عشرين نوع !!

وعليكم السلآم ورحمة الله وبركآآآته..

يا هاجسي عطني ما يقنعني وأنا شاعر قنوع
حضّر لي الدافع وأحضّر لـك لحونـي كلّهـا
وأصبر عليّه لين أعزل الشمعدان عن الشموع
وأجمـع سلـوك ظنونـي المتفرقـه وأتلّهـا
لا جيت أبهدّي وأغنيّ .. من ربوع إليا ربـوع
جتني علوم ٍ مثل ما قال المثـل فـي حلّهـا
يا تونس الخضرا .. شهر وأنتي تهلّين الدموع
وأثر العباير ناشبه .. تبغـى عيـون تهلّهـا
الريّس الشبعان لو يحكم على شعبـه يجـوع
لا بد تقلب حكمه اللي غاضبـه مـن غلّهـا
اللي على ساق وقدم .. جاته على ركبه وكوع
تزحف عليه و كيف يجمعها .. وكيف يفلّهـا
ثورة غصب والجوع كافر والبلد وضعه يروع
ومظاهراته عارمه مـن كبرهـا يـا ملّهـا
أنحش يا زين العابدين بن علي قبل الجمـوع
تجمع على راسك سكاكيـن القهـر وتسلّهـا
يا القايد المتسلّط اللي سلطتك قامـت تفـوع
الحكـم ظالـم والعبـاد المسلميـن تذلّـهـا
والظاهر أنّك .. لا صيام ولا سجود ولا ركوع
و أستغفر الله .. مير كبّـر للصـلاه وصلّهـا
لا والله إلاّ .. قام قلبك يرتجف بين الضلـوع
أجمع زهابك وأترك السلطـه وروح وخلّهـا
وأزبن على اللي من زبنهم وقفوّا دونه دروع
وكل العرب تعرف دروب أهل الوفـا وتدلّهـا
من حظنا ربي خلق قاداتنا .. عشريـن نـوع
عشره تجيب العقده .. وعشره تدوّر حلّها


يآسلآم يآسلآم يآسلآم..

سدآح

ابدآآآع لآينافسك علييه أحد

نص قريته أكثر من مره وللحين ماشبعت منه..

حبك وسبك وجزآله ومعنى وفكرر شآآآعر وآعي..

لله درك لله درك لله درك..

وعسى الله لآيضرك..

والله يستر من الريّس ومن بلآويه وقراراته..

ودمت للشعر ذخرآآ يآشآعر الأمه ..

وتقبل تحيّتي ومودتي وأعجآبي يالأمير..

أخوك,,