 |
 |
 |
||
 |
 |
|
|
|
|
||
|
|
|
 |
 |
 |
 |
|||||||||
|
||||||||||||
 |
 |
 |
 |
|||||||||
| ..: مرقاب اللّقاءات :.. اللقاءات والامسيات الشعرية |
 |
|
|
أدوات الموضوع | ابحث في الموضوع | انواع عرض الموضوع |
|
|
|
#1
18-12-2005, 04:48 PM
|
|||||||||
|
|||||||||
|
البقا البقا البقا يبو نجد ...وكل حرف كتبته ياخالد وسام عز لي واتشرف به ...والقدر وسط الصدر وانت أدرى به .
9- هذ المرقابي إرهاااااااااابي منهو ؟ عبدربّه بن عتيق العـازمي 10- أكثر مايعاني منه المدير هي مشاكل بيـّاعة الشعير! اول شي منهو من المدرا ؟ ووش السالفه بالضبط ؟ هذا التصريح لا يقتصر على مدراء المواقع ..بالعكس ينطبق على اي مدير دايره ولكن لنأخذ مدراء المواقع على سبيل المثال . بيّاعة الشعير عندنا يابدو الجنوب مصطلح يطلق على الرياح اللي تهب من كل صوب وكلها غبار في غبار ....ومدير الموقع يعاني من بياعة الشعير فلا يدري يحد ذولا والا يتقي من ذولا والا يتقطـّب في الاطناب حتى لا يطيح البيت والا يتقطـّب في العمد والا والا ...وعفاك 20- الحصيّن نقش اسمه نقش من أول مشاركه .مع إني....؟ مع انّك ويش ؟ اولا ً فيعلم الله اني حبيتك من اول مشاركه اللي هي ان كان ماخنتني الذاكره ياسوبر ستار قل لستار اكاديمي ..وانها نقشت اسمك نقش في ذاكرة كل من يستهويه القصيد الجزل . مع إني : كنت أتساءل عن وجود اللقب اللي بين قوسين جنب اسمك واقول وش عند الاداره مسجلين واحد جديد ومعطينه لقب ومن هذا القبيل ...ولكن عرفت انك غيثٍ يتمنونه جميع المسلمين في كل الدير . 21- المرقابيين الكويتيين مثاليين ما عليك زود .. الاسباب ؟ ها والله اني اقولها وانا صادق والاسباب : حضورهم في المنتدى قوي ....واسماءهم قويه ..والواحد الى غاب منهم ينفقد على طول أضف الى ذلك ان اسمع انهم يجتمعون ويتقابلون دايم .....وهذا الشي تروكم محسودين عليه وخذ عندك على سبيل المثال لا الحصر : انت وسداح وسعد براك ومحمد صالح وناصر الهاجري ....ها لاعد تنشد عن اسباب المثاليّه 24- الترميز فن وحرفنه ...ولا يحارب الترميز الا اللذين لا يجيدونه! نعم انا معك .. لكن الا ترى ان المبالغه والغلو فيه .. تفقدك وتفقد المتلقي التركيز !! بالنسبه لي انا ماعندي مشكله ولا ان شاء الله بفقد التركيز .....ولكل متلقي قدرات بعضهم مايفقد التركيز نهائيا وبعضهم بيفقده .واتوقع ان التركيز يمكن ينفقد من الطرفين اذا كانت الكتابه بالأوردو ..وانا اشوف اني ماوصلت لمرحلة المبالغه والغلو فيه واذا شفت عكس ذلك فعلمني ترى الخط الساخن اللي تقول عندك عندي واحد مثله وانت من الناس اللي اسمع لهم ... 26-هذا العضو لا يمكن أن اجيب على تساؤلاته ؟ ارب ماهوب انا ؟  وش رايك عموما العضو قد تبلّغ والعوده مثل مسيرك فالارض ! سلام تقوله صادز  مرحبا مرحبا في وكل وقت ولاهنت ولاشنت 
من الذكـاء متابعة طاش ما طاش
........ وأكبر غباء إنـك تتابع خـواطـر ! 
