" محاورات عمالقة الشعر "

هلال السيالي رحمة الله وحبيب حفظة الله

حبيب العازمي
يالابس البشت الحساوي لا تروح
صل الفرايض قبل تسري صلها
داوي الجروح ان كان دكتور الجروح
وان كان ماعندك دواها خلها

هلال السيالي
ماني برايح جد ماهو بالمزوح
هات النوايا يالعتيبي كلها
الليلة الليلة سرا البارق يلوح
روسٍ نحسنها وروس نبلّها

حبيب العازمي
تبغى العشاء عان العشاء قدره يفوح
تبغى السلامة مانته امحصل لها
لاتنطح الضلعان بالقرن النطوح
وشلون شيبه والدموع اتهلها

هلال السيالي
نعم عتيبي تطمح وجدك طموح
بعض العلوم احفر لها وادفن لها
الاوله كبرتها وانا سموح
لكن نصيحه لا تزيد اتعلها

حبيب العازمي
ياهلال لاتطلع على وسق السطوح
وان دحدرت سيارتك فرمل لها
احوار فيه اجنون و الناقه رموح
وانا ليا جات العلوم افطن لها

هلال السيالي
ضاقت علاك الأرض والدنيا فسوح
اعرف سبول القوم واعرف زلها
انا من اعتابه بعيدين الشبوح
كم من رجال اغزل لها وافتل لها

حبيب العازمي
مدري متى البدوان يلقون الصبوح
لكبودهم حتى يداوي غلها
انته عتيبي مار ما قلبك نصوح
المملكه كنك تبا تحتلها

هلال السيالي
يحرم علاك الدر من ديس المنوح
اللي غدت هاك السنه دور لها
العود جيد لكن اوليده شحوح
تعجن له القشرا وهو يعجن لها