- أكـبــــــر (خــــــطأ) -

المشاركة الأصلية كتبت بواسطة موسم سفر القثامي

السلام عليكم ورحمـة الله وبركآته

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
أكبر خطأ سرك للانذال تبديه=وتصاحب الخائن قليل المروهـ
وتسوي المعروف في غير راعيه=وتجامل الغلطان وتقول خوهـ
وتشره على اللي مايعرف المشاريه=ويلقا على سبك طريق المفوهـ
وتبع المقفي نقص لو كان تغليه=تونس غلاه ببسرة القلب جوهـ
واكبر خطأ راع الجهاله تلاغيه=بنفس الكلام اللي تفوه تفوهـ
وتلعب على الحبلين والحق تخفيه=وعلى نضيف القلب تقدر تموهـ
ونفس الكلام اللي تجيبه توديه=ولسمعة الاجواد تقعد تشوهـ
وتعجبك قوة سلطة الجاه وتيه=وتقول انا اللي منزلي في علوهـ
أعلم تراك انسان وضعيف ياهيه=ماغير قوة خالق الكون قوهـ
هذي نصيحة من تحكمه مباديه=من المجتمع ماراق باله وجوهـ
ولاقول كل المجتمع ماذكّر فيه=الناس فيهم من براسه حموهـ
خصيت فيها اللي عريبه مجانيه=ومن باب حبي له وباب الأخوهـ
أنت استلمت رسالة الؤد قول أيه=الله يجنبك المنافق وسوهـ
إذا إتعضت أشكرك هذا اللي ابيه=وإذا جهلت اللي يناسبك سوهـ
ولاني وكيل أدم على أخطأ ذراريه=حبيت أحذر عن بعضها وأنوه
[/poem]

وســلآآآمتــكم

نعم نعم نعم

هذا هو الكلام الصحيح

صح لسانك ياموسم

تحياتي لك

المشاركة الأصلية كتبت بواسطة محمد بن عون

نعم نعم نعم

هذا هو الكلام الصحيح

صح لسانك ياموسم

تحياتي لك

الغالي

محمد بن عون

لك مني جزيل الشكر على كرم مرورك العطر واطرائك الجميل

لاهنت

تحيتي لك