فحوى الدعوى ..؟؟

المشاركة الأصلية كتبت بواسطة المسرّي

السلام عليكم ورحمة الله وبركاته

تجديد موده

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
صبرك علي شوي يا مظنوني=لين ابدع أبياتي وأجر لحوني
لا يزعجك لا ابطيت في جديدي=القاف قافي والظنوني ظنوني
حتى لو ان الشعر ما هو همي=لا لحنه ولا قافه الموزوني
لو انّ ماهو سلوةً للخاطر=وجميل ميقاف وخلاص ديوني
ما اتعبت له ساقي ودم فوادي=واسهرت له طول الليال عيوني
في واجبه مانيب قاصر دونه=وفي واجبي ماهو بقاصر دوني
اللازم الحازم نوماس ومذهب=بين الرجال ومكسبه مضموني
وأنا الذي لأجله قطعت الغيبه=على كثر مشاغلي وشطوني
يا ناصر الشعر ونصير أعوانه=تصرفاتك بيّحت مكنوني
قدام أبيّنها بأوضح حاجه=وش قال ابن جدلان لابن عوني
شهادةً تملى عيون العالم=ماهوب قايلها لأجل يوحوني
حقٍ لمثلك واجب إنّي أقوله=والناس كم صاحي وكم مجنوني
ما همني من يزعل ومن يرضى=من غط نورٍ ساطعٍ ملعوني
اسمع رعاك الله فحوى الدعوى=والا ترى باقي العلوم تْهوني
شاعر بلا جمهورٍ وشعبيه=ياكل لسانه لو بدون سنوني
لو كان من قوة قصيده يضرب=نزار قبّاني على البردوني
ومن قال حامض ياعنب عزي له=مايدري ان الحامض الليموني
الدبلوماسيه هنا مطلوبه=يعني عشان اشيلكم شيلوني
من حيث ما ابغاكم لزوم ألقاكم=ومن حيث ما تبغونّي تلقوني
والناس ما يخدم بخيلٍ فيهم =ولولا صحونٍ ما تفيض صحوني
واللعبه اللي فالخفا ملعوبه=ما هي على هامان يا فرعوني
وأنا لك الله ما يعلّ فؤادي=مما تشوفه فالحياه عيوني
ياكود راعي لكزسٍ مشهوره=يقدر يطوف الفورد والصالوني
تلقاه مع خط الرياض مهدّي=وراعي الونيت مصفّي الطبلوني
ماهوب من شيٍ يعوقه لكن=مزاجً بعشرين شكل ولوني
فلا يلوم المذنب الا نفسه=والدين لا يكثر على المديوني
ياناصر الشعر ونصير أعوانه=أُدخل على الله لا تجن جنوني[/poem]

تشفع للغياااااااااااااااااااااااااااااااااااااااااااااب


ونمارس هواية الاقتباس لحلاوتها كلها

وصح لسانك مليااااااااااااااااااااااااااااار


تعرف اعجابي ومودتي وتقديري


تسجيل حضور فقط لاغير

مع أجمل تحية

أخوك