{.. ذائــــقتـــي.. } ..!

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا صالح البحث خله واترك الماضـي=عوج الليالـي عسـى ربـك يعدلهـا

لا تتبع النفس ترث فيك الأمراضـي=وادع الحواسيـس عنـك لا تخيلهـا

واعمل لدنياك وآخرتك وكن راضـي=وارزاقنا عنـد رب العـرش كافلهـا

واسلك طريق ٍ سليم ٍ فيـه تعتاضـي=بعض المواقف تبيض وجـه فاعلهـا

واحذر تسارع على الهرجه وتغتاضي=ودعـوة تعـداك لا تشـرح بفايلهـا

عندك خبر بالعلوم اطوال واعراضي=ما تنقضي الحاجة اللي ما تقـوم لهـا

وافطن لوقت ٍ رمى راعيه بالحاظـي=دنيا لشروى الفهـد تنصـب حبايلهـا

الوقت هو الوقت والافراض الافراضي=هذي نجوم السمـا وهـذي منازلهـا

ما به تبدل ومد البحـر مـا فاضـي=تبـدل انـه الضمايـر مـن يـحللها

لو تنصف الناس ما نحتاج للقاضـي=تلقـى المحاكـم خفيفـات ٍ مشاكلهـا

ولو ما الغنايم تجي وهبات واحظاظي=كان اكثر اللي تشوفه مـا يحصلهـا

ومن راقب الخلق يكسب هم بالفاضي=كـل ٍ هدومـه علـى قـده يفصلهـا

والختم اصلي عدد ما بارق ٍ ناضـي=علـى نبـي ٍ بـدا السنـة وكملهـا[/poem]

لــ المرحوم سليمان الهويدي

لـ محمد بن علوش

[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يـا الاجودي.. والديـــار موثـقه.. والـ عرب...؟=تذري اللي من الـــــدنيــــــا .. تذرابــــــــها.





أطبـــــاعهم من قبل الاسلام.. شيـــــمه.. وأدب =مــكارمن جـا رسول الله ووصــــــــــابـــــــــها





الا..؟ لمن الخـــــبيث أشعل حتـــــــات الـحطب=بـــعلوم يقبلبها.. وأعلـــــــــوم قــــــــــفابهــا.






ثعلب.؟ يخطط.؟ وهو لاهاب.؟ هــــز الذنب...=خــــــصن.. لا شاف السبــــــــاع..؟ تكـــــشر أنيابهـا






فكـــر.؟ وقال.؟ الذكي يغلب.؟ ولا ينــــغلب..؟=ويقدر.؟ يـــــحوف الديار اللي تــــــمشااابهــــــــا.





وأنا ذكي.؟ والزمن....؟ فيه الفـــــرص.؟ من ذهب.=وأن ماتـــــغانمتها...؟ قـــــــفت على . مــابـهــا






زمن .؟ وفيــــه الذكي يكــــــــسب لمنه..؟ لعب.=والــــيا كسبها.؟ وصل للعين وأهدابـــــــــــــــــها






حتى .؟ لو انها عيونن مــــــاكساها هدب...؟=يقدر .؟ يـــــــــــــقول أنت حدر العين يحجــــابـهـا






أنزل .؟ مثل مـــــــارقيت..؟ سنين وأنت تهذب =شف وش..؟ تسوي القــــــلــــوب السود بحبابــــــــها






مع أن .؟ حنا...؟ نــــــعيش بعـــــصر.؟ فيه العجب.=عصرن علومه.؟ بعضها....؟؟........ صعب يحكـــــابـهــا






شراااايك..........؟؟؟؟ بخمسة أشنابن..؟ تسد الندب.؟=ساقتهم..؟ أنثن .. ما معها........؟ غير مـــــــشعابها..؟





هو.؟ يحسب أن الرجـــــــــال..؟ تصدقه لاكذب..؟=صـــــــحيح..؟ من يضحك بــ الافات.,,, يبلابها





من سمعبه..؟ قال يكذب ويخسي.؟.. ويعقب...؟=ذي جـــــــــــرته فالدروب..؟ اللي تــــــلوااابـهـا





خطط .. على نكبتن.؟ منها وفيها أنتكب...؟..=يبغا يضر السباع.. وراح بـــــــــــــسبــــــابهـــــا






مايعسف.؟ الا الذلول.؟ وقبل.؟ تــــعسف.؟ صعب..؟=واليا عسفها...؟ بــــــخيصن.. لانت أعصـــــــــــابهـــا






لو كل.؟ رامي يـــــــــصيب اللي يبي لاضرب..؟=مـــــــازل الاهداف.؟ يومــــه زان مــــــضرااابها..






ولو كل .؟ راعي شنــــــــــب.؟ يدرى حقوق.؟ الشنب.؟؟=شفــــت اللحا.. تـــــــــــفتخر.. لاطــــــــــالت.؟ أشـــــــنـــــــابـــهـــــا..







ولو كل.؟ من قال أنا الحلال.؟ حــــــــل النشب.؟=تــــــساوت الناس طــــــــالبها وطـــــــــــلابهــــــــا..






مهوب دايم.؟ شـــــجاع.. اللي لا ركـــــبو؟.؟ ركب.=كـــم عزوتن مــــــــــاتجمل.؟ من تــــــــعــــــزواابهــــــــــــــــــا..






ذل.؟ أو نجتبه ذلوله يــــــــــاعساها الجرب..؟=بعض الاصايل......؟؟؟؟ حــــــــــسوفه تحت ركــــــــــابـــــــــــهـــــــــــــــــا..







ولو كل ضامي لورد أيــــــــــات مشرب...؟ شرب.؟.=كان المـــــــــشارب.؟ تساوت عند شــــــــــــرابــــــــــــــــــهـــــــــــــا. .







