 |
 |
 |
||
 |
 |
|
|
|
|
||
|
|
|
 |
 |
 |
 |
|||||||||
|
||||||||||||
 |
 |
 |
 |
|||||||||
| ..: مرقاب الرّكن الهادئ :.. ابــداع بــلا ردود!! |
 |
|
|
أدوات الموضوع | ابحث في الموضوع | انواع عرض الموضوع |
02-10-2013, 03:19 AM
|
#23 | |
|
(*( عضو )*)
|
كما النعمان يابشار في بؤسه كما النعمان
مثل ماعذبه كسرى دنا يومك مثل يومه بلاد الفرس ماتفزع وتذبح كبشها المليان ولا كسرى بعد ذا اليوم والاحداث مفهومه ولا حطيت لك رجعه وتفزع لك بني شيبان وبني شيبان عن مثلك ياوجه العار محشومه وفي ذي قار تحشد لك كتايب من رسن واعنان ودعوات النبي تظفر وآيات الحق مرقومه على هامان يافرعون وسرك ذاع من هامان سياسة حزب مفضوحه ولاسادت ومهزومه بطشت وطالت ارقبتك وطولها عظيم الشان وصار السيف لرقبتك مع التاريخ معلومه تبي الفكه ولكن باعك الخوان ياخوان ومثلك ضاقت الدنيا عليه وضاقت اهدومه جعلك الله لنا عبره وقصة اخر الطغيان وحرب الخير ضد الشر معروفه ومحسومه ذبحت الناس صرت المجرم بحرية الانسان وحكم الشرع من جنس العمل ياتيك محكومه ولا ادري لو تبي تلجاء من اللي يفتح البيبان أكيد انها عن اعراف الدول سُفلى ومذمومه ولكن قبل ماتفرح وتلحق خطوة الشيطان عليك السيف والشلفى وخيل العز موسومه وثب لك من جنود الله خيار الناس والعربان وجاك الجمع فالجبهه وجيش الحر واسهومه ومنها في نسل عدنان ولا من عرب قحطان كراديس القبايل تفرق السومه على السومه وحي ذا العين ياربعي كتايب ربعي العجمان وابن غصاب مثل اسعود وكلن ثبت اعزومه مع محمد ومع ناصر و بامر الواحد المنان على عبيا وكرداسه لاقيل الشام مضيومه مثل ماكان ابن كروز في نصرة هل الشيشان كبيره يامواقف يام والايام مزحومه على حضوة حضور الشيخ بن حثلين ابوراكان خيول العز من كنا وهي فالبيد ملجومه يابن حثلين لك غاره ولك في موقفك برهان دبيك الخيل من تحته ومن فوقه لنا حومه على الناموس ياحملة نصير الشام ياسلطان يوحدنا رسول الله على التوحيد واسلومه يجيك الموت يابشار كالنعمان كالنعمان ومثل ماعذبه كسرى دنا يومك مثل يومه |
|
لا تمجدني وانا كائن يفتش عن مصير=لا تسوي من حياتي شي ماعدت اقبله كيف تكبر ياطموحي وانت في عالم صغير=أوًله نظره بعيده واخره نفس اوًله دائره..والناس فيها كل يومٍ تستدير=الزمن يرجع وتلقا مع سئوالك اسئله ينحني طفلٍ صغير اليا حبى مثل الكبير=والكبير اللي يشله ردها له واحمله جيت لدنيا وعيني مثل عينك يالضرير=ويوم اوادعها تلاقي إن عيني مقفله جينا عريان ولبسنا من قماش ومن حرير=ثم رحلنا والكفن معنا وكلٍ واعمله عند ربك عاد مايفرق غني ولا فقير=التقى مقياس حتى لو بقيد الانمله كان هذا هو طموحك خير بالمثوى الاخير=الاخير اللي دخل بالجنه اعلم وش هو له . . . falah_ku@hotmail.com[/align] سمعت ان الرجال احظوظ والذمه على الراوي=وقلت ان الرجال افعال والمقياس بالذمه 
