جود الزمان. لاعب الكورة. احلام الحياه

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
جود الزمان وشح منتوج الافكار = ساعد نظام العولمه للتعري
وضعف الشيوخ اللي عليها الفلك دار = نشط دعاة العلمنه بالتجري
حرم حلال وجاز تحليل الاضرار = علمن يهول ونفعته ماتسري
والغيره اللي كنها شعلة النار = رمد حطبها من يدين المذري
حتى الهنوف اللي نبى صوتها عار = يسلب حياها نور نجمٍ مسري
مات الشجيع اللي على قب الامهار = خلى الدويني في زمانه مضري
واللي عليهم يثبت الموقف الحار = راحوا ضحايا مهتوين التحري
حق الخوي والضيف والعود والجار = حطوا لها مخرج طواري وسري
كل السلوم اللي لها عندنا كار = غيب عليها وقتنا بالتزري
حتى الضرير اللي فقد شوف الابصار = معاد وده بالنظر يستقري
بيت الشرف والعز يناس منهار = خيم عليه القصف جوي وبري
حطم زوايا البيت والناس الا خيار = واللي بقى منزوع منه التمري
حب وغرام وعشقةٍ كلها اسرار = علاقةٍ فيها النسب مايمري
ماهي على شرع الله النافع الضار = فيها من علوم الدنس والتهري
وقت يخلي صاحي الفكر محتار = بين الحياه وبين موت التبري
جعل الزمان اللي قطع صوت الاحرار = يقطع حياة اهل الردى والتعري[/poem]


[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
تمر السنين وتنطوي صفحة التقويم = وغيب الليالي مزن ماشيف براقه
يطول الامل والنفس في حيز التوهيم = ومنه الخفوق ارتاب من داخل اعماقه
كساه السواد اللي كما ليلة التعتيم = وخلى بنات الفكر للحرف مشتاقه
وثارت هوجيسٍ على القلب مثل الهيم= طوتها ظروف الوقت من قوة الفاقه
حداها العطش والماء يحوفه غزال الريم = سكن فوق نبعه ينتشي كل ما ذاقه
سقى الله زمانٍ يحتوي دورة التنظيم= جبر خاطر المسكين لو ضاق معاقه
قفاه الزمان اللي ظلم صاحب التعليم = حشم لاعب الكوره حشم راعي الناقه
جديدالليالي فعلها لخبط الترقيم = ويبقى اللبيب بحالته مانثنت ساقه
تميز بفكره ماهوى شغلت الترهيم = يروم المعالي كل مالملم اوراقه
وانا ماعليه قاري السين قبل الجيم = ولي مطلبن مدري متى الحظ يستاقه
ولازلت في رجواه صابر على التحطيم = مع الصبر قلبي ينتج العزم والطاقه
مشيت الدروب ولاشكيت القسى والظيم = ونفسي على بعض المناهيج تواقه[/poem]

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
المحبه نار والحب صياد القلوب = والحياه احلام والناس من مقدورها
والظروف انواع والصبر غلاب الغلوب = والحظوظ اسناد في ريفها ودهورها
والركاده كنز والثرثره طبع الكذوب = واللباقه سيف والعلم ضمن سبورها
والتجارب نور والجهل فراي الجيوب = والحماقه غبتٍ مانجى معثورها
والصداقه عهد والبوق ذنب من الذنوب = والمعاند ساحةٍ ماتقوم قصورها
والتجسس ذل والغطرسه فعل اللعوب = والمواجه عز والصائبه بحضورها
والمراجل لوحةٍ ماتطيرها الهبوب = والشجاعه ورث ماني محدد دورها
والرداء لبس العراء والكرم ستر العيوب= والمهونه ركعةٍ مارفع مسحورها
والسعادة نبع والحزن مرسى للركوب = والكسل قصر الرخامه ونومك سورها
والعقل راس السياسه وفكاك الدروب = والادب ينجيك من بطش قوم وجورها
والتمادي شين والظلم مقباس الحروب = والعلاقه ثروةٍ مافنى مصرورها
قلتها واللي فهمها من الناس محسوب = وتحمل ذنبها وتحمل زورها[/poem]

الشاعر/ صنت البدراني
sant93@windowsLive.com

.
عآلمي يَ صنت وشعرك عآلمي
.
صح لسآنك يالقرم
.
لاهنت
.

صنت صح السانك



وانشاء الله اني اشوفك في المرقاب ............. لأنك والله مكسب .... وبين من بدعك للبيت .. دكتور ربنا وربك الله .

ياسلام ياصنت


والله وعزالله انك مبدع مبدع مبدع



كل عام وانت بخير واتمنى تسجيلك وانضمامك لاننا نفتخر بمن هم مثلك ولايهونون


لاهنت

الله الله الله الله

صح الله لسسسسسسسسسسانك يا صنت حتى ترضى

ابداع × ابداع

ونشوووفك معنا بآذن الله عن قريب

وكل عام وانت بصحه وسلامه

كل الوود

اخي العزيز صنت البدراني

صح لسانك مليووون شاعر جزل ومبدع

ابداع × ابداع

ونشوفك معنا بآذن الله عن قريب

كل عام وانت بخير

احترامي وتقديري

صــــــح لســانك ياصنت


قصائد ثمينه بكل ما تعنيه الكلمــه

صح لسانك ياصنت

قصائد جميلة تستحق النشر

ويستحق صاحبها ان يكون شاعراً مرقابياً

.

ملاحظة

كلمة ( جود الزمان ) يبدوا ان بها خطأ مطبعي والصحيح ( جور الزمان ) او ( جار الزمان )

لان بهما يستقيم المعنى

جود الزمان وشـح منتـوج الافكـار

ساعـد نظـام العولمـه للتـعـري

,

,

حق الخوي والضيف والعود والجـار

حطوا لها مخرج طـواري وسـري

هذا البيت توقفت عنده

فيه صوره شعرية جدا جميله

الف شكر وحياك الله هنا

المشاركة الأصلية كتبت بواسطة سنجار

صنت صح السانك



وانشاء الله اني اشوفك في المرقاب ............. لأنك والله مكسب .... وبين من بدعك للبيت .. دكتور ربنا وربك الله .

+1

تحيّاتيّ لك..

ياسلام ياصنت ..

شاعر
وشعر
شعر
شعر
شعر
شعر
:
:
:
إلخ

تحياتي

المشاركة الأصلية كتبت بواسطة

صنت صح السانك



وانشاء الله اني اشوفك في المرقاب ............. لأنك والله مكسب .... وبين من بدعك للبيت .. دكتور ربنا وربك الله .

+2

وتحياتي ياصنت

جميل ما قرأت هنا ..

صح لسانك ياصنت ..

شاااااااااااااااااااااااااااعر مبدع هلا ترليووووووووووووووووووووووووووون