قلت : مغرم .. وقالت : روح توك حبيبي*** لو تحب السما مـا انتـه بلاحق عليـه

[POEM="font="Simplified Arabic,5,black,bold,normal" bkcolor="black" bkimage="./images/backgrounds/29.gif" border="outset,1,gray" type=2 line=0 align=center use=ex num="0,black""]( قدّر الله عليّه ) ف الزمـان القريبـي=وابتلانـي وأنـا راضـي لبلـواه فيّـه
قدّروا موقفي .. والامر ماهـو غريبـي=واسمعوا شكوتي .. صبراً عليّـه شويّـه
( قـدّر الله عليّـه ) والحقيقـه نصيبـي=وابتلانـي بـحـب ابنـيـةٍ ( ...؟... )
جادلٍ .. كل رمشٍ في هدبهـا عطيبـي=سهم والسهم يوردنـي حيـاض المنيـه
فارعٍ .. كل مـا فيهـا لقلبـي صويبـي=إن سلمت الهدب ما نـي بسالـم خويـه
ترفةٍ ..غصب تصبح في هواها نهيبـي=تنهب القلب من بيـن الضلـوعٍ الحنيـه
تنثني كنها بالضبـط غصـن العسيبـي=لو بـدون الهـوا مالـت هنـاك وهنيـه
شفت ذاك القـوام اللـي بدالـك مهيبـي=رزت الصدر والجـادل وراهـا رعيـه
والله إنك لتوقع صح .. لو كنـت ذيبـي=شي ما يقدره رجـلٍ لـه عيـون حيـه
يا رجل طحت كني ف المحيط الكريبـي=ما عاد اشوف كفي روّحـت مـن يديـه
كان أبويه يقل لي يا الحصـان النجيبـي=مير راحت علومـي بيـن هـذي وذيـه
آخر العلم قلـت أقـدم وربـي حسيبـي=شي من امرين يإما ذيـب وإلا ضحيـه
قمت حييتها .. قالت: نعم وش تبيبي ؟!!=وش تبي هذا أنا رديت رسم التحيـه ؟!!
قلت من بوك قالت بوي ضابـط نقيبـي=كـان تبغـاه دوك الثكنـه العسكـريـه
قلت : مغرم .. وقالت : روح توك حبيبي=لو تحب السما مـا انتـه بلاحق عليـه
واتركتني على هالحـال عقلـي سليبـي=بعد ما سلمت لـي سهـم قاتـل هديـه
طاح قلبي بكفي .. صار موقف عصيبي=لا مسكت العنـان ولا خطفـت العبيـهً
يا جماعه وش الصرفه جبولي طبيبي ؟؟=يبري الجرح وإلا جـاب حـل القضيـه
غربلتني وحطت فـوق قلبـي صليبـي=بـازرق الميسـم اللـي كيتـه عقربيـه
دوروا لي على الحل التمـام الصويبـي=وإلا جنيّـت مثـل حبيّـب العامـريـه [/POEM]

محمد بن حمدان المـالـكـــي
mr.mnn@hotmail.com
الرياض - 22/7/1427هـ

الله الله يا المالكي

هلا ومسهلا


وحياك الله بين أخوانك


طاح قلبي بكفي .. صار موقف عصيبي
لا مسكـت العنـان ولا خطفـت العبيـهً


يعين الله


صح لسانك ودام تواصلك ،

الشاعر محمد المالكي


صح لسانك على ما قدمت من عذوبة وجمال

تحيتي العطرة

محمد

الله يحيك بينا

وانا اخوك

قصيدة وافيه من وافي

الله لايهينك

طاح قلبي بكفي .. صار موقف عصيبي
لا مسكت العنـان ولا خطفـت العبيـهً



صح السااااااانك يامحمد


راااائعه من رااائع وبوح جميل وعذب من شاعر مبدع



سجل اعجابي وتقبل تحياتي وتقديري

محمد حمدان .. المالكي
وغزل .. رائع .. ووصف مثير .. وتميّز بلا حدووود
ابدعت يا مالكي .. في وصف حبك الـ.. مدهش
من القلب .. اقووول الف هلا وغلا ومليووون مرحبا
حضووورك .. إضافه .. وإبدااعك مدرسة

أشكر لكم ترحيبكم
ومشاعركم الجياشة

صح لسانك يابو حمدان

وسلم قلبك

صح لسانك يا محمد



حضور مضيء وقصيدة جميله




دمت ودام وهجك

شكراً لمروركم الكريم