|
|
30-11-2013, 08:36 AM
|
#24 | |
|
(*( عضو )*)
|
كبرت ولا صغر غير الصعايب والأمل يكبر
طموحاتي وطن يفخر بما تفعل طموحاتي نموذج من بني شعبك ركب موج البحر وابحر مجاديفه عمل والحب فشراعه هوا عاتي كذا حالي على متن الوفا قادر نعم أقدر مدام ان البحر بحرك بديت وشف بداياتي من اليامال ابنشد لك واشاهد روعة المنظر شعاع النور من عمقك يعانق بعض غاياتي رميت الروح فحظانك اغوص لغبتك واكثر لقيت اللول في قاعك ينادي لسماواتي عرفت ان العمل يكشف كنوزك والبطل يفخر عرفت ان التعب لذه واخذت بلذتي ذاتي انا الابيض انا الاسود انا نبتٍ خضر واحمر انا لك ياوطن موطن بديني وانتمائاتي انا سني انا شيعي انا لك فالولا أعبر ولا اظن الكفر حبك ولا اظنه بخطواتي انا ياكويت نورٍ من صباحك كل مايظهر يخالط نجمك العالي على شان النباتاتي صباح الخير من ذكره يفوح المسك والعنبر لغة شاعر يابو ناصر وفعلك فوق كلماتي صباح ابن البلد ولا البلد نفسه وش الاجدر انا اشوفك بلد وارفع لك الاخلاص راياتي واشوف ان الكويت اُمه لها من كلمتي منبر عطت مدت بَنت حامت ملت كل المحيطاتي يذكرني الوفا جابر واسر بكلمتي واجهر صنع تاريخنا نبضه ومات وعاش فابياتي تعلمنا دروسه وانتهضنا والامل أمطر سقينا كل مايشمل تضاريس البطولاتي مشينا والخُطى تثمر ذهب اسود ذهب اصفر نحقق لرغد معنى ولو عشنا الصعوباتي ولو جار الزمن قمنا اسودٍ للحما تزئر شربنا الموت من اجلك وسطرنا الرواياتي ياحلو الموت يازينه نموت وموطني يزهر كذا قال الشهيد وخلد ابدمه عباراتي اشوفه ودع الدنيا بحد السيف والخنجر اشوفه كنه اينادي يقول ارسل تحياتي لشعب الخير والرفعه لشعبٍ عاش ماقصر وإلامن شفت ابوناصر ابيك اتبين الآتي انا يابن الصباح ابنك اموت وموقفي يكبر طموحاتي وطن يفخر بما تفعل طموحاتي |
|
|
|
|
04-12-2013, 05:19 PM
|
#25 | |
|
(*( عضو )*)
|
مواقف اهل الجود للجود تنشاف
مواقفٍ بين النفوس الاصيله والطيب مابين المخاليق حواف ومن لايحوف الطايله عزتي له احدٍ على الماجوب من فوق مشراف واحدٍ ربض في خايعه والمسيله والفزعه اللي مالها شكل واصناف فازت بها بنت الرجال الكحيله عزوة عرب واشيوخ واحفاد واسلاف لو انها رجال تسوى قبيله قولو لها مشكور والوقت سياف والحمدلله لي سيوفٍ صقيله مابين ربعي ماعلي هم واخلاف وهذي يميني فالملاقا طويله آخذ من احلام الشقا شكر وانصاف وافرح على شيل الحمول الثقيله مالله خلقنا لرخى والتلطاف ومن لايغبر شاربه وش حصيله والدانه اللي فالبحر ستر الاشراف مع نايد التبجيل واهل الفضيله رجال وقف واعتلا خير ميقاف رجال لكن حط من فوق شيله ياجعل يفداها من الناس مرجاف راع الحكي والدنفسه والفشيله اللاش واشكاله بلا ذم ينعاف ان جيت اذمه قلت ويش الحكي له لكن مثل ماقلت والطيب ينشاف مواقفٍ بين النفوس الاصيله |
|
|
|
|
21-12-2013, 11:36 PM
