شعراء مغمورين

موضوع حبيت اسلط الضوء علي شعراء مغمورين ومظلومين اعلامياً وحبيت تشاركوني فيه
ولي عنده اضافة لايبخل علينا

لاكن يجب ان يكون الشعراء من كبار السن ومعاصرين

لن الشاعر الي صغير في السن وهو مبدع لازال المجال له مفتوح في الضهور


على العموم راح نبداء

وشاعرنا الاول لهذا الاسبوع

الشاعر حشر ابن متروك المقاطي العتيبي
لااملك معلومات كثيرة عن الشاعر سوي اسمة وبعض قصايدة


من قصايد شاعرنا الاول لهذا الاسبوع


قصيدة يمدح ربعة عتيبة ولا شك ان ربعه يستاهلون المدح


راكب اللي يوم يلعـب علـى كبدالحمـاد
مثل صقر يوم يلعـب علـى كبدالهبـوب
من وكالة فـرت والكـل تصميـم البـلاد
مشترينـه ماحسبنـا لغالـب ومغـلـوب
لرتكـز بيـن المحاديـب وهـاج الفـواد
قلـت هاتولـي مفاتـيـح بــرَّاداللهوب
يآصل اللي نزلهم من ثلوم طويـق غـاد
منه لا وادي الرمه وأستند واجنب جنـوب
لابـةٍ للـي يباهـم مداهلـهـم جــداد
والبيوت كبار والنـار للناصـي جـذوب
لابـةٍ يـاوي لابـه ليـا عـدا الـعـداد
لابةٍ تسعد بها العين عـن هـم الكـذوب
لابتي عتبـان مافيـه شـك ولا ارتـداد
لابتي هاله تهايل علـى نطـح الوجـوب
من فعايلهـم يفـادون فـي يـوم العنـاد
تفرح الفاطر بمركاض عطبين الضـروب
والفعـول الباقيـه مـال طيبهـا عــداد
وافـيٍ ميزانـا مـع موازيـن الشعـوب
يوم نجد من الجهل حط راحـان وزبـاد
والتبس من غالي اللبس باجمل كل ثـوب
وامتشط بين العشاشيق من كـاد ورشـاد
والقماري فـي قواريـه غنـة باللعـوب
وقحطان أجموع دونـه يشنـون الطـراد
والدواسر والمطاري وشمـر والحـروب
والبقوم اللـي ليـا ولـع الحـرب بكـداد
حضرة الغيَّاب منهم تسـد عـن الغيـوب
والسباعي مدلـه الجـار حمَّـاي السنـاد
عزوةٍ من ناوشه حربهـا يمكـن يتـوب
غير من لسميت في نجد من حضر وبواد
كل قـومٍٍ حقهـا ماننقـص لـه وجـوب
ان حدر معهم ضعنـا وأجدانـا الجهـاد
لين اخذنا قسمنا بين غاصب ومغصـوب
قسمنا في نجـد مدهـال مقرعـة التـواد
قسمنـا يـوم القبايـل تداحـم بالجنـوب
امتلكنـا العقلـه اللـي نواعرهـا حيـاد
بين ضلعان البشاره وضلعـان الهضـوب
وامتلكنـا الأروسـه والهميجـه والبجـاد
والطويلـه والدفينـه وعبـاب وسحـوب
وامتلكنا في شمـال الهضـاب ام الجـراد
الرشاويـه وعرجـا وفاحـان الصبـوب
وامتلكنا بيـن طخفـه وسفـوه والطـراد
كم قليبٍ شوف هاذيـك ميـاح الغـروب
حدنـا منـا ومنـا نعـرفـه بالـوكـاد
من سواج ليا حبيـه وتشريـق وغـروب
شرقه العارض وغربه ورى الطايف قصاد
موطنٍ تورثه الاجـداد للـي فالصلـوب
ندفع البل فالمرابيـع فـي هـاك الوهـاد
والمشارب نقضةالجزو باعيـن الجـذوب
والحـدود الهـا قطيـع معـزن بالمقـاد
والجنب معها على الخيل والحارب يلـوب
ترتع الوضحى ام الأدلال قوس ولا تـراد
وانحماها من مقانيـص طمَّـاع ولعـوب
لختلـط عـج السبايـا ولمـاع الهـنـاد
من يطب السوق معنـا نمنيـه الهـروب
لابتـي عتبـان مافيـه شـك ولاارتـداد
لابتي هايلاً تهايل علـى نطـح الوجـوب

