قصايد × قصايد .. ( 2 ) ,

شجاع السواط يقول :

المشاركة الأصلية كتبت بواسطة شجاع السواط

اعزائي / بناء على رغبة الاخوان اعيد هذه القصيده للمره الثانيه ..
والمعذره على القصور ودمتم ....

بعــــد الفـقــر حطـت شريحــه وجـوال
يسعــد مســـا جــوالـهـا والشـــــريحه

كـانــت تـجــيـني تشـتـكي قـلــة المـــال
وتصيح لاجــا طــاري الفقر صيـحـــه

تقـــــول ابــويـــه دايــم الــدوم رحـــــال
وامــــي كـبـيـرة ســـن دايــم طريحــه

وانـت الـوحيـــد اللـي لك القلب ميــــّال
دايـــم يـصـارحـنـي وانــا لـــه صريحه

طفــلـه وانــا معـشـوقـهـا بـيـن الاطـفــال
جريـح حــب وطــاح لـــه في جريحــــه

كـنا سـوى نرســم عـلـى التـربه امـــــال
وأحـــلام تـقـــتـــلها الحياه الشحـيـحــــه

كـــــم دمعـــةٍ كانـت على الخــد تـنـهـال
واذا نزلــت ضــاقــت علـيّ الفسـيحــــه

الله كم صـــرخه..وهـمـســــه.. ومـوال
الله كـــم جــادت عـلـيـنـــــا القــريحــــه

لله كــم بـيـــتٍ كـتـبـنــــــاه يختـــــــــال
واقـــــول انا (ضيدان) وانتــي( مليحه)

نـخـيــل لــومـا فا لـسـمـا بــرق وخيال
وانكــــذب الا يــــام لــوهــي صـحيـحـه

تقـــول لاحطـيــت لك بشــت وعـقــــــال
وسخـــّرلـك الــــرحمـن عيشه مريحــه

اخـــــاف تـتـــركـني على عـثـرة الفــــال
للـفــقــــر ووجـــيــه الحــيــاه القـبـيحه

وحبـيـتـهـــا بيــن الخــــلايـق والازوال
حــبٍ يطــــول الـــوقــت محــــدٍ يزيحه

وسلمـتـها قـلـبٍ تبـــــاريه الاهـــــــــوال
وطــــاح الخفــوق وطيحة القلب طيحـه

راحــت وخلـتــني مـــع القـيــل والقـــال
شاعـــــر صــواريــف الـدهـر تستـبـيحه

ودار الزمــــــــان وغـيــر الحـال بالحـال
وجـــاهـــا الـزمـــان بكــل ورده وشيحـه

فـــلـّـه .. و خدامــه.. و لكزس .. وجــوال
وانا عجــزت ادفــع رســـوم الشـــريحه




وسلامتكم

أختار : نادر مشعل

و تظل الكلمة الأولى للإحساس ..و بدونه لن يكون للحياة معنى ..


*

*


يقول نادر مشعل


[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياسيّدي ماباالهوى عبد واسياد=لكن خضعت لحكم ذيك التواصيف
مسّكتني (خيط الامل) بس وش عاد=عشّمتني في شوفتك بس ياحيف
هذي سنه وانا احتري منك ميعاد=تبرق وترعد وآخرتها (مطر صيف)
امس اشتياقك داخل القلب وقّاد=واليوم خالط صدق الاشواق تسويف
مدري سبب فرقاك عاذل وحسّاد=والاّ الليالي والزمن والتصاريف
من رحت نومي والجفن صاروا اضداد=من عقب ماكانوا بقربك مواليف
طوّلت بالي لكن الصبر مافاد=ليت الزمان يصير مرّه على الكيف
ليا اختصر طيفك مسافات وابعاد=فكري يسجّ وكنّه يكلّم الطيف
وبه يحتفي قلبي مهلّي ونشّاد=وتقول عيني لاوصل: ( حي هاالضيف)
اعلنت حبّي لك على روس الاشهاد=وبيّنت صدق الحب من غير تحريف[/poem]


اختار عيوف

المشاركة الأصلية كتبت بواسطة محمد بن فطيس

السلام عليكم ورحمة الله وبركاته


اسعد الله اوقاتكم بكل خير

يسعدني التواصل معكم .. وارجوا المعذره عن الانقطاع
....

