دموووع العز !!

المشاركة الأصلية كتبت بواسطة خالد الحصيّن

السلام عليكم



اتمنى ان ترضي ذائقتكم


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
والله انه ما يهز الرجل ويحطّم كيانه = كود لامن جاته الزلات من رجلٍ يحبّه
ان تشرّه قيل هذا مزح من باب الميانه = وان سكت لجّت ضلوعه كن في صدره منبّه
الله الله وانت يا فكري عليك الله وامانه = لا تنقدني ما دام ان الدوى حبّه وحبّه
التوجّد لو يفيد اللي توجّد من زمانه = كان شفت اوضاع راع الوجد دايم مستتبّه
يا صحيبي سِجّل التقرير والتقرير عانه = اوله نارٍ تلظّى واخره برد وجهبّه
من يمثل من وراي الخبث واسلوب الخيانه = ليه اجامل بالغلا وابنيه قبّه فوق قبّه
وليه اجامل لا هرج .. واقول صح الله السانه = والصحاري قاحله .. والجحر دابه دون ضبّه
ما ربطني بالرجال الا وفاً مرفوع شانه = مثل ما يِربط (عشير الغانمين) بـ (عبدربّه)
يا دموع العز ما للذل فالميقاف خانه = لا تسيلي فوق خدي والهوا صلفٍ مهبّه
دمعة الرجال مهما كانت ظروفه .. إهانه = وانت يا دمعي حماك الله من هرج المسبّه
ما نثرك الا شموخ ولا حبسك الا حصانه = لا قعد راع الهوى ينثر من دموع المحبّه
حافظك لو جارت الايام حفظي للامانه = والروابع والهقاوي غبّةٍ من دون غبّه
ما ورثت من (ابن هادي) كود سيف وجبّخانه = ولا ورثت من (المهادي) كود صبرٍ ما يشبّه
ليت باب العرف قبل العرف .. مغلق للصيانه = كان ما حصّلت جرحٍ يتعب الجراح طبّه[/poem]



وسلمتوااااا

جوهره من الجواهر النادره الثمينه لا يمكن تجزئتها



الاخ الغالي


خالد الحصيّن


بيض الله وجهك

وصح لسانك مدد بلا عدد

والشاهد الله بدون مجامله انها قمة من الابداع

من وجهة نظري ولكل وجهة نظر



دمت ودام ابداعك



تقبل تحياتي وتقديري


اخوووووك


.