نصوص مرقابية راقت لي

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
على الله نبـذل الاسبـاب والله يكتـب الارزاق=ولانـدري عـن الارزاق ربـي ويـن يكتبهـا

بفضل الله ليا شان الزمـن ماشانـت الاخـلاق=تعيش بنا المعـزة مثـل ماحنـا نعيـش بهـا

مفاتيح الفرج ماغيـر عنـد الواحـد الخـلاّق=ملبـي دعـوة الداعيـن ومحقـق مطالبـهـا

وهذا اللي شرح صدرٍ من ظروف الزمن ماضاق=رجايـه فالله الـلـي مرتجيـنـه مايخيّبـهـا

تشع الشمس وتزيح الظلام ويبـدي الاشـراق=ويشرق نورها مـن مشـرق الدنيـا لمغربهـا

ليـا قفّـت مخيلـه ماتخيـل عيونـي البـراق=لـو أن ثعولهـا ينهـل ماهـا مـن سحايبهـا

شريت الباقية بالفانيـة مـن غالـي الاسـواق=وروس اموالي بسوق الغلا ضامـن مكاسبهـا

الآمانـه ثقيلـة وحملوهـا النـاس فالاعنـاق=ولايقبـل عـذر نفـسٍ تقصـر دون واجبهـا

ملايكة الحسـاب تسجـل الاعمـال فـالاوراق=وفـي يـوم القيامـة للمـلا ربٍ يحاسبـهـا

وانا عاهدت ربي مانقضـت العهـد والميثـاق=عهد .. والعروة الوثقى يديني فـي مقاضبهـا

عن الدرب العوج رجلي تجنب ماتحث السـاق=لو أن أكثر عبـاد الله معـه تشعـب ركايبهـا

يقولون الرجال الصبـر طعمـه مـر ماينـذاق=واقول العاقل أمـوره يحسـب فـي عواقبهـا

يدور بنا الفلك والجاهـل بغيبوبتـه مـا فـاق=ونفسه مـع طريـق الغـي متعبتـه ومتعبهـا

قليل الدين صدره ممتلي ضيق وحسـد ونفـاق=مع الخالـق مخربهـا ومـع خلقـة مخربهـا

على الخايب فناجيل الـدلال الصفـر ماتنسـاق=تعـدا للرجـال الـلـي مكـرمـةٍ شواربـهـا

رجـالٍ للمراجـل والعلـوم الطيّبـة عـشـاق=عزيـزاتٍ مذاهبهـا .. عريبـاتٍ مناسبـهـا

هل الطاعه توغل حبهم فـي داخـل الاعمـاق=الاصحاب الكرام اللي ماتهفـي قـدر صاحبهـا

وتبقى حالة الدنيا اجتماع ومـن بعـده فـراق=دروس ايامنـا اللـي علمتنـا مـن تجاربهـا

ليا حان الوعد حل الوداع و يبسـت الاريـاق=عسى ربي هذيـك الساعـه يهّـون مصايبهـا

وصلى الله على اللـي دلنـا مكـارم الأخـلاق=عدد من حج بيـت الله والكعبـة يطـوف بهـا[/poem]


علي العضياني