يقول

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
غاسل ٍ كفي من مصافحة بعض اليدين=وقافل ٍ بوجيه اهلها صناديق البريد
وشايف ٍ شي ٍ لي اعوام مالي فيه عين=وقاطع ٍ خيط الهقاوي بسكين الوكيد
وخالص ٍ من طيب ضن ٍ موهقني سنين=وظاهر لي عقب عرف العرب عقل ٍ جديد
وطايح ٍ من عيني ارجال عندي كان وين=وحاقر ٍ منهو يقيس الاوادم بالرصيد
ومحتمي ٍ من غدر الاصحاب في حصن ٍ حصين=ولابس ٍ لرماح الاقراب ثوب ٍ من حديد
وماضي ٍ مني على اللي تمشيني يمين=ما تجي منهو قريب ٍ والى احتجته بعيد
المواقف تشخل الناس والطيّب يبين=كل عام يطيح تسعه ويصفا لي وحيد
اشهد ان خير المدارس تجارب الاولين=واشهد ان راي التجارب هو الراي السديد
واشهد اني للبلاوي على الدنيا مدين=كل ما راجعت نفسي طلعت المستفيد
وانت ياللي عقبك الزين بين البيض شين=مستحيل يطوفك الشعر وانت اصل القصيد
القصيده في عيوني بدونك ما تزين=لازم ان اجيب طاريك يا ملح النشيد
انت ياللي من بطين الفؤاد الى الاذين=والله ان حبك مع الوقت ماينقص يزيد
في غيابك لك محبه ولك شوق وونين=وفي حضورك شف عيوني كلامي ما يفيد
اقهر الضيقه بذكراك من حين لحين=وانثر دموعي على الوصل من عيد ٍ لعيد
لك غلا ً سبحان ربي ملى الدنيا حنين=ولك وفا ً سبحان ربي مكن فالكون غيد
شف مكانك في مكان ٍ عن العالم دفين=في مكان ٍ من ورى مثل عيدان الجريد
مكرم ٍ حبك وله فالحشى سمن وسمين=يقدع من الحال واصب له بن الوريد
افتضحت من الهواجيس بك فالمسلمين=كل من سولف علي قلت له ياخيك عيد
الهوى سجن العشاشيق وانا لك سجين=وودي ان سجني مؤبد ولي حارس وقيد
عزتي لي من فراقك عسى ربي يعين=ادري انه في طريقي ولو وصلك مديد
صابر ٍ غصبا ورى الخشم لو جرحي مكين=ودي افعل لكن الله يفعل ما يريد


محمد بن حمد[/poem]

طيب نبي للشاعر / مبارك آل خليفه

بمناسبه التخرج

..

نتغنى بالأبيات .. و نطرب لها .. فهذه ترضينا .. وتلك ترضيكم ..

ونقرأ الجميع دون استثناء .. فالكل هنا سواء ..



*

*


يقول مبارك آل خليفة
[poem= font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

أقرشوا شيبانا يابو سعود=وما لنا غير التحلي بالصبر
كل ابونا منتهين من الوجود=وانت يابوسعود تدري وتخبر
لو خسايرنا على الزايد تزود=كلها من حكمة الخالق عبر
أمره اللي لا ومربه ما يعود=وكل كسرٍ له من المولى جبر
السلاح الصبر والرب معبود=والليالي مالها حجم و شبر
والمنيّه ما لنا عنها صدود=حاصله ,, لو كان نسبرها سبر
ما تبقي لا شجيع ولا شرود=وتاخذ العاصي وتقفي بالحبر
الوكاد ان كل شيٍ له حدود=والبنادم تالية عمره قبر[/poem]


اختار مطلق المطيري

هذه لـ .. مطلق المطيري .. !


