 |
 |
 |
||
 |
 |
|
|
|
|
||
|
|
|
 |
 |
 |
 |
|||||||||
|
||||||||||||
 |
 |
 |
 |
|||||||||
| ..: مرقاب الرّكن الهادئ :.. ابــداع بــلا ردود!! |
 |
|
|
أدوات الموضوع | ابحث في الموضوع | انواع عرض الموضوع |
08-08-2010, 08:26 AM
|
#793 | |
|
(*(عضو)*)
|
:
: : [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] حبيبتي ، من وين ابلقى منامي ؟ = وان كان فيها شي .. من باب الانصاف ! مدّي بعيني قامتك .. ثم نامي = جفني لك فراشك ، ورمشي لك لحاف واذا صحيتي .. بلّغيني سلامي = وقولي لي انّي نمت .. ماحولي خلاف [/poem] : : : |
|
|
|
08-08-2010, 07:44 PM
|
#794 | |
|
(*(عضو)*)
|
:
: : [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] عاد رمضان ، وكل عام انتم بخير = ومن الضروري .. نستغلّ الثواني ونرمي دلو زمزم .. على جمّة البير = ونسلّم الاخلاص .. سبع المثاني حتى نشوف القلب .. في هيئة الطير = ويشيله الايمان .. في جوّ ثاني ياالله تهدينا ، وتكتب لنا الخير = ويعيد عيد الله .. بكل المعاني لو انّ هذا العام .. تركيبته غير = جاني بعيد الفطر .. قبل رمضاني[/poem] : : : |
|
|
|
|
09-08-2010, 07:24 AM
|
#795 | |
|
(*(عضو)*)
|
:
: : [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] خالك ، تحت شفّتك .. من كثر زينك = ضامي ، يبا منهال نهرك و ضفتّك واثر ، العلاقة بين .. قلبي وبينك = مثل العلاقه .. بين خالك وشفّتك يااغلى هدايا العمر .. عيني بعينك = تسلم يدٍ .. ورّتك قلبي ، ودفّتك أصلاً ، سنيني عايشه مع سنينك = وظروفنا ، خفّت حياتي .. وخفّتك البارحه وانا اتحرّى .. يمينك = مابين ، توليفة جنونك وعِفّتك وزَنت حبّك .. في مقابل ضنينك = ورجْحَت على ميزان الايام .. كِفّتك انا فدى .. روحك وفكرك وطينك = والعذر منك ، ان كان روحي ماكفّتك[/poem] : : : |
|
|
|
|
09-08-2010, 09:29 PM
|
#796 | |
|
(*(عضو)*)
|
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الشعر ماهو دايماً .. فلّة حجاج = صاحب ، يوثّق للسنه تجربتها يوقف معك فزعه .. ولاهوب يحتاج = تنبّهه للساعه .. وعقربتها والذبذبات المرسله .. بين الابراج = احيان ، تجرح خاطري ذبذبتها احاول القى للمشاريه .. مخراج = عشان ، اسلّم مهجتي كهربتها العقل صاحي زين ، والقلب هرّاج = وحروفي ، كفوف الحياه اكتبتها ونخل الحسا مسقيه .. من عين الافلاج = ونخلة سما الايام .. اكلت رطبتها لبّست راس العمر فيما مضى .. تاج = وظروف وقتي .. دست فوق رقبتها والعمر مثل الفيل ، والفيل له عاج = والنار ، ماتالع بدون حطبتها لابس على كتفي من العزّ .. ديباج = والارض فسحه ، والمراجل نبَتها ماهمّني في هرج .. مفرج وفرّاج = اللي تموت وطيحتي .. مااكسبتها وافي ، وقلبي للمعاريف دوّاج = وسكّينتي .. ماساعدت حبحبتها عوّدت ، اسمّر من ورى الباب مزلاج = على أمل ، نار الرجا وعطبتها محبوس في نفسي .. ولاادوّر افراج = ومبسوط ، بين جدارها وعتبتها مبعد عن الشاطي ، ولا احب الامواج = اللي قصور اهل القلوب .. اخربتها وهدّاج تيما ، لين ذا الحين هدّاج = كم روح ! مرّت مويته واشربتها شاعر ، وفير .. احساس وافكار وانتاج = قطفت خوخة جنّتي .. وعنبتها ورسمت لي في ساحة الشعر .. منهاج = واصبحت مرجع شعر .. في مكتبتها ماقال لي لااحتجت .. منعاً للإحراج = ومشاعري ، مايوم عنّي كبتها والآدمي ، محتاج محتاج محتاج = يرتّب انفاسه .. بعد كركبتها هاذي ( حكاية شخص ) .. تأليف واخراج = نفس الظروف ، اللي معاي اعطبتها[/poem] |
