ليت ماجايني ماجاكم ؟

احبتي
السلام عليكم



مافيه الا عفاكم ..

الايميــل الملوي عيّا يفتح من حوالي سبوع وأنا أنابزه

ولا أدري وش طاعونه


حطيت الرقم السري ،
حطيت كبس لوك ،
اليا والله ماش طبّ ،
وأنا خايفٍ نه يكون مسروووق والا شئ




وش الحـــــل


..

بريدك اللي فيـان !!!
إن تسان هو اللي في الهوتميل ، ماعلاك خلاف (( علّة وتزوول )) ، ألاّ إنك ملغوزٍ في كلمة المرور
وحايسها..
.
وإن تسان هو اللي في المرقاب فالعرب يعلمونك فأنا ماعندي لوون



وسلام علاكم ،،،

مالك الاّ .. تستشير / عبدالرحمن حمد الشيباني
لإنّه ( هكرز ) من عام السبله
ويمكن .. يرجع الإيميل

!
!

ابو مشوط

الا ماغير هوه حق الهوتميل هتملته بقعاء !


يعني مافيش مشاكل ،

هرامي كبير الي بابا مافي !


شكراً لك ياحبيّبي ..



نوووويصر ،

محرنّ مافيه هكرز غارك ياسيادة القاضي ،

الا صدز على طاري القاضي ، وراك ماترد على المســج بـ ايه والاّ لا


سلام’ عليكم

شكلك لك سنه مافتحته وضيعت الباسبورد

دقق في الباسبورد وفي النك نيم اكتبه صح

ولا صور لنا المشكله اللي تطلع لك

ويمكن مسروق واللي سرقه غير الرقم السري

احتمالات كثيره

.

اقرى عليه يمكن يفتح


.

اصقعه بالمشعاب في قلته

يمكن مادرى عنك


غيمار

لآن فيه برامج يسترقون فيها الايميل يرسل لك الهكر رساله
ومجرد ما تفتح الرساله على طول توصله رساله تحمل
الباسوورد وعلى طول هو يعير الرقم السري
وستخدم بريدك ويجس نبضك
وشوف مين اللي يراسلك

أو انه اكسبايري يعني
منتهي لكن عندك فرصه
تنشطه مرتين بعدها ما يقبل
التنشيط ارميه وسو ثاني
ودمتم بخير ومسرات

اسمعوا ياجماعـه :-


بالنسبه لمداخلتك يارشيد ،،،،

ماش بطاً هذاك حاله ، الي حوالي شهر مافتحته ،
والرقم صح والنكنيم صح ، ولكن مازالت المشكله قائمه وأزريت اقعّدها

والتصوير ما أعرف له ياخوك لكن إذا دقيت الرقم وعطيته اوكي أخذ تقريب خمس ثواني
وليا وغيدزه هاثم يطلع مستطيلٍ مكتوب تعذر على ماسنجر ويندز لايف تسجيل دخولك بسبب عدم وجود ويندز لايف آي دي الذي قمت بإدخاله أو عدم صحة كلمة كلمة المرور الخاصه بك .
إذا كنت ناسياً كلمة المرور انقر فوق ....... إلخ

وأنا والله مانسيتها .


أمّا الاخ عدنان

فأقول لك ماتصلح الرقيه على الجمادات ..
<- صدّق

وأمّا غيمار فأقول له مايستاهل الصقع ،
رفيّدزي يونسني نوب يوم ماعندي أحــد

وأمّا أبو فرج ،
فأقول ماقد ارسلت على احد ولا احد يرسلي ابشرك من حوالي ثلاث سنين وجاي ،
ملغٍ الخاصيه حقة الرسائل
والظاهر إن مافيه حل الا كما قلت نبا ننطله ونعوّد على حق المرقاب مع اني ناسٍ كلمة المرور فيه ..


سلام, عليكم

مستطيلٍ مكتوب تعذر على ماسنجر ويندز لايف

هو المسنجر قصدك ؟؟

ولا البريد ؟؟

يالمطووع انتسانك ازريت فيه عندي لك ايميلٍ والله مدري وش لزومه عندي

ماقد فتحته ولاعليه اي اضافات ..ومميز وسايمينه العرب من عندي بهاك القيمه<<ياتسذبك

وتراه فداك يابعدي ان بغيته بلغني بس

سلامُ عليكم

^
تسم علاااه !
<- مصدّدز


عساني ما ابتسيك فالح ..

الماخوذ لاهالحين وبلاه فيه

وأنا عندي أيميل المرقاب بـس ما أعرف له ،

عموماً بيّض الله وجهك ولاهنت على ماقلت
أبا أشوف وأعلمك اب عدين !

..