مشاعيب مدباس .... (3)

السلام عليكم
ولازال الشعار (الزعل ممنوع والعتب مرفوع)



اقبلوها وقبلوا عزائي في وفاة(السيدة الجليلة) (الصداقة)
( مقدمه قصيده لمدغم ابو شيبه )

الشكوى لله يا اخوك ! الناس اتأثر بأدباء .. شعراء .. مفكرين .. وانت متأثر بفوازير الف ليله وليله !



حنا نعرف ان اهل مكه واهـل جـده
متخالطـه بيـن مكـاوي وجـداوي
( عبدالله بن قنيص )


ماشاء الله وذي عرفتوها لحالكم ولا احد علمكم !!



لـــ الاخت الشاعره/ قــهر يزيــــد
قصيــــده لك وجدتيها مع الآ خـــرين (الجمهور) ؟
تحياتي لك شاعرنا القدير :
كثير من قصائدي وأحيانا جميع قصائدي أجدها معهم .. أما التي تكرر تواجدها واحتفاظ البعض بها :
كلما يغفي بحضنه روعه .. ولبى عتيبة لبها كل حزة ..
أحيي سمو نفسك
( عبدالعزيز هليل يسأل وقهر يزيد تجاوب )


يا شيـن مهايط النسوان !!


في منتدى المرقاب تسعة عشر شخص
احبـهـم واعـزهـم واحترمـهـم
( مشعان البراق )


اشك انهم يبادلونك نفس الشعور !


بعدين حلوه احركّم شوي ، وش شايفنا
والله لو انك ملعقه وحنا ملح !
( رد لسلطان )


اتمنى ان تعيد حساباتك في خفة دمك ، دعابه غير موفقه للأسف !!


هل هناك طريقه معينه تكتب فيها القــصيده ؟
_ أغنّيها .
( سؤال لغالب . واجابه لمحمد صالح )


ابوصالح والله اني خايف عليك من الحسد !! ياآآآخي وشلون طرت عليك هالاجابه !!



جسمي ونظراتي وبحّه صوتي
في ضاحية علي صباح السالم
وفكري وفيتامين مشهى قوتي
مع ظالمه تسكن بديرة ظالـم
(توقيع لمشاري المري)


مشاء الله عليك ياخي ، من تواقيعك عرفنا وين ساكن ووش سيارتك عاد الله الله بالتوقيع الجاي نبي رقم البطاقه ولا وين دوامك ؟



طنشيني دام صوتك فيه بحه
لعنبو قلب ٍ سمعها وما تعلق

تفضل بالأطلاع على ديواني
(توقيع فيصل الخالد)


بذمتك .. من بيقرآ هالبيت !! وتجيه نفس يدخل الديوان !!



لحظة لمحت عيونها ثم تقدمت
______________ وصدت نست ما فات بنت اللذينا
(بيت لخالد الذيابي)


على العموم اللي حاب يعرف تكملة القصيده ! يراجع محكام الرياض لان الدعوه لازال فيها مطالب !



شهادتي فيك مجروحه .. ولانت في حاجتها
( رد من مطلق بن شويه على مدغم ابوشيبه )

رحم الله إمر ٍعرف قدر نفسه ! يا أخ ترى فيه فرق كبير بين التواضع واللي انت تقوله !!



اقراء في بعض المجلات عن نساء يحاولن ان يملئن ( مساعة ) العنصر النسائي
( مقال لنوض )

مساعة !! مشكله لاصار الواحد سهران ويكتب مقال الساحه اربح الفجر !!