,
/

[poem= font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]


انا على نيتي ، واللي على نيته"=" لو جمعوا له سواد قلوبهم بعثره

مانقصوا من طموحاته وشعبيته"=" ولاحركو من طرف راس الطموح شعره

والشعر ماهوب في وزنه وقافيته"=" الشعر في ندرة بيوته وزين بحره

ليا تجاوزت هفواته وسلبيته"=" انا اشهد ان القصيد يصير فيه ثمره

يرتاح من يستلذ الشعر في فيته"=" وينام في عين من قض الجفون سهره

والشعر كم له فقد نبضه وعافيته"=" كم له تشد الحمول الجايره فظهره

ولولا من يهمني وتهمني جيته"=" والله لسوي لشرياني عنه قسطره

اللي مهيمن على قلبي بعفويته"=" ايغيب وان غاب ماادري عنه وين ديره

ماينعرف مستوى اهماله وجديته"="آقول ماوالله اعذره واقوم اعذره

آخاف لاسلمه قلبي وحريته"=" اسلمه خافقي حتى يجيب خبره

عجزت لاحلل مع الوقت شخصيته"=" وسلمت بامرن محد من هالبشر ينكره

تدرون وش يفقد الرجال اهميته؟"=" لاسلم السلطه اللي في يدينه مره [/poem]





نبي لـ .. عـذى .. !

عذى تقول



[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
أغيب عنّك شهر واكثر وانا امشي في رجا الشوق=أبقا على الحب لو كانت مسافتنا طويله
ابحفظ الشوق في قلبي وزولك داخل الموق=مانيب انا اللي ليا غاب الحبيب القا بديله
انساك وشلون قلي وانت سهمك بالغلا فوق=مايوم وقف سهم حبك حشا والله وكيله
لد النظر في عيوني وانت تدري شوف برفوق=برق المحبه تخيله يوم غيرك مايخيله
الله واكبر على عهدي معك والعهد موثوق=أدور ارضاك ياغاية (عذى) بأيت وسيله
حفظت حبّك بصندوق الحشا عن كل مخلوق=وسهرت اداوي خفوقي كل يوم وكل ليله
ابطلبك لا تخلي القلب من فرقاك محروق=مريضة ٍ من جفا قلبك وفي حبك قتيله
وشلون بصبر على فرقا الغلا ياسيد الذوق؟=بجاه ربي تروف بحالتي جيتك دخيله [/poem]



نبي لعناد النفيعي

عناد النفيعي يقول

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يارب عفوك علي وعطفك الحاني = همي وغمي على رحماك زبنته
ماغيرك اللي عليه افيّض احزاني = ولاغيرك اللي عليه الضعف بينته
اخضع براسي لوجهك واشغل لساني = في عطر ذكرك وروع الصدر سكنته
خطاي وان مر عيني هز وجداني = وليا تذكرت غفرانك تهاونته
والبارحة ماتركني لين بكاني = وانا احسب اني مع الايام كفنته
لي صاحب ٍ في معاليقي تبلاني = بنيت معه العلاقه لين مونته
على شعوري واحاسيسي وشرياني = ونقشت حرفه على قلبي ودونته
مر وياليته على فاله تعداني = ماحط عرقي ضناه ومهجتي بنته
والا صدق في كلامه لو علشاني = من يوم باسماك حلفته وأمنته
حتى لو انه الحقيقه قبل يلقاني = على النقيضين جارحته وغابنته
هو يدري انه سكن في وتمثناني = وانا ادري اني اهين الروح ما اهنته
واني فتحت لحياته كل بيباني = واني حضنته وعزيته وثمنته
وارضيه من دم قلبي وازعل اخواني = حتى الرضا من عدم جبته وكونته
وليا بغى جابني كلي ووداني = سيطر علي وفرض حكمه وهيمنته
ضيعت معه اسم ابوي ووسم جداني = وحفظت اصوله و عايلته وعينته
لين الصدف سلمتني جرحي الثاني = وسيوفها فالضلوع العوج مكنته
واسرفت فالذنب بعد ابليس ما اغواني = وانا بنفسي على ماصار عاونته
جازيته بكل شي ٍ فيه جازاني = وهبلت عقله على كذبه وجننته
واخذت حقي بسيف الغدر وحصاني = اسرجت ظهره و حذيته وعننته
هو خاني ما استحي مني وخلاني = وانا مع اقرب قريبٍ يعرفه خنته
وليا نسيته عسى الرحمن ينساني = لكن مابيه يذكرني وبلعنته
الا ليا احتاجني في موقف انساني = عنته مثل اي شخص اواجهه عنته![/poem]