والبل؟,..؟..؟. لو أنها.؟ لا شعيت مالحقـها.؟ طلب.؟=كان العرب.............؟ من لقاله ذود....؟؟......؟؟ قفــــــــــــــــــــــــــابـــــــــــهــــــــ ـــــا..








كم .. سربتن فاللقا..؟ يثنون أهلها الركـــــــــب..=ومن المكــــــــــــاسيب؟... لحق الطق.؟؟؟ فـــــــــــــرقـــــــابـــــــــــــــــهـــــــ ــــــــا؟ ؟






لو كل من جا يدور للمكــــــــــاسب.؟ كسب.؟..=شفت الــــــــــــــقلايع..؟؟ تحت منلالالالالا تسمــــــــــــــــوابــــــــــــــــــــهـــــــ ـــــــا..







البل لو أن مالها..؟ من صلـــــــــب أهلها..؟ جنب.؟؟=يمدي.؟ هل الهنـــــــــــد في مدراااس.؟ ترعـــــــــــــــــــــــــــابــــــــــــــــــ ـهــــــــ ا..






هاذا.؟ ولا كل من غنــــــــى.؟ يغني طرب..؟=كم واحدن عـــــــــــــــــــبرته تقرع ولا أفضـــــــــــــــــــــــــــــــابــــــــــــــ ــــهـــــ ا..







حتى ولو مـــــــن حمـــــــــول الوقت لحقه.. تعب..=كنــــــــه.؟ يقول.؟ الحمــــــــــــول.؟ تشلها.؟؟ ركـــــــــــــــابـــــــــــــــــــــــــــــــ ــــــــــ ها







له خاطرن... كل مــــــــــــــاضاقت فجوجه.؟ قنـب..=يــــــــــرقابها غصب والا طيب.؟؟؟؟ يــــــــــــــــــــــرقـــــــــــــــــــابــــ ــــــــهـ ـا








ماينثني.؟؟ لـــــــــين يوووووصل.؟ طيب والا غصب.؟=الا .....؟ أن سود اللـــــــــــيالي تطوي كـــــــــــــــــــــــتـــــــــــــــــــابــــ ــــــــــ ــــها..








عزمه قوي.؟ والـ بن أأدم لاصبر وأحتسب..؟=يمكن............؟ يحقق.. الامــــــــــــور اللي تـــــــهــــــــــقــــــــــــــــــوابـــــــــ ــــــهـــ ـــــا







الادمي.؟ لاعرف يقرا الكـــــــتابه.؟ كتب..؟=واليا جهل.......................؟ يكسب الخــــــــبره من أصحــــــــــــــــــــــــــــــــــــابـــــــــ ـــــــهــ ـــا..








الرجــــــل.؟ مبدى.؟ ولامنه تهاون....... خــــــــرب.؟=وأن خرب.؟ ضحااااا بمـــــــــــورن مـــــــــــــــــــــــــايضحــــــــــــــــــاب ــــــــــ ــــها...







لو ما.. العوارف... يجـــــــــــــــــيدون أمتلاك الغضب.=مــــــــــــــاجوك بريااا.. يموت الخبل................؟ مــــــــــــــــــــاجـــــــــــابـــــها..









أرياا عقولن وهبها الله بعض مــــــــــــــــاوهب..=بــــــــــــحلول.؟ بين العباد..............؟ تخلص أنشاابهـــــــــــــــــــــــــــــــــــــــــــ ا.؟.؟







وهايب تحل بمر الله...؟ عسير الكرب...=وبمر الله................... النــــــــــــــاس.؟ تقبلها.. وتــــــــــــــــرضــــــــــــــــــــابها..








لله حكمه لحط الـــ كل شين سبب..=عطا وأخذ.. وأخذ وأعطا.. وأكمل أنصابها...









لو كل من شافله زله وغره....؟ شذب...؟=كــــــــــــــــــــــــان العرب ماسترها لبســـــــــــــــــــها ثـــــــــــــــيابهــــــــا..







ولو كل رجــــــــــــــلن لامنه أخطا كفو للعتب..=هــــــــــــــــــــان العتب من رجالن يصعب عتــــــــــــــــــــــــــــــــــابــــــــــــ ـــــها..







ولو ما بعيد النضر ياخذ عبر ويحسب..؟؟.=ماعاد تلقى رجالن..؟ يحسب حـــــــــــــــــــــسابهـــــــــــــــــأ؟.؟..









ولو أن شيخ الحرم.؟ دينه ردي.؟ مــــــاخطب.؟؟=ولا تيمم بخلق الله وصلابها...[/poem]

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أبا الله ما يبقى من الخلـق واحـد=وكل نعيم مـا سـوى الخلـد نافـد

