بويتات .. !!

في وفاة / بندر بن عيد العتيبي

اسئل الله العلي القدير ان يتغمده بواسع رحمته


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
جلّ جلال الاله وكلنا له عبيد = ماله في ملكه شريك ولا اله سواه
الخالق الباري الحق الحميد المجيد = هو عالم الغيب كله ماش شي إيخفاه
تعالت اسماه يفعل مايشاء ويريد = سّن المقادير واخفى حكمته في قضاه
إستهلالة الذكر منها يستجل النشيد = ويزين مبناه فاللي ودنا ومْعناه
يشوحني هاجسي واكتب بيوت القصيد = واجر به صوتي المحزون واسمع صداه
اكتبه واقراه وارجع واكتبه من جديد = بين الشطر والشطر والبيت والبيت آآه
الوقت دوار والايام عيّت تهيد = الله من مرتن فيها فجعتني وفاه
الموت لامن بطش له قبضةٍ من حديد = والفقد جرحٍ تعبنا مالقينا دواه
بندر توفّا ووادعناه علمٍ وكيد = يامل قلبي وياوجده وقلة جداه
اي والله ان فقد ولد العم خطبٍ شديد = لاكن عزيت نفسي في دعاء الاله
جعله لجنات عدنٍ ذات طلعٍ نضيد = دارٍ بها ينعم المؤمن بما الله حباه
والله يجبر عزانا فالفقيد الفقيد = ويعوضنا خير والدنيا ممات وحياه
مرثيتي وكملت مير الكلام المفيد = من لا انتصح لله المعبود عاش بـ .. عماه
يالمسلم العاقل الفطن اللبيب الرشيد = يكفيك بالموت واعظ والصلاه الصلاه
الادمي لو غفل ماهوب رايح بعيد = لابد ماتقضي ايامه ويلقى جزاه[/poem]

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يافيصل الصدر له مده يضيق ويضيق = همومٍ ازلها وهمومٍ اقبلها
ارسلت ماقاله الجوزي ياعز الرفيق = وعزالله ان الرساله جات في حلها
[/poem]

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سريتني يالليل ليل الهناديب = والليل ظلما والمسافه طويله
مدري خطا فالامر ولا اني مصيب = مير الاكيد ابغاه بأية وسيله
اللي عليه يودي الفكر ويجيب = جي اكس ارٍ .. وارد اخر مديله
صناعة اليابان واغلى المطاليب = صبوه فالمصنع وجابه وكيله
مركب هل الشيخه كبار المناصيب = هم إعملاه ان قيل منهو عميله ؟
حشمته حشمة ضيف عند المعازيب = ماياقف الا فالضلال الضليله
اتقول لاشفته بلا شكٍ وريب = صحيح مابه حاجةٍ مستحيله
ينرد عنه فالوصايف اعاجيب = كنه حكاية الف ليله وليله
جيبٍ يطيب وخاطرك منه مايطيب = والله ماودك تخلي سبيله
قوه متانه واريحيه وترغيب = يطوي مسافات الخطوط الطويله
وليا بجد بطن الخلا فاله الطيب = قرة عيون وطب كبدٍ عليله
ماكنه الا لا تحدر من شعيب = سيلٍ من العارض درج مع مسيله
دور عذاريبٍ ما تلقى عذاريب = الا انه بسعره يبي ثم يبيله
شيكٍ عليه ارقام حسبة حواسيب = حتى تجيب الذيب من راس ذيله
وانا لو اني مانيب راغب الجيب = ماحط فوق الدين دينٍ واشيله
[/poem]

