قصيده مهداه للشيخ ظافربن نملان الحبابي

في زمان كثرفيه المهايـط بالقصيـد
وكثرت اشيوخ مابلاتشيـل اختومهـا
وكل شاعريمدح اللي يبي واللي يريـد
والمشايخ جات بسلوم غيراسلومهـا
وكل يوم وليل يطلع لنـا شاعرجديـد
والجواهرغاليـه والزبـون يسومهـا
فيه شاعريطرب الناس ويجيب المفيد
وفيه شاعرلـي تكلـم يزيداهمومهـا
وكل شيخ ايقول انامثل هارون الرشيد
نافـخ راسـه ونفسـه مغيريزومهـا
مـادرى ان الكبرللواحدالفردالمجـيـد
ولاتذكرحزة المـوت لـي جاءيومهـا
امااناشعـري نظمتـه كماالعقدالفريـد
اصخرابيـوت الشعروالبحوراعومهـا
وان بغيت امدح مدحت العقيدابن العقيد
ظافراللي يكسب المرجلـه ويرومهـا
ياسلامي يابـن نمـلان واكررواعيـد
عدمالاحـت ابـروق المطربغيومهـا
ياوريث الشيخ سالم عسى عمره مديد
عشت ياشيـخ القبيلـه ويازيزومهـا
فعلكـم يشهدلكـم قبـل تحريرالعبيـد
وانت صقرمن اصقورتعلـى حومهـا
تفتخرفيك الحبـاب القريـب والبعيـد
وتعزوابـك لماشـمـرت بكمومـهـا
اشهدانـك ياحبابـي تفيدوتستفـيـد
وماقفك يجلى غبون الرجال ولومهـا
تكسب الناموس وتشيربالشورالسديـد
يعتلي نجمك وغيرك تطيح انجومهـا
بالكرم والطيب والعرف والباس الشديد
والاعادي بالفعايل فركـت اخشومهـا
اي نعم تستاهل المـال والمجدالتليـد
وجهك ابيض والعرب علمت بعلومهـا
والردي لوكان ماله مثل مـال الوليـد
مزرعه ياكل بصلهـا وياكـل ثومهـا
امدحك وافخربمدحك واناراسي عنيـد
من رجاجيل مايرخي الزمان اعزومها
انت شيخ الشمل تمدح وياهل من مزيد
والمدايح فيك ترقى طويـل ارجومهـا
وشوفتك يالحرالاشقرتراهايـوم عيـد
وان تذكرتك عيونـي تهنـت نومهـا