|
|
18-12-2005, 05:41 PM
|
#2 | |
|
(*( عضو )*)
|
يامرحبا ومسهلا ..ببنت المرقاب سراب ..ولاهنتي على ماذكرتيه من آراء مع اني والحمد لله مابعد خسرت واحدٍ يستاهل
لماذا تعطي طابع القوة في كل نص بعد نص ؟؟ لأن القوه مطلوبه دايما ...والمؤمن القوي خير واحب الى الله من المؤمن الضعيف هل الهجوم وسيله لكسب النجاح ؟؟ لا ولكن اللي يبي النجاح لازم يدحم الصفوف ماالموقف اللذي هزك وجعلك تغير قناعاتك بالحياه؟؟ من فضل الله مابعد تعرّضت لهكذا موقف والله يبطي بيوم الشر كم نسبه الشر والخير برأيك ؟؟ في ماذا؟ عموما الخير موجود والشر موجود والنسب متفاوته مثل سهم اللجين مره نسبه فوق ومره نسبه تحت ولا تهون حايل الزراعيه هل نجح الشعراء بتوظيف قدراتهم لخدمة الانسانيه ؟؟ نجحو(البعض) في مناقشة القضايا الانسانيه ....ولكن القرار عند اصحاب القرار! ماذا تعني لك المحاورة ؟؟ فتل ونقض ومعنى ...ويبغى لها شاعر وسيع بنايد ....والمحاوره من الاسباب الرئيسيه اللي حببتني في المنتديات لماذا اعتذرت عن محاورتك الاخيره امام سلطان برغم انها كانت في بدايتها ؟؟ (( تقدر تحذف هالسؤال بس محيرني)) مافيه شي ينحذف هنا تحت المجهر وتصحيح لمعلوماتك فأنا لم اعتذر عن المحاوره بالعكس اخذت حقها كامل في البيوت وفي المعنى وخير الكلام ماقل ودل وللمعلوميه قال لي سلطان بعد ردّه الاخير ان المحاوره خذت حقها وش رايك؟ فقلت له فعلا وانهيتها وللمعلوميه ايضا اني اعتبر كل بيتٍ من بيوت عناد النفيعي محاوره كامله من عشرين ردّ ما اللذي ينقص المرقاب كإدارة // اشراف .. اعضاء ؟؟ الابتعاد عن المجاملات اللي مالها داعي ....والباقي عسل 2- كان لي نصيب الأسد في تغيير ونقلة مرقاب المواهب . والمواهب كان ملتقى المبدعين . واليوم ياليل ياعين ((اليس تقليل من شان الاعضاء ..!! ومن غاب عن المواهب ؟؟)) أبداً وانا ما اقلل من شأن اي مرقابي والله يبطي بذاك اليوم اللي باقلل فيه من شان احد هنا والا في منى ولكن انا اشوف الحال اختلف وكأن العدوى بتنتقل للمواهب في بعض الأمور 7- ماني من شعراء الزاويا والإضاءه الخافته والقلم المزركش .. إزعاج مقهى الانترنت طقس مناسب للكتابه كيف تركز طيب ؟؟ الاتفقد الهدوء في نصوصك احيانا ؟؟ هههههههه... والله التركيز في الاجواء اللي مثل ذي هبه من الله سبحانه يهبها من يشاء اقرب مثال شعراء الميادين من عرضه ومحاوره ..يفتلون بيوت في أصخب الاجواء مايفتلها اللي مولّع له شمعه ومتكي في الزاويه وبيده قلم باركر وانا والحمد لله مابعد افتقدت الهدوء في نصوصي 13- نصيحتي للإداره ان تتبع سياسة : سجّل عضو وأشطب إثنين ماكنها سياسه ظالمه او انا مافهمت ؟؟ اولاً هذي وجهة نظر شخصيه ....والهدف منها إعادة هيكله لأعظاء الموقع فمثل مانشوف قائمه فيها ترحيب بمجموعه ارى انه لابد ان تطلع قائمه اخرى فيها توديع ! 