لكل امرىء فيهـا مقـام وينقضـى=وكل عمـل مـا هـوب لله فاسـد

فلا تبتغى من غير مـولاك مطلـب=فلا عنك يوم يمنع الـرزق حاسـد

ولياك تلجى في حجى جال مبغض=ولا تتصل بحبـال مـن لا يساعـد

ولا تأمـن الدنيـا وإيـاك مكرهـا=فكم ضيعت بالغدر من رأى واحـد

إلى امنت أهلها مع الأمـن جتهـم=بغارات بيـن مالهـا مـن يطـارد

ولا منهم اللى من هواه قضى وطر=وعوايدهـا تنهـى عليهـم فقـايـد

بكثـر التمنـى والتولـى والدعـا=وكثر التمنـى واكتسـاب الفوايـد

إلى حيث حطتهم بالاجـداث كلهـم=جثوا تحت الاجداث صرعى خوامد

إلى اغتالنا حمـال الاوراح للبلـى=وجدنا لنا عن مـا اكتسبنـاه ناشـد

سيقوا هل التقوى مـن الله برحمـة=لهـم سيـد الكونيـن هـاد وقايـد

إلـى جنـة عليـا رفيـع مقامهـا=لذيذ ومن تحـت الأرايـك مسانـد

وحور حسان كن صافى اخدودهـا=قطع صافى بلور به التبـر جامـد

وسيقوا هل الشرك والظلم والبـدع=بكرب إلى حامى وطيـس الوقايـد

بهذا ترونى يا أولى العقـل والنهـا=ورحايا لكم شيلت عليهـا المـزاود

فيا ويلنا من حشرنـا يـوم نشرنـا=آه لنا مـن مـا نبـى لـه انكايـد

يسوقوننـا سـوق ولا يرحمونـنـا=لفصل القضا جوا واحد بعد واحـد

وانت يارب قلـت ألسـت بربكـم=بلـى شهدنـا أنــك الله واحــد

رحمن في الاراضين والبحر والسما=وبالغيث غثنا عند كـرب الشدايـد

ثلاث ليـال يلتبـس فيهـم السمـا=زاغيـث سمّـاح وللـرب حامـد

دقن كما وصـف الريـالات كلمـا=تعلاه نسـج الريـح ظـلا ابزايـد [/poem]

لـ محسن الهزاني

فالح بن قشعم

[poem=font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عليك الصوت وازهل كل بيتٍ يلجم النقّاد = وجرّ الصوت وابيوت القصيده لاتخليها

تراني يارفيقك من ضحى ماني على المعتاد = ماغير اعابل الوجعه واضمدها واداويها

اقول اني ابخير ولا رجعنا للكلام الجاد = ماني في خير والخيره ماندري ويش تاليها

يالولا انيّ مااقاوم هرجة الشمّات والحسّاد = تعشتني مخاليب الذياب وطحت فيديها

لكنيّ ذيب واحسب للرجال احساب قبل انقاد = لكلمه ماتثمّن وايهوي فالنار راعيها

على الله والله الله ذب صوتك واطرب المحشاد = ترى بعض الطروق الحونها تشعف املاحيها

وانا مشعوف خلقه والشعاف الليّ بصدري زاد = يدوب انّه يولّع فالضلوع ولا يطفيها

يموت الحلم واتموت الاماني والحصون اتباد = ولابادت مداين حاضر الضيقه وماضيها

اراجع ماتبقى من زمانٍ فات ماينعاد = واصادم لوعة الايام قاصيها ودانيها


واحاسب واتسيجج واحسبني نلت كل امراد = وانا مانلت غير الوجعه اللّي خيرها فيها


سقيم أي والله ان قلبي سقيم وحيلتي فأجهاد = ونفسي من زعلها ماتراعي من يحاكيها

ورى صدري مراكض خيل واستنفزاع واستنجاد = وضرب اسيوف وأقوامٍ تشوّشها عزاويها

تبيع الروح من دون العروض وخيرة الاذواد = تموت ولا تخدش العايبه هامة مباديها

وفي قلبي مراكب حزن تدفع شرعها الانواد = بحرها الذكريات وواقع الصحوه موانيها

وفي راسي طلاقة عزم وأعيون الرجال أحداد = وأنافه من سطرها ماتخضع الاّ لواليها

وشموخ وعزةٍ تاريخها منسوب من الأجداد = طبيعه والاصول الطيبّه تجذب مجانيها

ماهو صحيح بأن النار ماترّث سوى الرماد = شبوب السمر يرّث جمر والعهده لراويها

ياكثر الليّ بقوله .. بس ياصبري لعزمك ناد = انا ماعاد لي خاطر على النفس وخوافيها

يحركني شعوري كل ماهب الهوى وازداد = على لحظة لقاء لازالت اعيوني تراعيها

ليا من جيت له ماعاد للهجري ولا الميلاد = تواريخٍ ولا شهورٍ نسميها بأساميها

اسج بعالمه واقول .. ياحسن البهاء وش عاد ؟ = مابه زينٍ يحالي قبلةٍ ربي محليها

ليا منّه دعاه الشوق .. حرّك نشوة الميعاد = واجيه اسابق الساعه وتسبقني ثوانيها

على شوفه براكين الغلا وأشعورها وقّاد = سناها يجذب الليّ ليلته ماعاد يسريها

عديت وذاب قلبي في هواه وجيت له ورّاد = وزهدت بفارعات الطول والشهره وداعيها

فطمني من ذوات الحسن نفحات الشذى والكاد = ولا عاد التفت في رق شاميها وعاميها

عليه انقاد قود البدو للبراق والرعاد = ولا اطاوع ولا اسمع فيه مرخصها ومغليها

عسى من لامني به يبتليه الله بصرصر عاد = الى بئس المصير ومن عواليها لواطيها

عليه اعروق قلبيّ مرجهنّه والغلا عدّاد = مايفنى لين تفنى شيمتي عن بكرة أبيها[/poem]

بدر الخالدي

[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
البارحه والجوع مس الذيـب يـوم انـه يعـوي =اخايلـه واقـول واعـزي لحـالـك يالـقـوي

واللي باساميـك يتقلدهـا الخـوي مـع الخـوي =واسمك على النخوه يعد وكل روس(ن) تشتـوي

الجوع لو يدفعـك للمـوت الذحـاح المستـوي =ودامك طليق(ن) ما قهرك المعتـدي والمهتـوي

يا ذيب يا ذيب الخلا اللي ليلك يـروح سـروي =يا موجل(ن) قلب حضري يا موجل(ن) قلب بدوي

عامل خوي الذيب في عصر الفـوات المنطـوي =نحر ذلول(ن) مـن وصايفهـا شحمهـا مرتـوي

يـا ذيـب يكوينـي قنيبـك لا توحّيتـه كــوي =مدري غبى مدري ذكى مدري تسـرع فوضـوي

ياذيب عزك في زمان السيف مـن قبـل يهـوي =وقبل يغيب المنطـق الحسـي ويبقـى المعنـوي

وقبـل النوايـا المستقيمـه ماتـعـاج وتلـتـوي =يا ذيب مدري كيف ابوصف حالتـك يالمنـزوي