قصيدة غزلية لشاعر حشر ابن متروك


يــامــل قـلـبــن عــــزاه مـصـربــن كــلـــه
كـود الهواجـيـس تسرحـبـه وتضويـبـه
علـيـك يالصـاحـب الـلـي حالـيـن دلــه
والــــزول حــالــي وحـالـيـتـن تـراكـيـبــه
تخـثـعـه بـالـحـريـر لــيــا لــبــس هــلــه
يزهـئ لبوسـه علـئ جسـمـن يماريـبـه
خلي مع البيض مثل سهيل في حله
نجمـن لـيـا بــان كــل الـنـاس تدريـبـه
مـشــوف غـيــره مـــع الـعـالـم حلـيـنـلـه
وان كـــان مـعـهـم حـــدن ماولعونـيـبـه
يـرتـاح قلـبـي لـيـا طالـعـت نـزلــن لـــه
ويـشــد قـلـبــي لــيــا شــــدوا مـعـازيـبـه
يــاروح روحــي علـيـك الــروح منـتـلـه
تـلـت رشــا الـلـي طويـلاتـن مجاذيـبـه


يامل قلبن لخلي حنة أشجانه --- حنة خلوجن مضيعتن حويرها
تطرد من العشب زملوقه ومكنانه-- وأخذتلها غفلتن طرده محيرها
وستبرمة وأخطت الراعي وحيرانه-- وحنة وداجت ولاجت في مخابرها
تعول مع النزل تعبانه وعمسانه-- لين أصبح الصبح مانامة محاجرها
وأنا كذالك حجور العين عمسانه-- وفوادي أمسة لهيب النار ساعرها
عليك يالصاحب ألي كن غيدانه-- وردن غصونه قراح الماءمطورها
سود هدب عين خلي بيض أوجانه --ريانة العود ناحلتن خواصرها



ولا زال البحث جاري عن قصايد الشاعر حشر وان شاء الله راح تكون لي عودة بقصايد اخر ي