15- قلت هذا رقمي السري ياعكاشه ..فرد علي بقوله علي الحرام أن تغير الشطر الأخير.........!!! وبالمناسبه عكاشه عنده براءة إختراع في ..........؟؟ توضيح لو سمحت .. وما سر علاقتك بعكاشه ؟؟ راجعي ردّي على ابوراكان لاني وضحت التصريح هناك ...واما عكاشه فهو من أوائل الاعضاء اللي تعرفت عليهم وتشرفت بمعرفتهم وكنت قبلها اسعى جاهدا للتعرف عليه لانه مكسب إضافةً الى ذلك عكاشه من الشعراء الخطيرين جدا جدا ويعجبني اسلوبه ...الله يمسيه بالخير جمعها كلها مرجله وطيب وقصيد 16- بعد المفاجأه قال لي أبوي : أنت نمانا والا وش سنعك ! وش كانت الاجابه وش المفاجأه هل الوالد حفظه الله شاعر ؟؟ متى اقتنع بشعرك بس اي قصيده ؟؟ اولاً نوع الاستفهام في سؤال الوالد استفهام تقريري واجابة الاستفهام التقريري معروفه مسبقاً والمفاجأه ذكرتها في جوابي على سؤال المدير ابو راكان ..راجعي المدير وابوي الله يطوّل عمره ماهو بشاعر . ولاني اجيب طاري للقصيد عنده الا فيما قل وندر 19- عساني ما اعدمكم ياللي على خاطري ولاهنتو ولا شنتو واعذروني مين ؟؟؟وليه ؟؟ الخطاب موجّه للذين شرفوني بالرد على قصايدي ولم استطع ان اشكر كل واحد على حضوره وتشريفه لي بالرد والراي ....وعودي لاجابتي على سداح وتجدين كل شي عن هذه النقطه بالتفصيل 22- شعار عبداللطيف الغامدي الموحّد : (ممنوع التقصيد ...عاش راعي الكاش) شعاره بايش؟؟ وشلون ؟؟ شعاره في كل شي ....وعلى سبيل المثال القصيد ...فهو يكتب القصيده في لحظتها ويهلها هل يعني مايدور لها من بعيد ماشاء الله تبارك الله ويحب المحاورات المباشره لدرجة اني اذا طلبته في محاوره يرسل لي ويقول ننهيها في وقتها والا شلّها وفي آرائه كااااااش مايحب اللسلسه فالختام .. اكن لك كل التقدير واتمنى لك حياه بالسعاده مزهره ارق تحيه من القلب شكراً ياسراب ...اسعدني حضورك والتقدير متبادل سلامي واحترامي |
|
|
|
|
18-12-2005, 06:29 PM
|
#3 | |
|
(*( عضو )*)
|
مرحبا عداد السيل يبو منصور ...والساعة المباركه يوم شرفتني بحضورك
فانت تدري ان لك في القلب مساحه ...والله يجملني معك بالرد المناسب اولا ابشرك اني بخير والحمد لله والحال تمااااام والله يديم علينا نعمته 1- هل تقصد بأنتقال مرقاب المواهب (( تغيير مكانه الجغرافي في الخارطه المرقابيه )) ؟! لا ولكن اقصد النقله النوعيّه 2- استنتجت من تصريحك عن مرقاب المواهب .. ان مرقاب المواهب يستهويك كثيراً هل هي قناعه منك ان ما يقدم في مرقاب المواهب أجمل بكثير مما يقدم في المراقيب الاخرى وعلى رأسها المرقاب الشعبي ؟! نعم مايقدم في المواهب اجمل بكثير ....وبإمكانك العوده على اجاباتي لسداح حول هذه النقطه 3 - مرقاب المواهب (( بين الفينه والاخرى )) يمر بحالة ركود وهذا الشي طبيعي .. في جميع المنتديات الكبري فما بالك ومرقاب المواهب قسم !! السؤال : (( والمواهب كان ملتقى المبدعين . واليوم ياليل ياعين )) * الا تعتقد انك استعجلت فالحكم على منتدى المواهب من خلال هذا التصريح ؟! لاوالله ما استعجلت ....