|
|
|
|
10-08-2010, 04:00 AM
|
#797 | |
|
(*(عضو)*)
|
:
: : [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] الصمت في بعض المواقف .. جزاله = يقول عنك .. الفين كلمه وكلمه والكذب ، مهما طال .. تقصر حباله = والصدق ، مهما صار .. يوفيك سلمه والقلب ، لازوّد عليك انفعاله = محاولة ظالم .. لتبرير ظلمه والظلم ، مايعطيك رُبع العداله = لو الحليم .. يزيد فالوقت حلمه واللعب ، صدري مايطيق احتماله = مااحط قلبي .. بين جهله وعلمه والحب ، من حاله لحاله لحاله = للحين .. والاحداث تُعرض بفلمه [/poem] : : : |
|
|
|
|
11-08-2010, 01:03 AM
|
#798 | |
|
(*(عضو)*)
|
كل عام وكل مسلم بخير
وكل عام وكل اعضاء المرقاب وزواره بأتم صحه وعافيه بمناسبة قدوم شهر رمضان المبارك أعاننا الله على صيامه وقيامه ، وأن يكون فرصة لمراجعة الحسابات . محبكم / فيصل السواط ، 28  دم تم / بخير |
|
|
|
|
12-08-2010, 09:48 PM
|
#799 | |
|
(*(عضو)*)
|
:
: : [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] الركن هادي ، بس في شهر رمضان اصبح مخيف = واصحاب الاركان الله الله ، لاجلوس ولاوقوف ياعناد ، ياخالد ، يابن حرباش ، ياعبداللطيف = ياكلاش ، يامشعان ، ياطلال ، ياوجد ، وعيوف ماجيت ابرّر .. حاجة الانسان في لقمة رغيف = لكنّ ودّي صدق .. احطّك يالنقط فوق الحروف شهر رمضان ، الله يبلّغناه دوم .. اعزّ ضيف = له واجب الفرحه .. وتكثيف العباده فالصفوف وقراءة القرآن ، والسنّه من النهج الشريف = ومواصل الاقراب والاصحاب .. بقلوب ، وكفوف ياالله ترحمنا ، وتلطف في عبادك يالطيف = وتمنح قلوب الناس .. فالدنيا أمان ، ومنك خوف والشعر، ماهو ذنب حتى يسقط اوراق الخريف = حاله شعوريه ، ولاتقبل من الشاعر خسوف حتى الغزل ماهو حرام .. اليا بقى غزل عفيف = نسقي به اغصان القلوب البيض .. وتطيح القطوف[/poem] : : : |
|
|
|
|
13-08-2010, 02:27 AM
|
#800 | |
|
(*(عضو)*)
|
:
: : [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] ياتوأم الاحساس ، والفكر ، والروح = ياحبني لك ، كثر حبك وحبي اروح لك ، واجيك ، واجيك ، واروح = مانيب لبّ احدٍ ، لو الناس لبّي حاولت اخبّي ، لكن الشوق مفضوح = وشلون يقدر من يحبك .. يخبّي ياورد ، شم العطر في خلّي وفوح = وهبي عليّه ياالهواجيس .. هبي مالي بشعرٍ ماانكتب فيه .. مصلوح = وانا لعينه بس .. اصير متنبي[/poem] : : : |
|
|
|
|
13-08-2010, 10:14 PM
|
#801 | |
|
(*(عضو)*)
|
:
: : [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] ياحلمي ، اللي في معاليقي تحققت = الشوق ياكبره .. وياكبر امنياته يفوق لامن غبت ، ويغيّبني ان فقت = والوصل ، ماترحم عروقي .. مغرياته لاهزّت رياح الغلا الخفّاق .. واشتقت = ماكنّي ، الا شايبٍ كسرت عصاته حاول يلمّ عظامه .. ولا طاعه الوقت = وطاحت بقايا دمعته .. تجمع شتاته[/poem] : : : |
|
|
|
|
14-08-2010, 09:44 PM
|