|
#26 | |
|
(*( عضو )*)
|
العشق معزوفه من اعيونك السود
معزوفةٍ شمس الغروب احفظتها انغامها تغريدة الناي والعود صدق المشاعر للقا نوتتها متى على الله ينبت الورد وتعود احلامنا والذاكره مانستها طال الخريف ويبس النبت والجود وشجرة وفانا ماتطيح اورقتها طيفك على نار السهر ضيف موعود له سالفه شمس النهار اسمعتها اتبادله بالنور والعالم ارقود واليا صحو غنت لهم واسردتها قالت بياض الغيم والين من العود غرنوق شلال الليالي تحتها فيه الكرز والتوت عنقود عنقود مكنونةٍ بين الحلا وانسمتها كن البرد اصغر من اللول ويزود من واهج البسمه وقصه حكتها كانو هنا والليل وانجومه اشهود واجمل رواية حب عنده روتها ياشمس هذي باشة الغيد والخود اللي تهادى لحظها واحركتها واللي تشوفينه ترى طيف مفقود مرسول من بيته ومن منطقتها مالدته عني مسافات وحدود جاني برساله عاجله عطرتها مضمونها للشوق معنى ومردود لطف السماء وامالنا صبرتها قولي لها ياشمس حاضر وموجود يم الغروب اخذي معش سالفتها |
|
|
|
|
09-01-2014, 03:56 AM
|
#27 | |
|
(*( عضو )*)
|
الهم يا محمد سرت بي ركايبه
في ليلةٍ عنها التعاليل غايبه اللوم بابه والركايب على النوى ياطول مسرانا ومكثر جلايبه من لاهبٍ فالصدر شبيت ماحطب وابصرت في دربه ورفقة قرايبه وجه الحزن والحظ والدمع الى اخره هذا ولد عمه وهاذاك شايبه شيٍ يضوينا على ذكر مامضى وشيٍ على حله يقدم وهايبه الزاد جرح احباب ولاّ من الشقا ولاّ من احداث الزمن في نوايبه يارب تنجيني ومن طاح تستره من كنت في عونه تصاغر مصايبه في كل ماقصرت يلحقني الندم وانا على المشروه مجزي ضرايبه باريت همي لين وقف ولا انتهى الا وصدري ممتلي من نصايبه فالارض نمشي والمقادير فالسما والحمد له في كل ماكان جايبه اشور يامحمد وصلو على النبي الرحمه اللي مغفرتنا سبايبه منه الحديث وصادق العلم والسنن وايات ربي معجزه من عجايبه لاضاق صدرك قم توضى وقل هلا رحب بهمك لين تنشف سحايبه الصد لو يلهيك ليله مدام لك واللوم بعض احيان تنفع عقايبه بخصت نفسٍ دوم تامر على الخطا ونفس الرضا عن كل محظور تايبه وانت الحضيض ان لامت النفس زلتك تفتح حساباتك ولاهي بخايبه الادمي يحتاج خلوه مع الفكر يبعد عن اربوعه وغالي حبايبه بين الخضوع وبين تأنيب خافقه يرسل على باب الانابه ندايبه يارب عفوك وانت غافر ذنوبنا منك الستر لامن بدت كل عايبه اليا سجدت وقلت يالله رحمتك ماهمني همي ولانيب هاييه |
|
|
|
|
23-01-2014, 09:01 AM
|
#28 | |
|
(*( عضو )*)
|
من هاجس العجمي بعيد الهقاوي