بغيت للشاعره ديمة الشوق

حين يساورني الشك بأنّا مختلفون .. أجدني هنا اقرأ ..
واتيقّن بأنّ قلوبنا واحدة .. وهمومنا واحدة .. ومشاعرنا واحدة ..


تقول ديمة الشوق


[poem= font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

يا نجومٍ في سما ليلي مطله = كل ليله ساهره معكم لحالي
ما جذبني للسهر نور الاهله = حدني له شي منه ضاق بالي
يالجدي ياسهيل رح يمه وقله = وعلمه باللي بعد مااقفى جرالي
قول له وسط الحشا ثابت محله= وقبل اعرفه كان قفر القلب خالي
علمه اسهر بعده الليل كله = واتصور صورته قدمي قبالي
يا كثر دمعٍ عليه الجفن هله = وياكبر همي سببه وعزتالي
صابني بعده من الدنيا ممله = ضاق في عيني الفضا ياراس مالي
وش جرا من يوم سيف البعد سله = الله اكبر كيف دورله بدالي
ما حصل مني خطاء والله لله = والخطاء من بيننا ماله مجالي
يانجوم الليل ودن له سجله = وعلمنه لو يغيب سنين غالي[/poem]

اختار مقبل النداح

يسلم عليكم محرك البحث ويقول
هاكم للمبدع مقبل


[poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
خبري بها يوم اكتب اول قصيده=عن نزوة الافكار والعنصريه

وادرس حظارات الديار البعيده=والعشق فى الاسلام والجاهليه

وفل تاريخ الهواء واستعيده=وابحث خفايا قيس والعامريه

وادوار هارون الرشيد الرشيده=وحدود الارض وقوة الجاذبيه

خبري بها فى صف سادس معيده=واليوم يانجم السعد جامعيه

كنت اتحداها وكانت عنيده=واقول حدك سادسه ياغبيه

وفى غيبتي مرت سنينٍ مديده=وحلت عقب ذيك القضيه قضيه

اليوم صدفه شفتها فى الجريده=تكتب مقالات وقصص عاطفيه[/poem]


هاذالساع نبي لحبيبي وفلذة كبدي

محمد بن شباب
" النابغة القحطاني "

وهذي للنابغه ياناصر

المشاركة الأصلية كتبت بواسطة محمد بن شباب

متواضعه ارجوا لها القبول :



