( * امّا قبل * ) !

..



[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] لو ياشبيه الحور في جنة الحور = ماكنت ترويني .. وتملك شعوري

ماكان لك في داخل الصدر جمهور = تهتف مجاميعه بصوت ٍ جهوري

اضفى على جمر الغلا حس وشعور = واسس على اعتاب المعاليق دوري

امر التنافس فيه حصري ومقصور = عليك في مجمل حياتي واموري

لين استوت عوج الحنايا على الكور = واجزلت مع ركب المحبه مروري

هذا الصحيح وماعلى شخصي قصور = لو ضيّق الواقع منافذ عبوري

اهتك غياهب واقع الظلم بالنور = وتستبشر احوالي بهيبة حضوري

وان طالت الشدّه على صفح تنور = مديت للشدّه دواعي سروري

شوري عليك وبعض الاشوار دستور= اخذ الحقيقه من ثنايا سطوري

انا متغطرس بالرجوله .. ومغرور = ومن حق شخصك يستلذ بغروري

في وفق منظور اهل الادراك والشور = الناس ضرب اجناس نازي وثوري

على فتات الخبز .. كم شح ّ ميسور = وكم كف محتاج ٍ .. ملا الارض جوري

والشوق صبح .. وعامل الوقت ديجور = والاخذ باسباب التفاوت .. ضروري [/poem]