لجل العوازم والنعم يلحق اقصاه أنتم وحنا عن كثير الحكاوي وابلادنا وحده على الدين والجاه يامحمد مبارك عسى النجم ضاوي يالصاحب اللي لافقدناه ننصاه يالمسحمي والخير مده رهاوي والله يجازي كل مسلم بمسعاه لعين ابن حثلين فك النداوي ولعين ابن جامع على العون نفداه اشيوخنا من دون بشتٍ حساوي اتجمل ابشوت الشرف والمباهاه نويت لي نيه ولا كنت ناوي الا بعد ماشفت كنزٍ دفناه كان المطر والعشب صيد الشواوي هداج تيما مابخل يوم في ماه بين ارتواز العزم والصدق قاوي كنّه مثل زمزم لخاطر ضماياه الدين يشعاني وقلبي هواوي ومن حط ربه في عيونه بيرعاه امنت به وبت راسي غناوي واللي كتب ربك مع الوقت نلقاه غنيت في حب الوطن والمداوي جاب الدوا من طيب نقده ومنحاه الشعر من دون البلد وش يساوي كانه كذا لابارك الله بمغناه ابلادنا ياهل الفتن والبلاوي ابعد من اطراف الحكي والمباباه حنا لها قد الدعا والرجاوي وال الصباح اعماد داري ومبناه |
|
|
|
|
29-01-2014, 10:37 AM
|
#29 | |
|
(*( عضو )*)
|
تعلي يامرازيم السحاب ومحزمي مليان
عليش من الفرح سيلٍ يشعل لجله البارود تمادي وابل الرحمه بأمر المعطي المنان وفي قرة عيون الشعر لش منبر وانا موجود على بلادي تهادي وارسمي من هاجسي هتان تغنت دار اخو مريم وهبت لي هبوب النود قصر سلوى يمثلني يمثلني قصر دسمان من الجيلين لي حاظر ولي ماضي عليه شهود سقى الله يوم وقفنا سوى في مقبل العدوان ولا سني ولا شيعي ولا فينا حدن مفقود تكاتفنا وضحينا وبان الصدق والبرهان عقلها الله وعند ال الصباح ليومها الموعود والا من مر تاريخ الفخر غنيت بالالحان أردد شمس الاعيادي عسى عيدش عليش يعود ياكبر الحب في نبض الخفوق العاشق الولهان ولو يقسى عليه الوقت لاجاحد ولا مجحود واذا كان اختلاف الراي بين الناس والاوطان ولانا مانزل ذرة وعن حكم الصباح انذود تباهي يابلادٍ تحترم حرية الأنسان بحسب الشرع والمله وحسب العقد والمعقود ترى طاعة ولي امر البلد من طاعة الرحمن ودرب الخير والهمه ولا دربٍ بدى مسدود يابو ناصر على امرك وشعبك سيرة الشجعان عمايمنا شموخ وعز وانت العز وانت الجود عميد الساسه الاول ونجمٍ فالسما عنوان وكلٍ يهتدي به وانشدو مسرى الليال السود على كفه يكون الصلح وامصافح عرب واخوان مواقف تلهم التاريخ في صفحة ابونا العود الا منه عطى يشمل صغير السن والشيبان ويثلج صدر من حبه ويحرق للطغاة اكبود والا منه عفا يطلق سراح السجن والسجان فلا يوجد لهم لزمه ولا عنده حدن مضهود والا منه ضرب يكسر ظهر ويقيد الشيطان وشعبه درعه وسيفه بأمر الواحد المعبود سلام الله سلام الصادق اللي يعدل الميزان سلامٍ شع له براق وجواب له هزيم ارعود سلام الله على شيخ الشيوخ ومدهل الشيخان صباح الاحمد الجابر صباح العز راع الجود |
|
|
|
|
11-03-2014, 03:21 PM
|
#30 | |
|
(*( عضو )*)
|
دونش على بوابة الخير حياش