لازال الشعر بخير بوجودامثالك

متصفح يفيض بالشعر الحقيقي

اسمحلي على اقتحامه متى ماضميت

تقبل ودي واحترامي

معدي المرقاب

شهاده اللي مثلك وشرواك تعني لي الشي الكثير

لاعدمتك

,



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
جمايل ربيّع من اول وتالي = اشيلها له من وانا بعمر عشرين
تطري علي الاوله لاطرالى = واتذكر اللي قد مضى لي من سنين
له وقفه ولفته كريم السبالي = وله كلمةٍ ضمنتها بين قوسين
مرت على سمعي وحطت في بالي = وعرفت منها قيمة ( العلم ) بعدين
وانا لحالي ماتركني لحالي = نصح وبيّن لي وش الزين والشين
ولولاه بعد الله قام وعنالي = ان كان ماوضعي مثل وضعي اللحين
الله يجملني على كل حالي =واقدر اسدد لو جزوٍ من الدين
اسمٍ ليا طروه قدر ومعالي = واقول وافعالٍ عليها براهين
رجل المواقف لا حتمل للثقالي = ياحيّ وقفاته وياحيّ ذالعين
[/poem]

,


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياسلامي يالرجال ومباديها = كل موقف طيب يثر علي كلي
وياسلامي ياللحون وقوافيها = كل ماغنيتها جيت منتلي
حي طيب الفزعه وحي راعيها = يارفيزي من يعزك رفيزٍ لي
وانت تاخذها يافايز وتعطيها = رايتك تنشر على راس متعلي
مير امانه معك كلمه توديها = يوم وجه الطيب بيّن ومتجلي
المواقف مالها الا اهاليها = وآآآه ليتك يامْديره مديرٍ لي
[/poem]

[poem=font="Traditional Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
وقفت في نص الطريق ورحت ادور لي طريق = وانا من امري داخل بحيره ولا ادري ويش ابي !
واليوم يافايز ولد عيفان يالاخ الشقيق = لو كان امك ماهيب امٍ لي ولا ابيك ابي
شايب ويرجع عمرك الفعلي الى الجيل العتيق = ولاعاد في دعواك هاذيه كنيّا ومغبي
لاكنك الرفيق لامن قيل وش معنى الرفيق ؟= اللي جمع مكارم الاخلاق وطيب المنسبي
وانا مدور راي وابغى الراي والعلم الوثيق =مير استمع في قفلة الابيات وابليس يهبي
شفتك عن اهل الشعر كله داخل بسبتٍ عميق = ثم قلت اسوي مثلك ولا ادي وش افعل يا (صبي )
( صبي ) عشان المعنويه تعتلي هامة طويق = ولا انت شايب مابها كنيّا ولا فيها مغبي
[/poem]

,

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
مال الشعر في رقبتي دين=الا جميله وابى اذكرها
هي معرفة صحبي الغالين=ولا مساوءه ماكثرها
ارهاق فكر وسهر للعين=واوقات واوقات نهدرها
ودك لو الوقت في ثنتين=حديث وآيه تدبرها
ولا يقال غاوي مع الغاوين=واقوى الشواعير واشعرها
وانا مع الشعر لا ذلحين=في حالةٍ ماتصورها
تكثر عليه هجوسي لين=اقوم واجبر بخاطرها
وان قلت ابا اكتب لي بويتين=لهي قصيده وابا انشرها
اسمع صدى صوت للقارين=وتطيش نفسي ولا اقدرها
كل ادميٍ خلق من طين= حب المكانه يدورها
غريزةٍ فالنفوس تبين=حتى ايش لو كان ماظهرها
سمع اذني وشوفتى بالعين=حقايقٍ من تبصرها
لاكن تبا تزين ولا تشين=النفس ابى انهى وابى امرها
العمر لو طال بي يومين=من اولتها ليا اخرها
مايختلف فالصحيح اثنين=دنياك مقطوع دابرها
والفرق بالناس فرق الدين =ماهيب تفرق مظاهرها
لله تعالى اوليا حيين=لو اقسمت كان بررها
فضلٍ في دنيا ويوم الدين=اسمى المقامات واشهرها
جنان خلدٍ وفال ن زين=منازل الله مقدرها
[/poem]

