حقوق الإنساني..!

المشاركة الأصلية كتبت بواسطة سلطان العطاوي

مشروع تشمت مجآني

وهنيئا للقياصره سجن كبيرهم الذي علمهم الجنجآني .!

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أنا لي شهر وأنا عن المنتدى مشغول = لو أني بقلبه وين ما رحت يلقاني..!
ولو ما طلعت بصحبة اصحابي أهل الطول = ما عاينت فالقاصي ولا جيت للداني..!
عسى صحبة الوافين ما تدخل المجهول = وعسى نظرة اهل الطيب ما عاد تنساني..!
ورغم كل هذا قيصر المنتدى معقول = ورى السجن لو ألسجن من دون سجآني ..!
عيونه تزالم كنه الميت المقتول = بعد ما وطاه الجيب فالشارع الثاني..!
بكيته ولو دمعي تعذر عن الهملول = وفرحت لوجوده لجل اقول له يا جآني ..!
وهو في المشاكل كلها فعل ولا قول = مشاكل طويل العمر مشروع مجآني..!
بغيت أتشفع له من الصاحب المسؤل = ولو ما طلع بالطيب يطلع على شاني ..!
لكن فالأمور اللي تخل النواظر حول = ما تنفع شفاعة ريّس حقوق الأنساني ..!
عسى سجنته يا أهل القرار المكين تطول = لجل يضحك القاصي على ضحكة الداني..!
[/poem]

[poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
انا لي شهر و انا عن المنتدى مقفول=لو انّي على جيّته شَفْق ٍ و طرباني
إلي ذكري الطيّب و لي اسمي المقبول=و لاني بشرّاني و لاني بعدواني
و لي صحبةٍ تسمو على كل مامول=و الاجواد تطرب لي و الاعدا تجافاني
و انا في سجون العز مانيب معلول=اطول الصعيبه و الضعيفه تعداني
انا المعتصم بالله و سراجه المشعول=و تعرفني الاشراف من حين تنصاني
فلا تبكي اعيونك و لا تطلب الماسول=إلي فزعةٍ تفخر بها الناس من داني
ملوك و قياصر زحفها يشفي المعلول=عصيمي وسيحاني و يامي و دعجاني
و انا اعرف مفاتيح ٍ عليها وسوم قفول=و انا اعرفك يا سلطان لو منت سلطاني
فلا تزعج ادماغي بمنطوقك المعسول=تراني فصيح السان و اِفهم على الساني[/poem]