حياش من قلبٍ على الود مغليش فكيت لش بابٍ من الطاش لطاش سمي وهلي جعل عيني ماتبكيش كان الغلا مقصود يابنت مغلاش حبٍ ماظنه عند امش ولا ابيش من غيرش الدنيا بعيني على ماش ماعيش من دونش وفي قربش اعيش اي والله احبش ولا اطيق فرقاش وغيرش يجي ويروح واقول حتيش دونش ياقرة مهجة الروح والجاش البيت بيتش والمشاعر تحييش ماعاد به مسرى ولاعاد مغباش خليش بين الشوف والحس خليش واجمل صباح الخير صوتش ولاماش ياللي عيونش تجمع الحسن والطيش انتي زهاة الزين والزين يزهاش لبيش من خدش الى الخد لبيش يامغربلة روس السلاطين يفداش قلبٍ على نبضه ودمه امربيش لش الامر واللي تبينه هداياش عشقٍ سما ماهوب حب الدراويش حياش ياسيد الغنادير حياش حياش من قلبٍ على الود مغليش |
|
|
|
|
14-05-2014, 10:38 PM
|
#31 | |
|
(*( عضو )*)
|
لا بارك الله فالكلام اللي يضر المسلمين
ولا بارك الله في جماه ولا جما من شجعه إستنطق الشيطان شعار الفتن والمسرفين يضرب بأمن المنطقه من الجهات الاربعه ياهل قطر يكفيكم التاريخ والعذر السمين في وقعة الخفجي وجيشٍ مايخلي موقعه يوم انها بالنار والبارود والعلم اليقين بان الصحيح ابساعةٍ لضيق مافيها سعه وش عاد فيه اصدق من الارواح واعروق الوتين من لا يصدق اقلعه مالله ولا حنا معه اقولها وانا ولد عمي مع الدوحه سجين لكن مواطن في بلاده والامور امسنعه هذا كلامه فالسجن ماهوب قول الحاقدين اللي تحرى للفتن بالوجه أو بالاقنعه اتحوف من حول السياسه فالكبير وفالثمين والمنفعه ،، الله عليم بويش هي المنفعه أمن الخليج وقادته ماهوب للمستشعرين ولاْهم بحاجة من يصوغ الفكر ولا يطبعه حكامنا حكام الامه فاللوازم حاضرين في ظل جلسة انعقاد وتنتهي ذا الزوبعه لا هنت يافايح وعين العقل منطوقك رزين والله يسامح من تعصب وانفلت للامعه التفرقه ماهي لنا وعيال زايد مكرمين وال الصباح اخوانكم وانتم لنا الأشرعه واخوان نوره درعنا والسلطنه حصنٍ حصين وال الخليفه عزنا والمعتدي ابنردعه لا بارك الله فالكلام اللي يضر المسلمين ولا بارك الله في جماه ولا جما من شجعه فلاح بن مبخوت العجمي |
|
|
|
|
11-06-2014, 11:27 PM
|
#32 | |
|
(*( عضو )*)
|
يامرحبا ترحيب وافي ومليان
وعداد ماهل المطر من سحابه في دار ابن دقله سلايل كحيلان يامرحبا واقولها بالنيابه شاعر وامثل كل طيب ولا هان واعجيم واحد كل ابونا قرابه عجمي وارحب فيك ياشيخ سلطان واللي حضر ذا الليل يامرحبابه من هجس ابن مبخوت والبال طربان والذيب ودك ينتهض للذيابه نادر يوصيني ومن دون صفطان يبشر على ذيا الخشم في جوابه هذا ولد عمي كما السيف شامان ومال المهابه غير عز ومهابه واللي جمع مابين شيبان واخوان يستاهل الوقفه واقدر جنابه في حضرتك ياشيخنا والشعر زان سلطان سعد اللي زبن وانتخابه ارحب تراحيب السعد يابو راكان وانت الامير وذخرنا والعصابه ياثابت الوقفات يامقضي الشان وافعال خلق الله ماهيب اتشابه احدن على الماجوب يمسك له اعنان واحدن كفخ ولاتعدى اترابه واحدن سواة اسهيل واسهيل لابان وش عاد للضيقه بوجه الرحابه وانت الجدي واسهيل ياذرب الايمان وانت البشاشه والكفو والصلابه لباسة البشت الحساوي والا كان ماكل بشتٍ يالربع ينهقابه ان كان ماوقف ماوقيف سلطان