لا جيث ابرثي حالتـك ضـاع الكـلام اللغـوي =والهاجس اللي كـل مـا فليـت حويـه ينحـوي

واخـاف لا تكمـل وينحـاك النزيـف الدمـوي =ياذيب واقنب خـل صوتـك يـدوي العالـم دوي [/poem]

[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حـان الفــراق .. وتم توديع غالين=قسـوة زمن وظروف ماهي رحومه


وحـاولت ابدّل موقف العسـر باللين=وأبين قدامه جسور ظلومه


وأعاتبه وأنقد على دمعة العين=وانا - حشا لله - ماني ألــومه


وأقول هذا حال كل المحبين=وهذا الفراق الي تجينا علومه


ومسكت نفسي كن ماصاير شين=أخشى على خلي يشقق هدومه


ثم قلت وش تنطر حبيبي لهالحين؟=!! أثر ايديني ماسكات كمـــومه[/poem]

عابرة سبيل رحمة الله عليــها

مساعد بن جبران

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
يا من تشاورنـي وبيّنـت خافيـك=ان قلتلك كلمة صحيـح احتملهـا
لاطالني مـرك ولاذقـت حاليـك=خوّة صدف وقتك جديـراً بأجلهـا
ومن واجب الخوه ابـرك واداريـك=واضغط على نفسي واخفي زعلهـا
ولابد ما تقفـي وغيـري يخاويـك=ويبين لـك نجاحهـا مـن فشلهـا
من خبرتي تـوّك تجـرب مساعيـك=وجديدها ما يخبـرك عـن سملهـا
اصبـر ودورات الليالـي توريـك=وتاخـذ عبـر بحداثهـا وتعقلهـا
لكن انا بعطيـك نبـذه ووصيـك=والباقيـات الله بغيـبـه كفلـهـا
من واقعـك لاتبنـي الا مباديـك=اللـي يجنبـك النفـوس وجهلهـا
ومن الخيال ابـن المدايـن بياديـك=وبعـد البنـا هـد المدايـن بهلهـا
وارفع مقامك لايجي فيك تشكيـك=ثقتـك فـي نفسـك يقلـل زللها
واحذر تجامل واحـدٍ مـا يدانيـك=لوحاجتك دونـه ضعيـفٍ أملهـا
ترى الدسائس بالعمل مـا تعليـك=اختر جـزال سمانهـا عـن هزلهـا
عملك بعيـون الرجاجيـل يحييـك=وان كلفوك بكلمـة الحـق قلهـا
ولاتلتفت للي مضى مـن لياليـك=ما فات مات وقولتـك لـو زلهـا
اللي يفوتك فات غيـرك وقافيـك=امـور وان فاتـتـك دوّر بدلـهـا
وخل الطمع دايم عـدوّك وتنبيـك=دنياك عـن نـاسٍ طمعهـا خذلهـا
رزقك مسجل وانت في الرحم ويجيك=وارزاق غيرك ماتجـي غيـر اهلهـا
كل الامـور مثبتـه عنـد واليـك=وروس القمم ما خلدت من وصلهـا
دنياك لوتضحك بوجهـك تبكيـك=والنفس ماتدري متى وقـت اجلهـا
انصحك لاتركض وراهـا وتغريـك=هـذا رحـل عنهـا وهـذا نزلهـا
اللي يمشي ركـب غيـرك يمشيـك=والباقيـات الصالحـات وعملـهـا[/poem]

[poem=font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هب نسناس البراد وفاح في صدري غرام=وانطلق ودّي يدوِّر في المتاهات ويحوم

وسقت لك خطوة غلا تتبع لها خطوة هيام=وجبت لك قلبٍ عليه من احتياجه لك وسوم

وشلت لك شوقٍ يداعب طيفك بـ كل اهتمام=و رد لي شوقي يجر اذيال خيبته مهزوم..!

واشتعل فيني فتيل الشك واسرف بي و حام=ايه احبك .. بس مدري وش اقول ومن الوم؟

ول ياكثر الجروح اللي تجي مثل السهام=وآآه ياكثر العلوم اللي تجي فيها علوم

لو تساورني شكوكي ما على مثلي ملام=المواري واضحة والنفس ياخلي تشوم!

يوم صوّر لي ابليس انك على عكس النظام=انعميت احسب شكوكي شي واضح ومحسوم!

يمكن اسلوبي خطا ، صغت العتب وسط اتهام=بس وشلون تتمادى وانت ابخص بـ السلوم؟

صح انا يوم انفعلت اخطيت في بعض الكلام=كنت اظنك في هوى غيري تخيّر او تسوم..

كان واجب تحتويني في هدوء وفـ انسجام=وانت قمت تشيل غيضك كني اشد الخصوم

صار مبداك التجني شلت لي سيف الخصام=سَـلّه بـ وجهي خفوقٍ كنت اظن انه رحوم


طعنتك لي شي عادي! كنها برد وسلام=اثرك اللي ناطر الزلة لجل تبدي الهجوم !

ماتخاف الله ولاتراعي حلال ولا حرام=هذا وانته اجودي تنعد من ضمن القروم

انكسرت وقسوتك خّلت احاسيسي حطام=كلها عندي بـ كوم وصدتك عني بـ كوم

كلٍ يعلّم هوى باله تفاصيل الغرام=الا انا علمتني وشلون تجريع الهموم

الخطا وارد وانا اخطيت مثلك بـ التمام=ودّي اسعى بـ الرضا لو هو على حب الخشوم

وانت لازم تعتذر والعذر ما يرخص مقام=واحضن كفوفي وانا باقبّل كفوفك واقووم

غيرة ، وحب ، وزعل ، واخلاص.. ود واحترام=ذا خليط الحب .. واحساسي يجي عند اللزوم !!