واذا اعتبرته استعجال منـّي فالأحرى ان تعتبره تنبيه ان الخطر قادم قادم ...ولعلمك فانا ما اقصد الركود ولكن اقصد ان الداء اللي في الشعبي بدى ينتقل له يعني ترونا في وجه الله مايلحق المواهب الشعبي ....والا شدينا ورحنا للقدس ومن يقول يسلم ولاهنت ولاشنت يبو منصور اخوك اللي كان يختم مشاركاته بـ: المدير الفخري لمرقاب المواهب وماجاورها |
|
|
|
|
18-12-2005, 06:54 PM
|
#5 | |
|
(*( عضو )*)
|
تبقى يبو يزيد ...وابرك ساعه تواجدك هنا يامجـرم
س1 : متى ستمارس العرضه والمحاوره ميدانيا ؟ ما أعتقد إني راح امارسها ميدانيا ....الا اذا فصلت من أرامكو س2 : يتهمك البعض بالغرور وش رايك ؟ أخو هاجد ....... من هم البعض ذولا اللي يتهموني بالغرور ...يا اخي خلك صريح كما عهدتك قل فلان يقول انك مغرور بعدين المتهم برئ حتى تثبت ادانته ....بعد اهم شي رايك انت وانت اللي تعرفني زين مازين يا عزيزي الثقه غير الغرور وعفااااااااك يبو يزيد انا ثقتي في نفسي كبيره جدا ولا راح تنهز بإذن الله ...واللي مايميز ويفرق بين الثقه والغرور والله ماهمني رايه ابد ابد س3 : ماهى اخر اخبار العنصريه ؟ وهل انت عنصرى ؟ والله ماعنها الطير خبـّر ..... بس الوكاد انها موجوده في كل مكان وبالكرتون مافيها مفرّد وبالنسبه لي فأنا عنصري في المواقف اللي تتطلب العنصريّه ومايشاف الرجل بالعين الوسيعه % كود لامنه فزع لعيال عمه (لابن جدلان) حتى ولو فزعته عنصريه س4 : ليه كلمه شعار الجنوب تتكرر واجد وهل انت مويد لها او معارض ولاحظ أن البعض قد يستخدمها كتسميه بها نوع من الاستخفاف ؟ وهل تويدينى ان الشاعر مفروض يطلق عليه شاعر اما جزل او شاعر واسكت ؟ وان المنطقه مالها ارتباط بالشعر او لديك ما يخالف ؟ انا احيانا اراها نوع من التميز ...اذا فسرت ان شعار الجنوب في كفّه وشعار باقي الاقطار في كفه اما بالنسبه ليه تتكرر دايم فلا أدري ولكن ثق تمام الثقه انها ميزه تحسب لهم لا تحسب عليهم ومن استخدمها كنوع من الاستخفاف فوالله اني مستحيل اراه بالعين المجرّده لو ان كبره مثل كبر طويق .........! وانا معك انه يجب ان يقال للشاعر شاعر سواءً انه من الجنوب والا من نجد والا من الشمال والا من سومطره والا من مدغشقر الجزل فارض نفسه فوق كل ارض وتحت كل سماء ومن قال لا يهون يبو يزيد ...واعلم ان وجودك هنا زودٍ لي زادك الله من فضله سلامي وكل احترامي |
|
|
|
|
18-12-2005, 07:13 PM
|
#6 | |
|
(*( عضو )*)
|
مرحبا ومسهلا يافهد بن عبدان ...والساعه المباركه تشريفك لي طال عمرك
