" مستوصف الروّآد "

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

دخيلك يَ بن عسكر كآن لك موعد ولك معوآد = على ديآر الحويّة قول لي قدآم تنزلهآ
أبآ أحملك أمآنه مآحملهآ قوم هود وعآد = وأنآ مآ أخترتك ألا خآبرك رجآل كفو لهآ
تفقّد قلبي اللي ضآع في ( مستوصف الروآد ) = تعيّن في ممرآته من آخرهآ ليآ أولهآ
تعيّن في سجلّ مرآجعيه ورفّه المعتآد = تعيّن في ملفآته من أعلآهآ ليآ أسفلهآ
تعيّن يمكن إنه في مثآني " غضّة " الأنهآد = مع اللي سلهمت بالعين والزين يتطآولهآ
لك الله مآهنآلي من هذآك الليل حلو الزآد = ولآذآقت عيوني لذّة النوم .. أتحآيلهآ
صبرت ولآصبر صبري بشر مآر الصبر مآفآد = أحمّل نفسي حمول(ن) ثقيلة مآتحمّلهآ
من أول وأنت تدري بي " شجيع ومآهر وصيّآد " = أنقّي صيدتي بـ / ركآد وأبخص في معآملهآ
يآكم من صيدةٍ قفّآ نبآهآ يوم جيت المآد = ولآبآقي لهآ طآري يآكود ( الله يحلّلهآ )
لكني تآلي الوقت أختلفت وصرت أنآ المنصآد = على قول الرجآل " أعميتهآ قدآم أكحلهآ "
رمتني بالسهوم اللي تخطّت حآجز التعدآد = موآريهآ ليآ هآلحين من سآعة تغلغلهآ
دخيلك يآبن عسكر والعوآيد ثوبهآ مآ بآد = ولآ أنت بغآوي سلوم الرجآل ولآ أنت جآهلهآ
أبآك توصّل لْهآ بيت لكنه بعيد أبعآد = كمنّك خآبر إني عآجز آصلهآ وأرآسلهآ
(( ترآ مآني مسآمحهآ وقلبي عندهآ مآعآد = حتى تعتقه وترد الأمآنآت لأهلهآ )) !!

[/poem]