(شعــــر...النثــــــري)

بيني وبين سلطان الضيط

يقول سلطان




[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=0 line=1 align=center use=sp num="0,black""]
الهم مالي منه يالنثري ملاذ ولا مفر=وهمومي تنوّخ على القلب الحزين ركابها
والعين غرقت فالدموع ورافقت طول السهر=واليا طرالي طاري الفرقا ترف اهدابها
اخيل مزناً له ثلاث سنين ماجاله مطر=والعين عيّت يامشاري لاتشوف احبابها
انا سجين الحزن والغربال وضروف الدهر=وانا سجوني مضلمات ومغلقات ابوابها
من جادلاً لمت جمال وهيبه وعقل وطهر=اقفت وانا قلبي تجره في طرف جلبابها
اقفت وخلت يامشاري طعنتاً وسط الصدر=وطعناتها دايم يبين فالصدر مضرابها
منول اجلس تحت فيّه وصلها وقت العصر=واليوم شعت شمس فرقاها وصعب غيابها
ومنول اشوف اليالي كلبوها اربع عشر=يومني آناضر حلاوة وجهها وحجابها
ومنول اشوف البسيطه كلها ورد وزهر=واليوم اشوف الورد كله ذابلاً بأسبابها
قولو لها يابو رفاعي كانها ابطت فالسفر=تبقى لها قصه غراماً في قلوب احبابها [/poem]

الرد




[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=0 line=1 align=center use=sp num="0,black""]
هلاهلا بالشاعر اللي حايز ٍ جزل الشعر=اليادخل شعره قلوب الناس حاز اعجابها
اسبح بحر واقطف زهروانحت صخروابدع فكر=اهل الآدب ببيوتك الندّر سلبت البابها
صوتك تغلغل لين جاله في خفايا الصدر اثر=وتنقّضت بعض الجروح اللي ماتلقى اطبابها
اجروح ٍ اكابد وجعها بالتأسي والصبر=لولا وجعها مثر ٍ بالحال مايدرابها
عفت القصايد والحبر والساحل وموج البحر=وحبيت نجد افياضها واسهولها واهضابها
يالضيط حنا قوم مجد ٍ مايزعزعنا الخطر=قوم ٍ تفك ارقاب لو لحق الخطر لرقابها
لو الحسن يثّر علينا بالرموش وبالنظر=ولو الغلا بلوى ٍ كبير الحظ مايبلى بها
وقت المواقف والخطر حنا مقابيس الضفر=اللي ترد البل ليا لحقت لدار اصحابها
ابشر بجاه ومال واللي تطلبه تآمر أمر=اخاف تلحقك الدجيما وتهلك باسبابها [/poem]