,


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حي الرفيق اللي جميله دين ودياره بعيد=والسيره العطره ولين الجانب وصدق النوى
فايز وفايز لا طرى طاريه والعلم الوكيد=يكفيك عن مايحتوي شعر النبط من محتوى
اقول ( موسوعه معارف ) كان ودك تسفيد=ماودك انه ينقطع وارده وامثاله دوى
زانت علوم اللي علومه جابت افكار وقصيد=ماكننا الا اثنين نمليها ونكتبها سوى
فيها نظر في جملة الاوضاع جدت من جديد=تعلم اللي غافلٍ في دنيته واللي غوى
ياقف بها الانسان مع نفسه ويعرف وش يريد=ويعوذ بالله من شرور النفس وشرور الهوى
اللي خلصنابه من الموضوع والهرج المفيد=العلم يحتاج العمل ولكل مسلم مانوى
والنصح فالله والتناصح عملةٍ ماهي تبيد=ولا العلوم الباقيه لن جت ولن راحت سوى
[/poem]

,

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
على كثر ماغيب وتعيب واغيب=تبقى مواثيق الاخوه قويه
الوقت داير والمواقف تجاريب=ولا تلحق الشكه خوي بخويه
لاشك قل الوصل من بيننا عيب=وحنا تقاسمنا الخطا بالسويه
نكابد الدنيا ولا نعلم الغيب=والكل منا عايشٍ في نحيه
دنيا" تقذع روسنا بالمشاعيب=وبكره تباغتنا سهوم المنيه
[/poem]

,



[poem=font="Traditional Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يدور الزمن والعمر مابين شمس وفيّ=الاقدار تجريبي والايام نهابه
تروح الظلايم مع دروب الجهل وتجيّ=وهاذا تغدابه وهاذا تعشابه
وانا والله اني لابهت وخلت يديّ=ركاب الطلايب مضحيه كانها طلابه
لاكن السلوم تردنا عن هاذي وذيّ=مواريث ابوي وجدي وورث للآبه
صحيح اخذو اللي لي وقالو ماهو ليّ=ولا عاد به شيٍ ابا احسب حسابه
ذبحت المشاكل بالعقل والضمير الحيّ=وتمثلت لي في بيت ودك تغنابه
طراه الرجل لامن تمنّا لنفسه شيّ =مثل ماتمناه يتمناه لاصحابه
[/poem]

,

يوم ادير الفكر فالدنيا لهي مثل المحاله
________________ كثر ما ابكتني على مر الليالي اضحكتني


كثر الله خيرها بين العدل والاستماله
________________ علمتني في خضم احداثـها ماعلمتني


كل ماضاقت ومتني شال حمله وارتكاله
______________ وشلت مالا استطيعه لين حتى كلّ متني


احتزم بالصبر واطلب ربنا جلاّ جلاله
______________ البشر لن كان ماربي نفعني ما انفعتني

سلام يامحمد العوده ورد السلام
________________ رغم اختلاف الذوايق واختلاف الفنون


فيما يلي/ ياصديقي مايخص الكلام
________________ لا تحدث المسلمين الا بما يعقلون


يامحدث الشعر مايلحقك غير الملام
________________ تعبت لاكن يامحمد ماحصلت لون


قدام ماتستبيح الفكر شرقٍ وشام
______________ شف العرب وش يبون وجب لهم مايبون

,


يالجادل الطرقا لا تلحيني
________________ ماعاد يمدينا على الخوّه


جيتي على غفله تشوحيني
________________ واشوف في نظراتك إجروّه


هب الهوا فل ورياحيني
________________ وجيش المفاتن دك بي توّه


ماني حياوي ويش مسحيني!!
________________ لاكن فيني دين وإمروّه


ادافع الاهواء من حيني
________________ بكل ما اوتيت من قوّه


انا بدوي خليت مراحيني
________________ ومركاةٍ دلاله على ضوّه


ان كان لك اذنٍ بتوحيني
________________ قلبي ماهو في يدك تلهوّه


ماعاد ابا الورقا تلاحيني
________________ اكملت نصف الدين ياحوّه