واعجابك ورايك يشرفني كثير كثير ويهمني جدا ...لاهنت وعسى عمرك طويل على الطاعه -انا مقلّ في هذا الغرض ...لأني أكره النقل الجماعي مالمغزى وراء هذا التصريح وماذا يخفي بين جَنَباته ؟ الغرض بارك الله فيك هو غرض الغزل ....لان الجميع يتساءل ليه انا مقلّ فيه وارجع طال عمرك لاجابتي على اول سؤال لمديرنا ابو راكان وتلقى الجواب الشافي الكافي 90% أو أكثر من قصايدي كيبورديه ...! وهل هذا درء للقبح أم ابراز للجمال ؟ ... ومالسبب ؟ قبل كل شي انت تقول (حضرنا لنبدي علناً اعجابنا بماتقدمه من نصوص ومشاركات قيّمه ومتميّزه) فأنا أجزم انه مايعجبك الا الشي الجميل والواكي ذكرت ان 90% او اكثر من قصايدي كيبورديه لان الاعتكاف يكون في الطاعات فقط ...وانا ماني من اللي يعتكفون على كتابة القصايد يوم يشطب كلمه ويوم يضيف كلمه وهذا هو التكلّف بعينه لا تقول لي تنقيح وما تنقيح ...فالحوليّات راحت وراحو هلها .....والقصيده اذا ما انصبت صب وانهلت هل فانا اسميها تقصيده ماهي بقصيده وللمعلوميّه العشره في الميه الباقي من قصايدي عمرها هو كتابتها على الورقه اذا ماكان عندي كيبورد لحظتها ويامرحبا بك يافهد في كل الاوقات والصدر ابشرك انه وسيع ....والله يحييك ولا يهينك طال عمرك |
|
|
|
|
18-12-2005, 08:17 PM
|
#7 | |
|
(*( عضو )*)
|
مرحبا يا ابو يحيى
والساعه المباركه هي الساعه اللي جابتك للمجهر .. ويشكر ابو يوسف على هالاختيار اللي انتظرناه كثيراً . فأنا اعامل المنتدى وكأنه مطبوعه عليّ ان انشر فيها مالديّ وهنا تتوقف مهمتي اولاً اعجبتني وجهة نظرك في طريقة التعامل مع المنتدى كوسيلة نشر. وثانياً لي بعض الوقفات والاسئله التي اتمنى ان لاتأخذ من وقتك الكثير.. فوالله اني مستحيل اراه بالعين المجرّده لو ان كبره مثل كبر طويق .........! لماذا طويق بالذات؟؟؟ لكن اللي يبي النجاح لازم يدحم الصفوف وعزالله انك تدحم بجنبٍ متين يا ابو يحيى.. سؤالي :- الا ترى بانك وصلت لمرحله لم تعد بحاجه لهذا الدحم؟ سؤال اخير .. [شعرياً] ابغى تعريفك لكل اسم من الاسماء التاليه:- <-- كنه من اسئلة الكفاءه ابراهيم الشيخي عبدالله العسبل وابغى رايك في توقيعه ايضاً  عامر عمار خالد الذيابي خلف المشعان مطلق النومسي عبدالرحمن الدعرمي عوض القرني حزام السعد الموت زويان برايفت:- إضافةً الى ذلك عكاشه من الشعراء الخطيرين جدا جدا ويعجبني اسلوبه لدرجة انه ياخذ نظارة الرجال من اول مقابله حللني وبحني يا ابو يحيى شكل النظاره تصادرت. تبقى يا ابو يحيى من الاسماء التي فرضت نفسها بدون اي دعم خارجي .. رجل وشاعر عرفناك مبدعاً ووافياً .. ومعرفتك يتشرف بها اي شخص وانا من الاشخاص اللي تشرفهم معرفتك وافتخر بهذه المعرفه .. وسباق للطيب دائماً يا ناصر لك من الود اصدقه |
|
|
ما عاد فيه احلام تصبح حقيقه = الوقت قاسي والزمن سبعه إعجاف
|
|
18-12-2005, 08:22 PM
|
#8 | |
|
(*( عضو )*)
|
