لاجيـت لي في مجلـسٍ فيه الخطا سمي مزوح = اصد وألهي يديني في خرز مسباحها

المشاركة الأصلية كتبت بواسطة زياد المزرمي

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

كم ودنا ضمد الجروح ولا نبا نزف الجروح = وانا اكتشفت ان الجروح تزيد من جرّاحها
وده يعالجها ويلقى فالجريح انفاس روح = ويوم اكتشف وليا البشر فالطب هتك ارواحها
فأحلامنا نبني على هامات مبنانا صروح = وليا التقينا ناتج الجمعه طوال صياحها
لاصرت ماني في بني عمي على الزله دموح = راحة ضميري في محلي خير من مرواحها
يالقدر ابو كاتم تعلمنا الصبر لوك تفوح = النار من تحتك ومن فوقك سنا ملفاحها
في دبرتك هاذي تذكرني طويلين الشبوح = اللي ماهي ليات حاجه تلتفت لسلاحها
ولا الذي لدنات حاجه تعترض سده يبوح = ماهو بقد اللازمه لو قال انا نطاحها
واكبر دليل انه على اللي ماتعد اصبح نطوح = ماشام ضمن الحايمات اللي ترف جناحها
ولا جيت لي في مجلسٍ فيه الخطا سمي مزوح = اصد وألهي يديني في خرز مسباحها
ولا فجوج الله وساع ولاني بمجبر انوح =بالذات لامن صار مالي درب في منصاحها
الحلم عرفٍ فالرجل والصبر جسرٍ لطموح = واللي حواهن حقق احلام الزمن وارباحها
ولا هو بكيفك تجبر العالم على رايك تروح = لناس فكر وتقتنع وشلون تجنى امداحها
قلوبنا مع بعضها لو ان ميزتها الوضوح = ما كان كسرنا فعول سيوفنا بأرماحها
اللي يبا يركب سفينة نوح ؟ يرضي رب نوح = بعض القفول قفول ما تقبل سوا مفتاحها[/poem]

الله الله الله الله ،،،، اشهد بالله أنك شاعر ولافيه كلام واشهد بالله أنها القصيده ليا قالو قصيده صح السانك عدد نقاطها وحروفها مبدع مبدع بمعنى الكلمه جيت ابي اقتبس بيت لقيت أن القصيده كلها تستحق الاقتباس ،،، سجل أعجابي أخ زايد بشاعريتك وبقصيدتك ،،،،