ولا يكب البشت محدن درابه واثني على العجمان من غير نقصان واللي مدح ربعه فلا من غرابه من غير قاصر فالقبايل وحقران لي لابةٍ بالضيق ياوي لابه سقم العدا امقيدة كل شيطان اهل الفخر واهل الكرم والحرابه تاريخ مايجحد وترويه الازمان والحمدلله كل علم ابذرابه واثني على دكتورنا طير حوران فكاك صعبات النشب والطلابه محمد محمد على الطيب نيشان وابوه من قبله نوقر جنابه يامرحبا ترحيب غالي ومليان واللي حضر ذا الليل يامرحبابه |
|
|
|
|
28-07-2014, 10:23 PM
|
#33 | |
|
(*( عضو )*)
|
الشيخ شيخ وماعلى الشيخ ياشيخ
أنت الامير وذخرنا والعمامه يفداك من لايعرفون التواريخ اللي حديهم مايثمن كلامه فالتلفزه قام يتحدا المطانيخ وفالصادقه عيّت تشله عظامه مانيب شماتٍ على حالة الذيخ لادس راسه مثل راس النعامه ينفخ ويستنفخ وهرجه تفافيخ وانخض بطنه وانفجر من عدامه قام ايتلون مابعد جاه توبيخ وشلون لاشاف القشر والعسامه ليته لبخ من قبل رثمه وتلبيخ لو ان جنسه ماعليهم ملامه عجمان حنا لاغزينا مفاسيخ ياويه ياللي تنشدون السلامه ميقافنا مابين روس الشماريخ واشهادنا بين الفخر والزعامه واشيوخنا لاقالو العز تاريخ سلطان ابن حثلين للعز هامه |
|
|
|
|
11-10-2014, 06:15 AM
|
#34 | |
|
(*( عضو )*)
|
بيارق دولة الانسان خفاقه
مواقفنا مع التاريخ مكتوبة نماري والسحب للطيب براقه نمد الغوث لجل شعوب منكوبه خلقنا الله علاج الفقر والفاقه ولا نطلب حدٍ غيرة بماثوبه تباهي يالكويت بشمس شراقه صباحك شعشع بطيبه وماجوبه جمع شمل العرب والعين تواقه وقاد العالم بفكره وباسلوبه صباح القائد الانسان بعماقه وفي فعله فخر واعجاب واعجوبه نصير الحق والاسلام ميثاقه كريم الجود والناموس من صوبه رفع راس البلد وازداد بآفاقه وكلٍ قال : هذي دار محبوبه |
|
|
|
|
08-04-2015, 04:50 PM
|
#35 | |
|
(*( عضو )*)
|
يالله بنصرٍ يقطع الشر ودابره
يغيض كسرى والملوك الجبابره يارب وحدك وانت قادر ومقتدر اتعز دينك واتعلا منابره باذان قد آمن وقد آمن اليمن راحت على المجوس مُره وغابره واليوم عاد الشر في وجه مختلف وانعادها عدنا على وجه خابره من قاصفات الحزم نضرب من السما وكماشةٍ فالارض تقطع معابره اندك قاعه بالمخازن والاسلحه ندفن بها الحوثي وتبرز مقابره يارب بامرك انتوحد ونجتمع مافيه قوة فوق قوتك كابره سلمان قايدنا وحنا مع الملك الحاكم اللي ماجهلنا مخابره من دون حد الله له الامر والحزم ومن دونه جيوش الخليج وعنابره حكامنا في مثل هذي تقدموا والخاين الهالك مساعيه ثابره جته الجموع وغيرها اجموع تستعد رهن الاشاره عبر الاقمار سابره وسط البحر اسطول زورق وبارجه ومن الفضا جته الصواريخ عابره كيدٍ على راسه وراسٍ يوجّهه اجابة اصدورن من العام صابره لايبرح الخاسي وكسرى ومن معه لين اليمن يرجع وتصدح منابره |
|
|
|
|
19-04-2015, 11:14 AM
|
#36 | |
|
(*( عضو )*)