#802 | |
|
(*(عضو)*)
|
:
: : [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] وشلون اشوفك ! وانتي اصلاً مني = لولا المرايا .. ماقدرت اشوفك وجهك يشابه .. في جماله ظني =ومدّات قلبي .. من كريم كفوفك [/poem] : : : |
|
|
|
|
14-08-2010, 10:15 PM
|
#803 | |
|
(*(عضو)*)
|
:
: : [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] عطورك ، كل ماهبت على قلبٍ .. حداه الشوق = تعدّي ضلعه الاول .. وتكسر ضلعه الثاني قلبتي قلبي .. وصارت عروقه ماتودي فوق =غني الدم .. لكن نصف جسمي منه فقراني حقوق الناس محفوظه .. وانا مالي عليك حقوق = سوى انّي لابغيت اضيع في خاطرك .. تلقاني [/poem] : : : |
|
|
|
|
15-08-2010, 03:11 AM
|
#804 | |
|
(*(عضو)*)
|
:
: : [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] أعذب الحب ، حبٍ كل ابوه اشتياق = واصدق الشوق ، شوقٍ ماعليه غبره مايعرف الجراح .. ولايهاب الفراق = ولاتحرِّك به ارياح الليال .. شعره ماخذ امن المبرقع .. رغبة الانطلاق = وماخذ امن السما الزرقا .. فضا المحبره ذاقه القلب .. واستشعر لذيذ المذاق = فيه طعم العسل .. مع ريحة العنبره والورق عين ، والمرود عليه الغلاق = يكحل الذايقه .. والكحل فالمسكره ربّعي يالاراضي .. واشبعي يانياق = ماانفتح قلب عبله .. غير مع عنتره يوم نسّى غلاها .. لوعة الاحتراق = وانّ ماكلّ رجالٍ .. يحب عشَره نسّته ويش معنى .. الضيق والانغلاق = وانّ ماكلّ أنثى فالوسيعه .. مره[/poem] : : : |
|
|
|
|
15-08-2010, 09:15 PM
|
#805 | |
|
(*(عضو)*)
|
:
: : [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] ليه الانسان ! دايم في خضمّ الحياه = يرخص اشياءه اللي .. تمتلكها يده كلّ مازاد بُعد الشي .. يركض وراه = وكلّ مازاد قُرب الشي منه .. ازهده كم وكمّ آدمي ! بعد الندم .. جرّ / آآه = ماعرف قيمة المفقود .. لين فقده[/poem] : : : |
|
|
|
|
15-08-2010, 10:12 PM
|
#806 | |
|
(*(عضو)*)
|
:
: : [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] رحمة الله ، على غازي القصيبي = مات ، والموت كلٍّ يبـ / يذوقه ماهو .. بصاحبي ولاّ قريبي = بس مسلم .. وله كامل حقوقه الوزير المحنّك ، والأديبي = من تحقق نجاحه .. في عروقه يالله اغفر ذنوبه .. يامجيبي = يوم جات السما والارض .. فوقه واهدنا ، ياإلهي ياحبيبي = قبل ماالموت .. تاكلنا شدوقه[/poem] : : : |
|
|
|
|
16-08-2010, 05:08 AM
|
#807 | |
|
(*(عضو)*)
|
:
: : [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] ودّي اشرح عن اجزاءك .. عليها السلام = لنّ صدق الخبر .. في ذمّة المبتدا يمكن افهم حقيقة .. سرّ هذا الغرام = الغرام الكبير ، اللي خذا بي مدى روحك : النور ، في هيئة حروف وكلام = وحبك : انسان صافي ، مايعرف الردى وقلبك : الطفل ماودّه ينام ، وينام = وعقلك : الشايب اللي .. مع دروب الهُدى وعينك : الصبح ، يحضن في مداه الظلام = وصوتك : انغام ، تسرق من ظلوعي صدى وكفّك : الطي حاتم ، واهتمامك : وسام = وصدرك : الكون ، وانفاسك : شهيق وندا احمدالله عليك ، امن الثرى للغمام = وكلّ عمري على بعضه .. لعينك فدا [/poem] : : : |
|
|
|
|
16-08-2010, 10:33 PM
|
#808 | |
