فلاح فارس الجربا-شاعريستحق القراءه

مجنون هذا البـرد
يحسبني المنفى .!
وانا ضلوعي جرد
واتوسله تكفى .!


ما عاد فيني حيل
من ويل يتبع ويل
كل الوجوه اغراب ..!
كل الأماكن ليل


حتى اقرب احبابي
طاحوا من اهدابي


وماهو غريب يطيح
من كان لك غالي


بس الغريب يجف
دمع الفرات الري


ورغم المصاب الجم
ماهتززز كتف النيل .!


يا رحلة الأغراب
ما عاد به مرسى
نقرا بدون كتاب
وافواهنا خرسى


وتسقط سما الاشناب
واللي يراعيها
والزمل والضبضاب
وقلوب تطريها


وتسألني كيف الحال
هو عاد به حيلة .؟
احلامنا موال
واوضاعنا نيلة


..!

ضاقت صدور المنافي ./ يالله الدبرة

وصحرا الهواجيس ./ تنثرني وتجمعني

والليل روّح ./ وانا صدري على خبره

نفير خيل ٍ بيارقها ./ تنازعني

يا سايق الليل لأطرافي ./ على فكرة

ما عاد فكرة بصيص النور ./ تقنعني .!

تعال دوّر ورا صدري ./ مغز ابرة

ما فيه رحلة عبور ./ وجرح يدمعني

يا وسع بال الدخيل ./ ويا كبر عذره

يوم احتمى بي ./ عن سيوف ٍ تقاطعني

من دفتر الدم .! مدري الملح والعشرة

زكاة لسيوف بعض الناس ./ شرعني .!

الريح تذري ./ بقايا احلام مندثرة

وكف السوافي على الاطلال ./ تزرعني

وكل مارتفع حاجب آمالي ./ طرت عثرة

ومليون طار ٍ ./ يدنيني ويرفعني

وانا امتداد المخيل ./ وهيجنة بحره

والحين شرهة صحاري التيه .! تبلعني .!

ما جيت اعاتب ./ خطا المقفين واتشرّه

ولا عاد طيحة رفيق الدرب ./ توجعني

مريت عابر سبيل ./ وذالزمن سدرة

ومصير هالشمس ./ للترحال تدفعني

فأن كان مل النديم ./ وضاق بي صدره

ما قلت لصدور ./ خلق الله .. تاسعني .!