|
بعض ما املك من نبض
في تويتر @falah_ku ماقصرت سود الليالي ولا هانت تكشف لك الافعال واتوضح الصوره اوجيه مذخوره على الضيق مابانت واتنومسك بوجيه ماهيب مذخوره @falah_ku لا صار مابه لسوالف مداخيل لانيب لاسامع ولانيب .. حاكي بشويش يانقالة الـقـال والـقـيـل خفو على بعض الكنب والمراكي @falah_ku ادخل على تويتر وابث الخوافي ويداعب احساس البشر نظم الابيات كسبت من هجس الفكر والقوافي علاقةٍ تبنا من الذات للذات @falah_ku الصدق .. مفتاح القلوب المقافيل ياماحلا طعمه ولونه ..{ وريحه } لونه .. بياض وريحته كنها الهيل وألذ من طعم الشفاة { المليحه } @falah_ku مثل الخريف احساسنا والغلا طاح تساقطت .. أوراق حلو { المشاعر } مانيب { متضايق } ولانيب .. مرتاح شاعر واعبر عن حكايات { شاعر } @falah_ku اطلق صراح العشق واكسر سياجه يا كثر ماقلت { اللقا } قسمة الحي ليه .. الكلام يموت عند { المواجه } هذا انت قدامي ولا قلت لي شي @falah_ku لجل احترام الصمت في بعض الاحيان نسكت .. ونترك للعيون .. { الصراحه } بعض الكلام ايفسر احساس الانسان وبعض السكوت .. أبلغ وحكمه وراحه @falah_ku النور يجلي ظلام الليل والعتمه .. أهم حاجه يكون النور في صدري اعامل الخلق بالاحسان والبسمه .. من خان ماهو منقص شي من قدري @falah_ku أدخل على { تويتر } وابث ..الخوافي ويداعب احساس البشر نظم الابيات كسبت من { هجس } الفكر والقوافي { علاقةٍ } تبنا من …{ الذات لذات } @falah_ku خلاص ..مابه شي نرجع عشانه مافيه { داعي } نلتفت .. لامشينا كنتي ..معي بالحفظ مثل الامانه وسلمتها لاصحابها ..{ وأنتهينا } @falah_ku دام السهر عيا وانا خاطري عمس مانيب قايل شي قبل { الصلاتي } اخاف لا تشرق على ضيقتي شمس وانا اللذي ماقد شكيت ابحياتي.. @falah_ku قبل الفراق { القلب } مدري علامه نبضه من الاشواق قام ..ايتطارق ياليت ..مابه { هجر } بعده ندامه وياليت مابه حب قبل { انتفارق } @falah_ku الخوف ماينفع مع اللي تحبه الحب يعني تضحيه ياحبيبي @falah_ku ان كان في ليلك على الهم { مسيت } صبح على { حزنك } وهمك ..وبلواك ترى ابتسامه من محياك.. لا امسيت { اتواكب } البسمه اذا الصبح حياك @falah_ku الصمت في وجه { الظليمه }.. مهانه والصمت عند الثرثره فيه { حكمه }.. وانا اعتبر صمتي وصمتك.. شطانه نفهم بعض من غير مَ نقول { كلمه } @falah_ku غرد عسى ماننحرم من { اتويتك } ياللي عشانك قمت اشغل اتويتي، تكتب كلامك وانت جالس { ابيتك } واراسلك وانا هنا وسط بيتي ،، @falah_ku لا تكتم إحساسك ولا تصنع اشعور خلك طبيعي وابتسم في حياتك لادارت اقلوب البشر حاول اتدور لا تتبع اللي مايناسب جهاتك .، تسعدني اضافتك 🌹 |
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
| أدوات الموضوع | ابحث في الموضوع |
| انواع عرض الموضوع | |
|
|
 |
 |
العرض العادي