المهلّي مايولّي يبو نوره ... والله يبارك فيك طال عمرك ...وانا متأكد ولا هو بلاحقني فيك شك الله يرضى عليك ...وانا متأكد بعد انك انت متأكد ان لك تقدير خاص ومحبه خاصه في قلبي
بغض النظر عن اختلاف الراي احيانا ....انت رجالٍ قابلك الله اختلفنا والا اتفقنا -الى اي مدى ترى قرب شعر القلطه مع شعر العرضه...وبصراحة من يغريك هنا وهنا؟ القلطه فن مستقل وله شعاره وعشاقه وجمهوره والعرضه كذلك فن مستقل له شعاره وعشاقه وجمهوره ... يتفقون في المعنى ويختلفون في الاسلوب والأداء ... ولكني ارى ان بإمكان شاعر العرضه ان يصبح شاعر قلطه ومحترف بعد ولا ارى ان العكس صحيح ! ومن ناحية من يغريني فاذا انت تقصد من من الشعار فاقول لك ابراهيم الشيخي يطربني جداً في الفنين وانا بصراحه اميل كثيراا للقلطه ولو خيّروني بينهما لاتجهت للقلطه بدون نقاش -يرى الكثيرين انك نطوائي من خلال علاقاتك بالمرقابيين رغم تواجدك المستمر؟ وانا ضد هذه الرؤيه ...لان الظروف اذا ابعدتني فهذه لا تعتبر انطوائيه وبالعكس انا اتواصل مع المرقابيين داخل وخارج المرقاب سواء بالتلفون ام بالمقابله مع القريّب منهم وحتى بالماسنجر اضف الى ذلك ان الزملا والمعارف الغير مرقابيه كثيره جدا ولازم نرضي جميع الاطراف ارجو اني وضحت لك لان الامر اشتبه علي من ناحيه ان تقصد الانطوائيه النتيه ام الانطوائيه الاجتماعيه المعروفه ؟ فلا مانع انك توضح اكثر اذا ماكان جوابي شافي ! -هل تكتب الشعر الحر...لاني رأيت لك اكثر من رد لاكثر من شاعر طرح تجربته هنا في مرقاب الادب والثقافه؟ كتبته مرّه وحده وبطلب من شخص عزيز ...ولا ادري هو شعر حر والا عمودي المهم اني لبيت طلبه ورضي واذا رأيت لي ردود على اي مشاركه من هذا القبيل فإعلم ان ماعمري رديت على شي الا وهو معجبني او على الاقل فيه جزئيه معجبتني -كيف نستطيع تطوير قسم الفنون الشعبية ليصبح اكثر سخونة؟ احجبه عن اللي مبرّدينه ومقحمين انفسهم فيه وهم مايعرفون منه الا اسمه بحيث مايستطيع يتصفحه الا الزوار والمجموعه اللي يجيدون الفنون فقط وترى ماعندي مشكله ازودك بالاسماء اللي انصح ان يكون القسم مفتوح لهم مع الزوّار ! -بكل تجرّد..هل يغريك النشر في مجلة المختلف او فواصل؟ وهذي من النقاشات اللي قد صارت بيننا ... الآن والله مايغريني النشر لا هنا ولا هنا -من خلال نقاشاتنا اكثر من مره ولفترات مطوّله لم يتوصّل احد منا الى اقناع الآخر..تبينا نواصل ولا نهوّن!؟ والله اذا تبي تهوّن انت فهذا شي راجع لك اما انا فلا لك منّي فكّه حتى اقنعك ولو برأي واحد عموما والله انها قمة المتعه النقاشات معك واني اجد فيها روح النقاش الهادف حتى لو ما اتفقنا لاهنت ولا شنت يبو نوره سلامي وكل احترامي |
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
| أدوات الموضوع | ابحث في الموضوع |
| انواع عرض الموضوع | |
|
|
 |
 |
العرض المتطور