|
(*(عضو)*)
|
:
: : [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] عن اذن الشعر ، ابا اسوّي قصيده من ثلاث بحور= مااظنّ فيها .. ولا حاجه يقولون : ان تضايقت بمكانك .. غيّر الديكور = وانا قلت : اشيل الفرن ، واحط تلاّجه تعبت اشغّل الكشّاف ، وانشد فالظلام النور = والساق .. فالكون دوّاجه اسمّن في عيوني عيشتي ، واقلط على الميسور = واروّح بسياره ، واعوّد بدراجه متى ياقلب تقنع في رضاك .. وحالك المستور = عوّد على ربك .. وناجه لك شهور وسنين ، وكم بقى لك فالسنين شهور! = والاحوال ، في كف المقادير منعاجه نثرت الشعر ، لكن ماقدَر شعرك على المنثور = وش تنفعك ! ضحكة حجاجه ولا ، ياالشاعر .. المتمكّن ، المتغطرس ، المغرور = على رسلك ، العربان ماهيب محتاجه ولا ، ياالشاعر .. المتحضّر ، المتعلّم ، المحظور = الناس ، بالناس هرّاجه تجبّر في كسور الناس ، وانت الكاسر المكسور = وحلمٍ بنيته فالسما .. عوّد ادراجه تحسّب كلّ شيٍّ ودّك تجيبه كذا .. مقدور = كم شيّ من دونه سياجه تصبّر واحسب حساب الليالي .. والليال تدور = وحاول ، تساير طبع وقتك ومنهاجه عفا الله عن خطاك ، ولابقى بعد الشعور شعور = وبكره على خير نتواجه[/poem] : : : |
|
|
|
|
17-08-2010, 07:09 PM
|
#809 | |
|
(*(عضو)*)
|
:
: : [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] فضفضي ، والجرح في ذمّة دواه =كلنا يدفع على جراحه .. ثمن كل مااسمع منك آه .. اقول : آه = آه منك ، وآه من غدر الزمن بس ، لو ينشد هوانا .. عن هواه = الجواب الضايع ، نردّه لـ / من! للثرى ، ولاّ السما ، ولاّ الحياه! = والدوا ، فالشام ولاّ فاليمن![/poem] : : : |
|
|
|
|
17-08-2010, 09:06 PM
|
#810 | |
|
(*(عضو)*)
|
:
: : [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] لازال .. كرسي حضرتِك ياالاميره = في ظل قصرك .. ماتغيّر مكانه مافيه بنتٍ غيرك انتي .. جديره = تملاه ، وتعيش امنياته وامانه تسوين في نظرة عيوني .. عشيره = ماهوب .. من زود الغلا والميانه الاّ انّك اصلاً .. قبل اعرفك كبيره = وابغاك تبقين الكبيره .. بامانه كلّك على بعضك .. مثيره ، مثيره = روحك ، وقلبك في هواه وحنانه وايامنا الحلوه .. طويله قصيره = وظروفنا ، لو ويش ماهي تكانه نبني من الاحلام .. تسعين ديره = ونضيع في عمرٍ .. عصانا زمانه يصبّ في كاس المحبه .. عصيره = وجروحنا .. تفاحه ، وبرتكانه والكلّ منا ، منجرح من ضميره = ويذوق فالفرقا .. من الخيزرانه والوصل ، يمّ البُُعد حدّد مصيره = والبُعد ، مانلحق عليه الإدانه[/poem] : : : |
|
|
|
|
18-08-2010, 01:55 AM
|
#811 | |
|
(*(عضو)*)
|
:
: : [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] أحبك ، واتمنّاك ، وادوّر لفرقاك = ولا ادري ويش اسوي! واحاسيسي غريبه وازعّلك بفراقي .. على شان اكسب رضاك = ولا انتي لاقيه عذر .. للجرح وطبيبه واشوفك قدْم عيني .. ولا ادري وين ابلقاك! = واحس انك بعيده ، واحس انك قريبه وانا لو قلت ابنساك .. بالله كيف ابنساك ؟ = احد ينسى ! اجمل احلامه .. ولذّة نصيبه وروحي ، عايشه خيرها من فضل ذكراك = ولا يلحقني بخافقك .. شكٍ وريبه لكنّ الوضع يبقى .. من اقصايه ليا اقصاك = ولا هي عند مثلي ولا مثلك .. صعيبه ليا جيتي ، هلا مرحبا والله ، وحيّاك = ولن رحتي ، فمان الغلا .. يااغلا حبيبه[/poem] : : : |