ولي عندة اضافة المجال مفتوح للجميع

وهذة من قصايده واعتقد انها رديه




يامل قلبن هجوســــه لاج هاديـهـــا
لوجة خلوجن تقت وحوارها اخطاهـــــــــا

تلاوجت فالحشا من غير لحصيهــــــا

وامسيت اجاوب ذياب العرض بعواهـــــــا

نوادر الشعــر هاضتــــني قوافيهــــا

ساعة من الصاحب الغالـــي سمعناهــــا

جتنــــي وربع ضميري في تهجيهـــا

وليـــا زلفها شريط الــصـوت عدناهـــــــــا

حشمتك لا تحسبن البعد ماحيهـــــا

معز تـــك فــالــضماير ماهـــدمناهــــــــا

نبا الرسايل تجي يمك طراقيهـــــــــا

مير الـــطراريش يمـــك مالقيناهـــــــــــا

مير اطلب اللي عباده مايخليهـــــــــا

نـــوون تكــاشف بروقه في رفاياهـــــــــا

يضفي علئ الديره اللي نجتمع فيها

حنــــا وربعن حميداتـــن سجاياهــــــــــــا

ربعــن لبذل الندا تصخــــا يمانيهـــــا

وتنومس اصداقهــا وتغضــــب اعداهـــــــــا

وختـــامها عــد ماهلت مناشيهــــــا

واسلم وسلم علئ نفسك وشرواهـــــــا


وهذة قصيدة اخري


ياراكبلي غلا البنزيم عذروبه

وألن باقي عذاريبه مغطيها

لاشح عن شريه ألي راتبه دوبه

لشريه ورزاق الانفس عند واليها

ماياصل الحاجه ألي دونها جوبه

كود أسرد الجمس مرواحه يوديها

يازين ممشاه والويلات لهبوبه

مع سكتن كانت الهافات تعطيها

---------------------------------------------------------------


ألا واهني اللي من الحب ما سهر = ولا ذاق من طرد المحبه غلايلها

وانا اسهر وأكن الغيظ شهرٍ ورا شهر= وأجاهد غرابيل الضماير بداخلها

سبب صاحبٍ نشو الوطن تو ما ظهر= غزيرٍ بزينه زينه البيض يزعلها

ردومٍ ليا قفّا ولطفٍ ليا نحر= نعوس ٍ بعين ٍ تذبح اللي تقابلها

جمال ودلال وقد ومجدلٍ حمر= تنثر على بيض اللبايب جدايلها

تمريع بعودٍ لا نشاشٍ ولا جبر= ليا بان هضم الحال جاب الهيام لها



الي هنا وصلت الي نهاية رحلتي مع الشاعر حشر ابن متروك

ارجوا ان يكون ماقدمت فيه فائدة للقارئ

وسموحة اذ فيه قصور او اخطاء في النقل

بيض الله وجهك


لي عوده

المشاركة الأصلية كتبت بواسطة عبدالله سعد

بيض الله وجهك


لي عوده

وجهك ابيض ياعبد الله وفي انتظار رجعتك على احر من الجمر

وياهلا

بيض الله وجهك
وما قصرت يا حمد ،

المشاركة الأصلية كتبت بواسطة محمد مشوط

بيض الله وجهك
وما قصرت يا حمد ،

ووجهك ابيض يامحمد ولاهنت على حضورك وتفاعلك الجميل وياهلا

بيض الله وجهك ياحمد وماقصرت مجهود تشكر عليه

تحياتي وتقديري

رائعه بصوت الشاعر الكبير:حشر بن متروك

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يوم جانا دول فتخان اليماني=للمزاين مع ملوك ومع قبيله
كلنا عتبان صقهان الاذاني=يسكر الطاني ويرثع في شليله
ماتكافرنا زبيده كيفراني=في فعايلنا الامور المستحيله
فوق صرة نجد بنانا المباني=فوق ساجر والدوادم والطويله
في مغز رماحنا هاك الزماني=يوم فرقنا عميلن من عميله
مدهل الفطر عريضات المثاني=مدهل المضياح والملحا الجليله
سامكين الهـا تنصاها العواني=ويتذرا في منازلها الدخيله
كنها في الصبح شماخ ذهلاني=يوم يزمي به سرابه في المقيله
والشحم فيها وفيها الزعفراني=غطرفي بالعز ياشقراء جديله
كلنا عتبان صقهان الاذاني=يسكر الطاني ويرثع في شليله[/poem]

فكرة حلو والله لا هنت عليها

ياسلام عليك يا احمد الاسعدي

شاكر لك تفاعلك الجميل

ولاهنت على حضورك

الله الله

متصفح اكثر من رائع

لاهنتوا

..

مآ شآء آلله عليك ..
ويستاهلون من ينصفهم ان كان " ظلمهم " الاعلام ..!
اخوي " حمد " متصفح يستحق الاشاده و " فكرة " تُحسب ل" المرقآب " ولك ..
تقديري وامتناني لك يا " نقي "..

..