يعني لو ازعل .. ابي منّـك معاملة الكرام=كان تبغى حبّنا يبقى على طول ويدوم
"
"
"
أي نسناس وبراد..؟ وأي شوقٍ واهتمام=ليت ما ضاقت علي .. ولا لفح وجهي سموم[/poem]


بندري المرقاب ( البندري )

ناصر الهاجري

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قالت : أمانـه بـنشدك ؟ ومن موقـفـي لا ، لاتخاف = اتـحـبّـني ؟ قلت : اسمحيلي ! احسب ان به سـالـفـــه !؟



الحمد للّـه والشـّـكر !! قولي : عسى مابـه اخـلاف !؟ = والاّ المحبّـة ، يا بري حالي ! عروقـي تـالـفـــه !؟



قالت : أجل عطني الدّليل ؟! وقلت : هذا الاعـتراف = ( سـيييد الأدلّـه الاعـتراف ) روحي لروحك والـفـــه !؟



تبسّـمت ، ثم دنـّـقت ، لبّـيـه يا البيض النـّـظـاف = وليلـِـ(ن) ركـونه لا مشـى فـوق المتـون تخـالـفـــه !؟



يا ام العيون السّـود ، يا رمز الطـّهارة والعـفاف = يا اللّي ، عن اللّي غير ناصـر ، مقلتينك حـالـفـــه !؟



يا حلمي اللِّي ؟ صعب تفسيره ، مثل ( سَـبـْـعِـ(ن) عِـجاف ) ؟؟ = يا جـعـل يفـدونِك مـِتـَـبـِّـعْـة العلوم الذّالـفـــه !؟



من جـدّك ؟ انتي ؟ اعشقـك ؟ إلاَّ بـِـي اسْـرفـتـي اسـراف = وحدب الظـّـلوع العوج ، من عشقـك غدت متخـالـفـــه ![/poem]

مرزوق العتيبي

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا مرحبا حييت والخطوه عزيزه يالرفيق = يا مرحبا في مرحبا في مرحبابك لايقه
إيوالله تْليق لْجناب اللي لجانبها يليق = رفيق لكن من سنه عني زمانه عايقه
يا مرحبا والفال دلّه وابتهاج وحلو ريق = وعْقالك الكبش السمين وعافيه يا ذايقه
كيف انت - لا هنت .. وعسى ما باس يالوجه الطليق = ولا تِعبت وساعةٍ جابتك ياهي شايقه
في وجهك ألمح للتعب جرّه واقول من الطريق =لكني ألمح كسرة الخاطر ونفسك ضايقه
عينك يا عين الحر الاشقر ليه ما فيها بريق ؟ = مغرورقه بالدمع ليه - وليه ماهي فايقه !
علمني ويش السالفه تراي قرّبت أستضيق = ماني شمالي والصبر في ذي ماني طايقه
يا فلان .. لا تربكني اكثر قول والله ما أطيق = قول اي شئ ارجوك حِلْ الحيره المتهايقه
ثم قال .. والصوت امتلى عبره وزفرات وشهيق = الحزن يا مرزوق يكتبني وانا وثايقه
والله لو الشعر يكتب منك يالحزن العميق = اني لأصير اشهر من ابن عون وابن مايقه
والشاي لو شرّابته تعرف معاناة البريق = يمكن تعاف الشاي والكاسه وتكره سايقه
وانا مقيد بالقهر والضيم لو كنت الطليق = والقلب همّه يسكنه والهم الآخر وايقه
تعرف طْويق .. الضلع ذاك اللي يسمونه طْويق = كنّه على متني رسى وأرسى حصى وهايقه
فكّرت احوق الماء وأطفي فالحشا مثل الحريق = عجزت والماء صعب تحويه الكفوف الحايقه
قلّت يديني والقليل إبْ هالزمن ماله صديق = وانا الكثير بعزتي والطيب راسي تايقه
عرفت ليه الحزن يكتبني وفي صدري يويق = عرفت ليه الشاي ما اشرب كاسته من سايقه ؟
قلت إيه واسمع صامل القول المعرّب والوثيق = الفقر ما عاب النبي والهدي في طرايقه
وانا شقيقك فالرخا وان مالت الدنيا شقيق = والشرع ما يقطع يمين ألاّ اليمين البايقه
وانت استعن بالله على الدنيا وعثرات الطريق = والله قدير ويفرج كْروب النفوس الضايقه[/poem]

مشعان البراق

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
ماجاني منك ياربي رضيته = وقانع في عطاك اللي عطيته
احمدك وأشكرك والشكر واجب = ولاغيرك ليا ضاقت دعيته
ياربي وانت تعلم بالسراير = وعن علم ٍ عن العالم كنيته
تذكرت السنين اللي مضت لي = وبيت ٍ .. كل ماحنّيت جيته
تركه اللي تركني ما انتظرني = وانا ياما على الدرب احتريته
لكن الياس من دونه ودوني = الين الهم بعته واشتريته
لو انه عني ابعد من دياره = يحسب اني نسيته / مانسيته
يبي يبقى غلاه اللي يخبره = وغلا الغالين من حيّه وميته
وغلا ارض ٍ قد وطت رجله عليها = لو انه بعد قفّى ما رجيته
مقامه من وراء نجوم الثريّا = ومن بين الضلوع العوج .. بيته
ملّك فيّ المشاعر كلبوها = وقلبي عن هوى غيره نهيته
على رجم الهوى كلّفت نفسي = وعنّيت القدم .. حتى اعتليته
احسبه راحةٍ لي .. وأحسب اني = ابستانس ليا مني بديته
والا ياليتني ريّحت روحي = وقصرت خطاي عنّه ما رقيته
وطاني ماوطى مجنون ليلى = وديني من زماني ما اقتضيته
ياليته قبل لاتقفي ركابه = تذكر وش من ايامي عطيته !
ياليته حسّ فيّ .. وشاف حالي = وهو يدري فراقه ماقويته
ياليته قال لي مع السلامه = ياليته ثم ياليته ثم ياليته
ابسمح واترك دروب المحبه = وابهدم كل شي ٍ قد بنيته
ولكن جعل فاللي راح خيره = هذا المقسوم من سعي ٍ سعيته
هذا المقسوم والمقسوم حاصل = ومكتوبي على وجهي قريته
لو انه تحت الارض اظني اسلا = واسلي خاطري لامن رثيته
لكنه حي .. وعلومه تجيني = وطيفه وين ما أوجّه .. لقيته
يادنيا : انتي من انتي له يادنيا !! = حصلّي منك شي ٍ ماهقيته
سمحت من الهوى خيره وشره = يكفيني منْه شي ٍ خذيته
معوّض خير يالقلب المعنّا = هذا قسمك لو انك ما اشتهيته
حلمت وضاعت الاحلام منّي = وهذا اللي من احلامي جنيته
ياكم وقّفت لسهوم المنايا = وكم من راس داب ٍ قد وطيته
وكم ناديت بأسمه ماسمعني = وكم ليل ٍ علشانه سريته
عن العالم .. مكانه في عيوني = وقوس الحب لعيونه بريته
على وضح النقا / والحب الاول = لو امحي ذكرياتي .. ما محيته[/poem]

