هـــــد أعصابــــك

مواهبية
من الأوراق المبعثرة

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]

يا صدورٌ ما تبين اسرارها محجوبه = افتحي للشمس منفذ يخترق لحجابك
و يا وليفي كل حجة للقضا مطلوبه = و إن بديت بحجتي بالله هد اعصابك
و الله اني ما نويت أنجّب المنجوبة = مير عندي كلمتين(ن) كنهن اطيابك
اشعل الليل الطويل بنـارك المشبوبـة=ومن لجاء لك من سهاده لحفه بأهدابك
انت لك حوبه وانا لي يا وليفي حوبـه=من صلو جمرة غلاك اللي سببها غيابك
من لضاها خافقي يادوب صبره دوبـه=والحذر يعقد لساني يـوم مـا هلابـك
و اللسان حصان والكلمة مِنه محسوبه = لكن إن القلب هلاّ يوم شاف ركابك
انت لك قدر ومكانة شافعـة مكتوبـه= ما تلاحظ يوم ما بادرت لك بعتابـك ؟
خذ تمعن في المشاعر جات لك مصبوبـة = صب مسكوك الذهب من مصنعه بكتابـك
و المشاعر عزف شاعر, بالغلا مسلوبه = لو تسلّم في يدينك عفت نقش خضابك
و الحنايا روض وخيام الغلا منصوبة = و صل الاطناب منها لروضتك باطنابك
ما دريت إن المشاعر فاتنة مخطوبه = لين مالت و استمالت كله من اسبابك
اثرك الفتنة لمن عف الغزل ودروبه = و ارتضى حكم القدر يوم القدر له جابك
واينعت عندي ثمار الأبجدي بإعجوبـة= يوم صغت القاف وارسلته لشرفة بابك
هيبته من هيبة اللي مرسله بإ سلوبه = كنه اللي حوّل من حسابه إليا حسابك
ما استدنته من هل التطوير للأكذوبـه = ولا شريته من احاسيس الغباء لإعجابك

[/poem]