شاكر للجميع حضورهم وتفاعلهم الي حقيقة اسعدني واثلج صدري

على العموم ان شاء الله بعد يومين ان الله عطانا عمر راح اطرح اسم شاعر جديد

واذ كان احد من الاخوان عندة اضافة جديدة عن شاعرنا حشر لا يبخل علينا

قبل لاننتقل لشاعرنا الجديد

على اساس ماتداخل المواضيع ويكون الموضوع مرتب حسب اسماء الشعراء

لكم مني اجمل تحية

صح السان الشاعر

حشر بن متروك المقاطي العتيبي


ولاهنت أخوي حمد بن بلاش


بيض الله وجهك على هذه الفكره والمجهود

تستحق الشكر والتقدير والأشاده


تحياتي وحترامي

وفقك الله

المشاركة الأصلية كتبت بواسطة أحمد خليفة الأسعدي

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يوم جانا دول فتخان اليماني=للمزاين مع ملوك ومع قبيله
كلنا عتبان صقهان الاذاني=يسكر الطاني ويرثع في شليله
ماتكافرنا زبيده كيفراني=في فعايلنا الامور المستحيله
فوق صرة نجد بنانا المباني=فوق ساجر والدوادم والطويله
في مغز رماحنا هاك الزماني=يوم فرقنا عميلن من عميله
مدهل الفطر عريضات المثاني=مدهل المضياح والملحا الجليله
سامكين الهـا تنصاها العواني=ويتذرا في منازلها الدخيله
كنها في الصبح شماخ ذهلاني=يوم يزمي به سرابه في المقيله
والشحم فيها وفيها الزعفراني=غطرفي بالعز ياشقراء جديله
كلنا عتبان صقهان الاذاني=يسكر الطاني ويرثع في شليله[/poem]

جعلني مخلاك ياحمد

القصيده هذي من مبطي وانا ادورها

ابيض وجه

ياحمد

الله الله الله

موضوع واختيار اكثر من رااائع يدل على ذائقه شعريه راائعه

صح لسان حشر وسلمت يديك ياحمد


بانتظارك وانتظار اختيارك القادم ,,

بسم الله الرحمن الرحيم

الشاعر مبارك بن شحيمان آل فهيد الهاجري ومن الشعراء المعروفين على مستوى الجزيرة العربية وهو من الشعراء القلائل الذين يتجلى الابداع في شعرهم سواً في الوصف اوالمدح اوالهجاء .

عاش متنقل بين الكويت والسعودية والان استقر في دولة قطر

يبلغ من العمر تقريبا 72 عام مارس مهنة الفروت الاولة

لم يحضى شاعرنا برغد العيش وحياتة شابها الكثير من المصاعب
شاعر مبدع اجاد جميع اغراض الشعر المختلفة


ونبداء مع احد قصايدة

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

توكل على الله واكشف الفال يابن عبود=انا بي صوابٍ ماعثرنـا علـى طبـه
ثمان سنوات وعلتي في الضمير تزود=سبب واحدٍ وسط الحشا مرمـسٍ حبـه
اداري من العدوان واخشى من المنقود=على شان ورع الناس ماصير له سبـه
عذاريب خلي لا شبح بالعيـون السـود =عيون اشقرلا حوّلـوا بـه مـن الشبـه
معى ذيك شقر فوق ذيك المتون اجعود=كما ذيل شقراءً لزها راعـي الجبـه
أبيهـا توفّق غير ما قـام لـي سعـود=ولا فـاد مـن حظّـه ودنيـاه تلعبـه
حداني على فرقا الغضي حظي المقرود=وانا داري اني با توفـى وانـا احبـه
مـحـبـة عــذابـن مـالـقـيـنا وراهـا زود=سوا جمرتن في ثومة القلب مشتبه[/poem]


للمعلومية.. ابن عبود الذي ذكر بالقصيدة مطوع معروف يوفي على الناس ومشهور بين القبائل توفي قبل شهور وهو من قبيلة المناصير رحمة اللة



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]


يالله ياجالي كبار المكـــــــــــــــــــــاريب = تحيي هميد العود عقب اليبوســـــي

خذيت بالدنيا كثير التجـــــــــــــــــــاريب = وقويت بالمنهج فوايد دروســـــــــي