لـ محمد مشوط

[poem=font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
رغم اختلافي معك في بعض الأشياء= إلا وقدرك ثابتٍ في مرابعك
ماهزّة الكاين ، ولا بات مستاء= عرشه جميل ، وجمّل الله موقعك
ما يطفي أنفاسي مقابيس الأضواء= ولا يلجم اللساني معاني جوامعك
اراء تبعد نجع ، واراء لآراء= ورأيي صويب الرأي ، والحق يمنعك
لا قلت مال أمواتنا ضمن الأحياء= ثارت جنون المجتمع في مسامعك
تأخذك بالعزّة مقاليد الأخطاء= وتأوّل المعنى على كيف مرجعك
نعي الحقايق غير تهميش الأهواء= من سالف الدنيا ليا حـدّ واقعك
أما اعتليت بسيرتك فوق الأنواء= وكلٍ ذكر له من حساني طبايعك
وإلا على خدك يجوبون الأنحاء= وتبقى معالم صورتك في مدامعك
الحق ما عكــّر مباهيش الأجواء= ديدنه يعلي من مقامك ويرفعك
والكذب ماله حس ، وإن جاء له أصداء= ودّه بنفعك ، مير ما هوب نافعك
لاجاء نهار الدين ، والعلم مرتاء= والناس ترجوا ، والبلى ما حدٍ معك
أيمنك صعب الوصف وأيسرك ضوضاء= وكتابك الخافي ؛ ألا .. وين يودعك
عش موقف الرهبة لو أنصاف الأجزاء= اتزيل ما أخطاه الفكر من دوافعك
وإن قلت لي : ما لي على كبح الإغراء= أقول : مابه شك ؛ يرضي تواضعك
أرخيت له عنقك ، وقادك للاغواء= ثقل علاك الحمل ، وأخلف تراجعك
مير اسأل المولى من الهم والداء= مابه سواه اللي يخفف مواجعك[/poem]

عبد الكريم الجباري

[poem=font="Simplified Arabic,5,gray,normal,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
صار الوطن غربه وصار السفر دار=لويـــــن مدري لكـــــــن لا أي ديره


من عاش وقته مايحسب للأشــــوار=يضيع مايدري توالـــــــــي مصيره



للنفـــس حــــد ولـــو تعـــــدته تنهار=ماعاد تفــــرق بين خيـــــرن وخيره


بعض العرب في جوفها علوم وأسرار=والله هـــــو اللــي عالم(ن) بالسريره


كم واحد(ن)يشرب قراطيع ألامرار=ولا كـــن صابه مثـــل حب الشعيره


وكم واحد(ن)لو صابه أدنات ماصار=خلــــى الصغيره فــــي عيونه كبيره


اذا معك دينـــار قــــــــــدرك بدينار=مع أحترامــــي للــــــوجيه السفيره


كب الدلال وصـــك بابك عن الجار=وغير مسمــــاتك وخـــــل العشيره


تلقى مـــع العالــــم معـــزه وتعبار=الطيب تال الوقت أصبــــــح معيره


ماعاد بها الوقت حشيمــــه وتعبار=لو انك أنت شيخ فخــــــذك وأميره


المال يغسل من مـــــــلا وجهه العار=والفقر ذل أهل السيــــــوف الشطيره


يحقر اللي ماعلـــــى ساســـــه غبار=ويعـــز من شان النفــــــوس الفقيره


الفقر قصر مــــــن طويلين الأعمار=والمال طول فالأعمـــــار القصيره


هذا الصحيـــح ولو تجيبون الأعــذار=عذر أنسحــــاب القوم عقب الكسيره


الميت له دعوهـ وللكســــــــــر جبار=والهــــــرج ماسر الجروح الخطيره


اللي مشى في عـــــــزة النفس مابار=واللي يذل النفس بايــــــــــع ضميره


قدامنـــا جنـــــه وقــدامنـــــــــــا نار=واللي بغينــــاه الهــــــدى والستــيره[/poem]

سعد الحريص

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
لا حرام أكرهك وانت الحلال الحرام= ليه احملك ذنب الحب وذنوبي
ليه أجي كارهٍ نصفي وصوتي هدام = احفر عيوب غيري وادفن عيوبي
ليه أناديك حلم العمر تحت الظلام= وانت وجهٍ تلاشى فيه عذروبي
عيبك إنك تشب النار برد وسلام = ما تقول احرقي يا نار محبوبي
ما حيا الصدق فيك إلا بموت الكلام = ولا رضيت الشروق إلا على غروبي
قبل اعرف السهر من قبل اعرف المنام= كنت أحبك وأحب الليل ودروبي
جيت أبكرهك طاح القلب عشب وحمام = والتوى طفل يبكي في طرف ثوبي [/poem]

نايف صقر










[poem=font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الموت حظ القلم والمجد للدفتر=حبر القلم غلطتي وايامي اوراقي



