شخابيط شاعر!!

وقفة وفاء ..



عندما أتكلّم عن الوفاء ومشتقاته من العلوم الطيّبه أول مايطري على بالي أخوي وصديقي ورفيقي ...الأعلامي .. علي بن مبارك .



أكثر أنسان له معاريف وجمايل لا تعد ولانحصى على الفقير لله فالح بن قشعم .. وياكثر مافي خاطري من تعبير تجاه هذا الشخص الوفي .. ولكن القصيده ستتحدّث عن ربع ما أكنّه لهذا الشخص الفريد من نوعه .. والنادر بهذا الزمن !!





[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
رفيقي ماطاوع فيّ وأنا ما اطاوع فيـه = ومـن بيننـا مايدخـل الاش والهافـي
ليـا مـن تباطيـت اتصلاتـه احاكيـه = والى من تبطاني مثـل موقفـي يافـي
على كثر ماأمزح معه وأكويه وأقاصيه = على كثر ماهو طيّـب وقـرم وسنافـي
بعيد المشاحي والنظـر فـوق مايدنيـه = حبيـب ولبيـب وللمطاليـق ميـلافـي
وسيع البنايد وسع صدره على أمحاكيـه = وصبره على الليّ بيننـا بيّـن وخافـي
مافيّ ايديه في يديّ ومافي يـدي فيديـه = وأنا صافيٍ له وأبيض الوجه لي صافي
ليا من تمارى طيّب الراس فأبـن أخيـه = تماريت في فعل البنينـي وأنـا وافـي
ماني بجحد المعروف والطيب من راعيه = أجازيه وأدبلّه مـن أخيـار الأصنافـي
والى قيل منهو قلت ياحيّ مـن طاريـه = تمارى به اربوعه علـى كـل ميقافـي
ابو مبارك الليّ وقفتـه مالهـا تشبيـه = عليّ المبادي مدهـل الضيـف والافـي
على الضدّ شرس وحنكته ماتبي تنبيـه = وللصاحب أخلاقـه عذيّـات وأنظافـي
يعشق المراجل وأسهم الطيب ماتخطيـه = تشوف الفرح بحجاج معدوم الأوصافي
راعي مرحبا وارحب ولبيـه ياداعيـه = وراعي وقفةٍ في راسها جن وشعافـي
يموتون قوم البهرجه ماأبحثـو خافيـه = بحر طيب يتعب كل مركب ومجدافـي
وأنا من بعض ما أكنّ له جبت مايعنيـه = لوّ انّه غني من مدحي وبدع محرافـي
ترى من يحجب النور ويحاول ايغطيّـه = مثل من يحاول يحجب الشمس ياكافـي [/poem]