يوم الشباب اشارك الــــناس في الطيب = واليوم عود وطايحات ظروســــــــي

وخطي الهدف في بعض الامرار وصيب = واخذاحسابي من اضعاف النفوسي

واخذ مع العراف بالعـــــقل واجــــــــيب = وافصل ثيابي على قد قوســـــــــــي

لاشك لا بــــــد الفتـــــــــى من عذاريب = طيبي وعذروبي رصيد الفلوســـــــي

كثير الفلوس من الرجل تطرد العيـــب = لوكان مايسوى ثياب العروســــــــــي

ولا السنافي لو وطــــــــاه الفقر ذ يب = شط على ورده قراح مسوســـــــــــــي

رغم العسر حيد الجمل كــــــنه هديب = عزام لا كثرت عليه الحسوســـــــــــي

تلقى محله مزبن للمـــــــــــــــراكيب = مثل الربيع الي تجيه العسوســـــــــــي

ومن قل ماله صار لا جــــا لصاحيب = كنه من النيبال ولا اند نوســــــــــــــي[/poem]

وهذا مقطع فيديو لشاعرنا

القصيدة هي ::


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
قال الذي في الشعر بيطار وسياسي= لاقال قول جميع النـاس يمضونـه
شراي اربع سلندر صابـه افلاسـي= تمضي سنينه وهو ما يوفي ديونـه
يارعي الجمس خذت الفوز بالكاسي=لله در اللـي بالـديـن يشـرونـه
لاهود الليـل بـرد والهـوا قاسـي= فأركب على الجمس خله يلعب فنونه
ياسايقه شيكه من غيـر وسواسـي =ودورية الطـرق مـاوالله يجيبونـه
أنا مجرب وأنـا بالعلـم حساسـي =ولاقلتلي كلمة بالجمـس مضمونـه
ولاصار قيض وشمس والهوا قاسي= فأركب وعرض على اللي مايحبونه
اديتـره اربعـه بيبـات ونحاسـي= وحرارته ماتطوف الربع مضمونـه
والجمس لا من ركبته طار عوماسي=لو طال ممشاه ما يتعب دركسونـه
مظبوط في هيكله والقير والشاسـي= وكنها تروسه مع التعشيق مدهونـه
خف الصلف بالحمولة ياخلف راسي =ولا داس ربع السليتر جاب طبلونـه
لوموتري جمس باسافر بـلا باسـي =شريف وأهل المراكـز مايردونـه
ردوا سلامي وأنا به كاشف راسـي =وشكري على مصنعه ولي يجيبونـه[/poem]
[CENTER]


[youtube]


وان شاء يكون لي عودة لاثراء الموضوع بقصايد اخرى للشاعر ابن شحيمان ....

^


انا متابع ياحمد



ولي عوده




جايك جايك

حمد

جهد شكر عليه يالذيب

لكن لو حطيت كل شاعر في متصفّح الحاله يكون افضل>>وجه نظر

بحيث يكون:

شعرا مغمورين رقم (2 ) او من هذا القبيل..

على العموم

بارك الله فيك ولاهنت

تحيتي

لاهنت يابن بلاش موضوع

رائع وشعراء لهم بصمه وكما تفضلت لازالو في منحى عن الاعلام رغم انتشاره

ومشكوريابوخليفه على مااوردت من قصايد لشاعر الكبير حشر بن متروك

وابوسعود من سكان المزاحميه وهو اخو من الام لشاعر الكبير عبدالله بن نايف وبينهم مساجلات كثير وان حصلت على شي منها اوردتها هنا

تحيتي وتقديري للجميع

تحيتي وتقديري

المشاركة الأصلية كتبت بواسطة فهيد الرويس

لاهنت يابن بلاش موضوع

رائع وشعراء لهم بصمه وكما تفضلت لازالو في منحى عن الاعلام رغم انتشاره

ومشكوريابوخليفه على مااوردت من قصايد لشاعر الكبير حشر بن متروك

وابوسعود من سكان المزاحميه وهو اخو من الام لشاعر الكبير عبدالله بن نايف وبينهم مساجلات كثير وان حصلت على شي منها اوردتها هنا

تحيتي وتقديري للجميع

تحيتي وتقديري

ياحبي لك يالامير

وعجل باللي عندك