للعلم سيرد اسم سجايا في القصيده وسجايا بنتي







[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الله اكبر كيف بدل وقتي الوصل بقطاعه = وانقطع حبلٍ يوصّل من عيوني للحنايا
عقب ما كنت اتنعم بالوصل ساعه .. بساعه =ذكريات الوصل راحت ما بقى منها بقايا
انتهى صبح المحبه نورها وقف شعاعه = يوم كان النور يشرق لين يصطع في المرايا
يا صباح الخير كنت انساقلك سوق اندفاعه = والمشاعر سابقتني قبل لا اقول الوصايا
يومك اللي كنت تجمعنا وصرنا بك جماعه = انتهى ليل الموده وابتدى صبح الصبايا
اصطبح في وجه غرون خالقه ربي براعه = كل شيٍ فيه يفرق ظاهره والا الخبايا
كل ما مر ونظرته ..قلبي مدري ويش زاعه = يتقشط جلدي اللي كن تلقصه الحيايا
لا لمح بعيونه النعاس يغرقني مياعه = ولا ضحك كنه يوردني على احياض المنايا
ولاحكى يغري كلامه يجذب الناس لسماعه = الثقافه والاصاله بين شايا وبين شايا
اتصينج يومه يسولف ومن باب اللكاعه = وان كلي حاضرٍ عنده ومنصت للحكايا
يالله انك لا تولعني وانا زايد ولاعه =يكفي اللي قد بهتني به ... وبيح به خفايا
اثر ربي قاردٍ حظي وانا راعي قلاعه = رحت وشديت الرحايل مادريت انه عمايا
قلت عن فرقاه بصبر للصبر عندي مناعه = اختبر نفسي بنفسي رحت وحثيت المطايا
ويوم غيّب عن عيوني صار في وضعي مراعه = والله ان كن من يتل القلب من بين الريايا
رحت وكني ناسياً والا مضيع لي وداعه = رحت وآنا شاغلٍ بالي وتلعبي الوشايا
اتشوق له وشوقي زايدٍ رتم ارتفاعه = اتشوق له وهو كله على بعضه مزايا
اتشوق للمسابا في سلامه ..في وداعه = واتشوق للزعل يومه يحسّب للخطايا
واتشوق للمجادل رغم عرفه واقتناعه = واتشوق للسوالف .. واتشوق للمعّايا
المحبه شوق والاشواق له سمعٍ وطاعه = سايقتني حتى لو اني وراء سبت العلايا
المحبه في حبيبي ما لها حد وقناعه = شاربه حتى الثماله غير ما بلل ضمايا
كل هذا مايهم القلب وصله وانقطاعه = المصيبه خايفٍ حبه ينسيني ....سجايا[/poem]

.

طيب نبي .. لـ راشد العتيبي ( كلاش )

يقول الرائع راشد العتيبي
في أولى قصائده هنا





[poem= font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لوت روس الورود وفاقت اسراب النحل عجله=خذت شهد الحياه !! الاّ يعل الشهد وابلها
بدت فوق الغيوم وظلت نجوم السماء وجله=بعد هزت سحاب احلامنا بأطراف اناملها
يموت الماء على قلب الفرات وتنتفض دجله=تزم اعذب قراح ليا نبض قلب الفرات الها
نثر ليله على صبحه وقلت:المووت يا خجله=صباح الليل يا ليل الصباح ولهفة الولها
رموشه تشتكي بعد المسافه في رضا نجله=واخوكم يشتكي نجله على قسوة فعايلها
ضحك لي وانتشت فيني بروق الشعر تنسج له=عساها تطلق الوجه وتبيض شعر قايلها
تحركت بحروفي والحروف البيض تنهج له=سنايد(....) ليا قال:فزعه قالت:ازهلها
ورحت اجوب تفكيري وتاريخ البشر لاجله=واثر كل المعاجم في حضور عنايته بلها
دخيلك لا تخليني اجيب هروج مرتجله=اخاف اجيبها والعن ثواها قبل اكملها
وانا ما الوم كلماتي وشعري لو يجيه اجله=ولا الوم المكان اللي جمعني مع هوايلها
الوم اللي لقى فيها ممات الحرف مدرج له=وراح (ابجد) يعزي قومه ويعلن تخاذلها
ترى ماهي حكاية عشق مجنون انثنت رجله= ولا هي حكاية بنيه عزاي اني اراسلها
تراها حكاية (البنت الحنون)اللي سرت عجله= وحطت بيني وبين العذاب-احلام اقبلها-[/poem]


*

*



الى هنا و نتوقف

نبحث عن مساحات أخرى

لننثر الجميل من الشعر .. ونرضي جميع الأذواق


كل الشكر لتعاونكم و حماسكم لجعل اوراقنا أجمل