مغلقه

دك الضلوع بخيله .. وسيفه ..وبالصوت الجهور=ولا استراح الا بعد ثارت رصاصة بندقه


اوجست لي خيفه من الواقع وتغريب وفتور=وآنست نار ٍ تشتعل في كل ضلع وتحرقه


من عادة الصبر يتجمّل في مغاليق الصدور=لكن مدري ليش حرّك هم صدري واقلقه

ياصاحبي عذرك معك .. وانا معك .. وانت معذور=لو ضقت بي ذرعا ً.. ولو اخليت ربع المنطقه

انا بدوي ٍ في الغياب اوجد تفاصيل الحضور = وانت الوحيد اللي علي ّ بكل حال اصدقه

سولف على رسلك بفمّك .. وأنه دمك لايفور=واضحك لو عيوني معك بدموعها مغرورقه

الصدق نبراس الوفاء .. والشعر مفتاح الشعور= يصبح بها الانسان في تركيبته .. مصدر ثقه

واحلمي الي كنت ادوّن حجته بين السطور=ازريت لا اتخلى عنه .. ولا قدرت احققه

مدري وقف بيني وبينه ظرفت متعنت وجور=او فيه احد غيري لقى فرصة غيابي واسرقه

المؤسف ان الروح خصبه .. واغلب الافكار بور=والمشكله هذي وهذي .. بالشهود موثقه

الغصن لو انه يطيع الريح في بعض الامور=ماهوب لازم ينثني ويطاوع الريح .. ورقه
[/poem]