|
|
|
|
18-08-2010, 08:56 PM
|
#812 | |
|
(*(عضو)*)
|
:
: : [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] ياأمل ، لن شفت راس الياس بيّن .. دوسه = مايعيش الياس .. في قلبٍ يحبّ اعياده ياأمل ، وارجع على راس الوليف .. وبوسه = وقول له : صدري على طول الحياه .. بلاده ياأمل ، دام الحروف الصادقه .. محسوسه = ليش !! مايقنع تواصلنا .. بلقمة زاده ياأمل ، دام الغلا .. لبس الوفا ملبوسه = ماعليْه خلاف .. لو فرّق وجيه اسياده ياأمل ، من تجربة عمري .. حفظت دروسه = وكم شربت المرّ قبل الحلو ! .. من ميراده ياأمل ، درب الشقا ماهوب للمحروسه = والسعاده ، ماتذاق الاّ على السجّاده ياأمل ، كم آدمي ! حريّته محبوسه = يوم حرّر للهوى موته .. واكل ميلاده ياأمل ، لو ينفتح ضرس العقل .. للسوسه = ورّدت راعيه في دهويّته ، وزياده ياأمل ، والشعر مسحوبه على منكوسه = مايعبّر عن مشاعر شاعرِه ، كالعاده ياأمل ، واللي عطى بنك الوليد .. فلوسه = مايُثمَّن ، حب ابن زيدون في ولاّده[/poem] : : : |
|
|
|
|
20-08-2010, 03:38 AM
|
#813 | |
|
(*(عضو)*)
|
:
: : [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] صوتك يرد الروح ، ياعذبة الروح = كلّه .. احاسيس ، وغرام ، وعذوبه لو كان من ملح العنا .. صار مبحوح = الا انّه يدخّل بصدري .. رطوبه لاعاش من خلاك ياحلو .. مجروح = وعليك خفاق الغلا .. شق ثوبه عيش الهنا ، والبوح في ذمة البوح = ماهوب لاقي .. في نجاحه رسوبه والحب ، حنّا اللي بنينا له صروح = طوبه على طوبه ، وطوبه بطوبه ومن كثر ماهو شاهق ! انشاف بوضوح = والله يديمه للعواذل .. عقوبه[/poem] : : : |
|
|
|
|
20-08-2010, 08:35 PM
|
#814 | |
|
(*(عضو)*)
|
:
: : [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] لو كان قلبك قلب ياغاليه .. حس = لكنّ قلبك ، والله انّه حديده نسيت كل اللي حصل لي معك ، بس = ابسألك بالله! وش مستفيده! ان كان هذا اللي تسويّن بي .. جس = جسّي ، سوالف خافقي من وريده من ليلة فراقك .. وهو كنّ به مس = متلبّسه حبك .. وانا باستعيده وان قلت له : ياخافقي ! قال لي : طس = فاتح شريط الذكريات .. ويعيده[/poem] : : : |
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
| أدوات الموضوع | ابحث في الموضوع |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| الزميل راكان الروقي يتعرض لكسر | ضيف الله الغنامي | ..: المرقاب العَام :.. | 45 | 19-09-2008 05:30 PM |
| شفق السريع يستكمل علاجه في لندن | عبداللطيف الغامدي | ..: المرقاب العَام :.. | 52 | 17-06-2008 03:36 PM |
| تغطيةنتائج الحلقه الخامسه من قلطة الوطن(فوز ذيب الشمري) | وليد العمودي | ..: مرقاب الإعِلام :.. | 6 | 08-06-2008 09:02 PM |
| تغطية الحلقه الخامسه(قلطة الوطن) صور وانتظروا الفيديو | وليد العمودي | ..: مرقاب الإعِلام :.. | 4 | 23-05-2008 09:48 AM |
| تغطية الحلقه الثالــثه من قلطة الوطن(فيديو وصوّر) | وليد العمودي | ..: مرقاب الإعِلام :.. | 6 | 10-05-2008 11:17 PM |
 |
 |
العرض العادي