الخوف يجتاحني وجه الطريق أسمر=راح اكثر العمر ياخوفي على الباقي



ياجرح رافقتني للناس لاتظهر=وان عشت في نظرتي مامت باعماقي



ياصوت لاتلتحف صمتي ولاتصبر=قل ماتبي واترك الهقوه على الهاقي



والخطوه اللي عن آخر سكتي تقصر=ماهيب من طبع رجليني ولاساقي



مانيب من عاش لايربح ولا يخسر=ولاهو ضرري تكون أفعالي أخلاقي



ثراي ماينشد الغيمه متى تمطر=مادامها في سماي تحن لاغراقي



رح وين ماتشتهي رح قد ماتقدر=أنا اول الناس في قلبك وانا الباقي



يكفيني انك تعذبني وانا اتفجر=قصايدٍ تنتظرها كل عشاقي



وانا قصيدي يجي مختارني مهجر=وأنبت عشانه نخل وسنيني الساقي [/poem]

سعد بن جدلان الأكلبي

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
الجهاله في ابن آدم توليه الدبور =لوطريقه غادي يحسب انه متجه

عنده ان مامثل شوره مع الاشوارشور =مادرى انه له مزاج وللناس امزجه

يمكن ان تلقى مزاج يبادلك الشعور=لو على فلم الشطاره وفلم الدبلجه

واخر المشوار لا حصلت مافي الصدور =كل زور فيه شوراليا فاق اهرجه

القمر والشمس كنها تسلف منه نور =والجبال اتصير تحته خيول مسرجه

يحسب ان معه افضليه توليه العبور=ان لقاءالملح ازعقه ون لقاءالحلواسمجه

السماء عجزت تنوشه جناحين الطيور =ماوصله الامحمد ابليلة معرجه

يا ابن آدم يلعن الله مختال فخور =من تواضع تحت ربه يعليه ادرجه

لجل ماتدخل جهنم على شان الغرور=للعرب حاول تواضع وتعطيهم وجه

من لقا عذب المشارب ومثمرة الزهور=ما قعديغرف من البحرويسوق احدجه[/poem]

مشعل بن دهيم

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يالله تعـديـهـا عــلــى خــيــر وتـصـيــب.. = ... مـــن حـدنــى اكـتــب خـمـالــه وعـيـبــه

يبـغـي الصـراحـه مابـهـا شــك او ريــب... = .. اقـولـهــا والــنــاس كـــــل ٍ وطـيــبــه

الــحــر مــــا يـنـفــع بـلــيــا مـخـالـيــب... = .. والـعــقــل لـلــرجــال زيــنـــه وهـيــبــه

والسـالـفـه مــاهــى بـلـحـيـه مـواجـيــب... = .. كـــل ٍعـلــى طـبـعـه يـجـيـبـه حـلـيـبـه

بـعــض المـنـابـت للـمـراجـل عــذاريــب... = .. وبـعــض المـنـابـت للـمـراجـل خصـيـبـه

رجــل ٍ يـبـي طـاريـه عـنـد الاشانـيـب.. = ... ورجــل ٍ يـبـي طـاريـه عـنـد الحبـيـبـه

ورجــل ٍ يــودي بالسـوالـيـف ويـجـيـب .. = ... ورجـــل ٍ سـوالـيـفـه لـفـعـلـه تـجـيـبـه

ورجل ٍ يغض الطرف عن جارت صحيب... = .. ورجـل ٍ عيونـه فــي مـحـارم صحيـبـه

ورجــل ٍ تـسـد بغيبـتـه يـومــه يـغـيـب.. = ... ورجــــل ٍ ولا تــقــدر تــســد مـغـيـبـه

ورجـل ٍ يغيـب ويفقدونـه هــل الطـيـب... = .. ورجـل ٍ اليـا مـن غـاب محـدن دريـبـه

ورجـل ٍ تشـوف بخوتـه لــك مكاسـيـب.. = ... ورجــل ٍ تـشـوف بخـوتـه لــك غليـبـه

ورجـل ٍ اذا اخطـا يـرى نفسـه مصيـب.. = ... ورجـــل ٍ اذا اخـطــا يـراهــا مـصـيـبـه

قـلـت الصـراحـه مابـهـا شــك او ريـــب... = .. كـــل ٍ عـلــى طـبـعـه يجـيـبـه حـلـيـبـه

باأهـلـك مـــاوالله انـــا لاقـــي ٍ عـيــب... = .. تــاج ٍ عـلـى روس الـمـراجـل وهـيـبـه

اشــره وشــره كــان تبـغـي المـواجـيـب... = .. عــط حــق تـاخــذ حـــق مـابــه [/poem]معـيـبـه

لله درها من ذائقه ,,


حتماً سأعود ان شاء الله لأقرا شعر

هلا يابن رشيد ولا هنت
ويامرحبا فيك في اي وقت

متعب التركي

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مرفوض ياللى بعت غيره عشانه = أزريت عن رد الجزا أو تهاونت
مابي لك أكثر سد باب الميانه = بانت مع الوقت الخفايا وبينت
مادام مالى وسط قلبك مكانه = أنا بعد مثلك عن الحب هونت
أنا مثل خيال خانه حصانه = عذره يقول من الرسن ماتمكنت
غرّه مع المركاض وارخى عنانه =مخطى وانا غلطان يوم انى امنت
لو كنت وافى ماتخون الامانه = ياللى تقول تشيب روحك ولا خنت
ذاك الهوى لو ماشعرت بحنانه = ماكنت فى حلو القصايد تفنّنت
شاعر تزلزل من فراقك كيانه= لك يعترف مايسكن القلب غير انت
لو كان قلبك صافى الود خانه = في ذمّتى ماهان حبّك ولا هنت
أحدٍ يخون و واحد الوقت خانه = أنا ترى الثانى وألاوّل تراه أنت [/poem]

نايف الرشيدي

[poem=font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يالله .. يالله تخلي لي محبتها = وتهون الجرح في قلبي وترعاها
وتخفف احزان دنياها .. ولوعتها = وتثبت الناس لاتخطي وتبلاها
يامفرّج الضيق ريحها بنومتها =اليا اشغلتها عن المرقاد بلواها
حسيت انا بصوتها واسباب ضيقتها = من قبل لاتقول وعيوني تباكاها
من عقب ماتشغل الدنيا بضحكتها = اليوم مامرت الضحكه على شفاها
قال الزمن كلمته ماسمع كلمتها = ماعبر احلامها مع من تمناها
يوم اغصبوها ولا صانوا كرامتها = توجهت للكريم وقالت ادعاها
صدت وبعيونها ياكبر شرهتها = واقفت مهي مصدقه طعنات دنياها
والطاري اللي تسبب في نهايتها = يوم اذكرت من يموت بليل فرقاها
هذاك من تفرح عيونه بجيتها = هذاك من يكتم الضيقات لرضاها
ضاقت عليه الدروب وباس صورتها = ماعنده اغلى من الصورة وذكراها
هذاك انا واكرهك يا يوم ملكتها = مجنونها ماعرف من وين يلقاها
واشلون ابصبر على ضيّان زينتها =واشلون امر بيتها من دون لا القاها
لا لولشن مترفات البيض حزتها = هذيك ترقص وذي تضحك وتنصاها
الموت يا إكليلها وورود كوشتها = خصّ إليا حطت المسكه بيمناها
خواتها يلفحن في ليل دمعتها = ماكنهن عايشن ماصار وياها
واكبر مصيبه إليا قاموا بزفتها =وراحت معه والجروح القشر بحشاها [/poem]

عبدالله ذويبان

[poem=font="Simplified Arabic,5,purple,normal,normal" bkcolor="transparent" bkimage="" border="solid,4,gray" type=2 line=0 align=center use=ex num="0,black""]
يا نجم يا ساري على مسراي تكفى لا تبان=قّل للظلام يلبّس الدنيا عباة ٍ ضافيه
مليت أشوفك ممتلي بالنور و تضيء المكان=و نجوم صدري داخل أضلاعي حزينه .. طافيه
يا أبن الحلال.. أرجوك طف النور في دربي عشان=ما عاد أميز فالوجيه .. الخاينه و الوافيه
ليه أخسر اللي طاح من عيني او أكسب لي رهان؟=ما عاد تفرق .. و النتايج كلها متكافيه
ما عاد أبي صدمات تحت اسم التجارب.. و أمتحان=واحد كفيل بتعريّة كل العلوم الخافيه
الجرح واحد لو يجي .. من يد فلان او يد فلان=يتشابه الهافين .. في فعل الأمور الهافيه
نفس الوجع/نفس الضما/نفس الخطا/نفس الجبان=نفس السؤال .. و نفس اجابات الشهود النافيه
يا نجم خلك في محلك مالك و مال الطمان=أقلط على صدر المعالي .. صحتين و عافيه !!
ما دام موتك مستحيل و فيك للجو اتزان=لا تنزل الوادي و تضربك الرياح السافيه
تدري لو أنك تسأل عيوني عن الحرمان .. كان=تشرح لك الحرمان في نظرة أجابه شافيه
حلمي كبير و سيدة حلمي من السحر البيان=ما جابها الواقع و لا جتني على ارضه لافيه
من وحي فكري صاغها الحرمان بعيوني كيان=أعيش فيها و أحترق لسنينها المتقافيه
فأن كانها متفرده .. بأحساس و أوصاف و ليان=قصيدتي متفرده .. معنى و بحر و قافيه
بنت القصايد .. كل ما هب الهوى و الطرق زان=غنيت فيها لين اصحي كل فكره غافيه
ما يكفي اني كل ما غنيتها ذاب اللسان=كنه يقول ان السكوت أحيان حاجه كافيه!!
أحيان أخاف الموت بيديها و لا أشعر في أمان=و أحيان أحب الموت .. لكن المنايا جافيه
ان سولفت في صدري الخايف من البرد أستعان=فيها.. و قامت بين ضلعينه تمشا حافيه
فيها برود و ثلجها .. خلطة رحيق و زعفران=تحالفوا فيها على هيئة ( عصابة مافيه )
هذا يجيد الفلسفه .. و هذا يجيب الأحتقان=و انا مع الأثنين نفسي ما تجي متصافيه
وش عاد باقي!! بنت عز/و بنت شيخ/و ذات شان=مثل البحر و امواجها بأسمى المشاعر زافيه
قالت : اذا مات الدفا .. من يثبت ان البرد خان=في صحبته .. قاطعتها!!قلت : أسمعي يا وافيه !
لولا الوفاء مات الدفا ..و اصبح يهون و يستهان=و أجراحنا بأروحنا صارت مهي متعافيه
الشكر لو ماله وجود .. ان كان ما فيه أمتنان=وأكبر جفا .. وش ياسعه غير القلوب الرافيه؟
يا غاليه .. رغم الوجع رغم التعب رغم الزمان=جيتك و قلبي ينتظر فرصة حنان موافيه
حطيني بصدرك واذا قال الزمان: أظهر و بان=خليني ابقى داخل ضلوعك .. بخير و عافيه
انتي عطيني من غلاك.. أحساس وشويّة حنان=وأعطيك قلبي.. والقلوب أطباعها متنافيه
تدرين لو كان الدفا دوله و فيها .. برلمان!=صرت الزعيم .. و قائد أحزاب القلوب الدافيه!
لا زلت عادي.. رغم كل البهرجه و الهيلمان=صافي نوايا.. في زمن ماله نوايا صافيه
ما هو خطا لو نفترق .. و يذوب شمع و شمعدان=بس الخطا لو نجتمع .. و قلوبنا متجافيه!![/poem]