تواقيع الأعضاء [ 24 ] ..

يا ناشدتني عن فصيلة عروقي
وش لازمك ( دمّي من أيّة فصيله )
/

سداح برقاوي .. و سداح روقي
وتكفيك هاذي عن فخوذ القبيله
/

وراك طيحي .. لا تطيحين فوقي
وبيني وبينك لا تعوّد طويله
/

مدام باقي للزماله حقوقي
حفظتها .. وأنتي مجرد زميله



لــ الدكتور البرقاوي / الروقي

شحب وجه الفضاء اللي طاح من صدره ثلاث نجوم
ولا أدري كم بقى واللي بقى لا يآمن الطيحه

شكينا للمجرّه عقب ما جاء بالعلوم علوم
وجريّنا خطاياها بتهليله وتسبيحه

أنا وشلون أجامل وأتحمّل محدثات اللوم
ولي قلب ٍ ليا صارح ما جنّب عن تصاريحه

أبينّها ولا عندي على الممنوع حبّ خشوم
ولو كثروا وزادوا ناطحين الصيحه بصيحه !

حشى وأبداً ما أقول أنّي عن أسباب الخطاء معصوم
أقول أن الخطاء يآجب على العقـّال تصحيحه

ألا يا ضلعنا الشاهق ضروف الامس غير اليوم
لو أنكّ راسي ٍ واللي يزيحك ربيّ يزيحه

تحت ظلّك تطبّ طيور ومن فوقك طيور تحوم
ولا نعرف جواريح التطوّر من مجاريحه

لمسني ما لمسك ولا لنا إلاّ حظنا المقسوم
عسى ربي يسامح من يشككّ فيّ ويبيحه

تعيش الناس من نوعين أحد معطى وأحد محروم
وكم ناس ٍ على الدبكه .. وكم ناس ٍ على الريحه

لكنّي لا قفلت الباب من دونك وأنا مهموم
لا تنشدني عن الباب وعن القفل ومفاتيحه

للدكتور / سداح

*

مشاكلي فالمحبّـه مـن تحـت راسـي
الحبّ منهـا بـري والحـال مخبـوره
..
شخصيّتي مبهمه ما تشـرح أحساسـي
ومشاعري عن كثير النـاس محظـوره
..
رومانسي وليّـن ومتغطـرس وقاسـي
وشعاري ( المخطيه ماهيب معـذوره )
..
أنـا وشعـري وتفكيـري وهوجاسـي
مانرفع الصـوت ليـن نكبّـر الصـوره
..
وحبيبـي اللـي بحبّـه يكتـم أنفاسـي
من كثر ما أغليه .. أحبّه وأجرح شعوره
..
شلته في مجرى وريدي وانكسر باسـي
وقـام بكريّـات دمـيّ يلعـب الكـوره !

الله الله الله الله
ياسلااااام على التوقيع

لـ دكتور الشعر / ســدآح

من درر التواقيع
وآه يا الظلم بس

مد البحـر مـده بقافـي ومعنـاي
ماختار لي حالي ولا اخترت حالـه

يبدا وينهـي عمـر مبـداه مبـداي
فرق الكلام عن الشعـور افتعالـه

في صدر مجلس جيلي احط مركـاي
واشرب فناجيلـه واحشّـم دلالـه

مانيب الاول بس مامنهـم اعـداي
اللي بعد جيلـي وقبلـه رقـى لـه

على حـلال فـلان مامـد يمنـاي
مغنينـي الله عـن فـلان وحلالـه

وفـلان متكبـر بشعـره ولـولاي
زعلـوا معازيبـه وماتـوا عيالـه

اقل مامديـت لـه صايـب الـراي
وفتحت له درباً مشى مـن خلالـه

صبحه تنفس حظ من بعد مسـراي
ماتت جهودي والرضى والبقى لـه

ويوم اغتنى مابين بايـع وشـراي
نسى فضل من مد لـه حـر مالـه

وانا غني والرايـح يعلـم الجـاي
ما اجهل ولا اخاصم شقيق الجهالـه

يصحى على الطبله ويرقد على الناي
افزوعه اقدامـه وخصمـة ظلالـه


للمبدع .. عفاس بن حرباش ،

8
8

اشهد بالله انه ابدع وانت عز الله انك ما تدور الا السمين يا ذيب

[poem=font="Simplified Arabic,5,tomato,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياحبيبي/ والهوى/ قطعة عذاب=والليالي /عقبكم هم وأسا
والله اني /مانويتك بالغياب=وانت حب ٍ/ في موانينا رسا
وانت عندي فوق/ هامات السحاب=شوف قلبي / في غيابك مانسا
والعمر من دون/ وصلك اغتراب=والزمن / بعدك على (تركي) قسا
خلني دايم /معك دامي شباب=في صباحك /ياحبيبي /والمسا
[/poem]


توقيع عذب لـ العذب /

تركي عبدالله

لا يـا بعـد كـلّ عشّاقـي
محبتّـك ويــن أودّيـهـا
..
دفنتهـا داخـل أعمـاقـي
وبانت في عينـي مواريهـا
..
وغمّضت .. وأحترقت أحداقي
وفتّحت .. وأزريت أطفيّها !
..
مـا بينـي وبينهـا واقـي
منها أبتدي .. وأنتهي فيهـا
..
لـولاي مخلـوق بأخلاقـي
بانـت عـلـوم ٍ مخبيّـهـا
..
كم لي وأنا أكافـح أشواقـي
تهـدّ حيلـي .. وأهدّيـهـا
..
قلبي خضـر ميـر ذوّاقـي
مـا كـلّ عـذرى يهاويهـا
..
وأنتي من المنـزل الراقـي
حـلاوة ٍ مـن يحاليـهـا ؟
..
جيتي على هقـوة الهاقـي
اللـي مـن العـام هاقيهـا
..
وعطـاك للحـبّ ميثـاقـي
بيتيـن وأنتـي حفظتيـهـا
..
مضمونها يكشـف أوراقـي
والحـبّ يفضـح خوافيهـا
..
وكميّتـه مالـهـا بـاقـي
( وأنتي لحالـك خذيتيهـا )

الله الله الله
الله الله الله
وربي توقيع يجنن
لـ دكتور الشعر / سـدآح

عَهَد..!
ما أحايد عنْك يالسلم العفيف

ولا أبتغي

معهم فـ مسلكهم عَرَض..
:
:

ولا أخَضَع

بالقول ، لو يخضع لفيف

عشان ...،

مايطمع (من بقلبه مَرَض)!



توقيع من ذهب لــ (( اخت من طاع الله ))

,’,
\\

قنبلة هيدروجينيه , مِن سداح ,

[poem=font="Arabic Transparent,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا خطل اللسان اللي تلفظّت بالأقوال=براطمك مبرومه والأقوال مبترمه !

تسولف على ما تشتهي والعلوم طوال=ومن لا أحترم نفسه على ويش نحترمه

ما يخدعك غير اللي يجيك بشنب رجال=ولو تبحثه شفته ما يفرق عن الحرمه

سوى أنه ما يقدر يحمل ولا يجيب عيال=ولو ينتفخ بطنه ما يلبق على جرمه

ذكر جنسه ولو ينقلب بنت عال العال =يروح ويجي ونقول يا ما أطيب القرمه !![/poem]

سداااااااااااااااااااح صح لسانك , يالقرم , و فدااك خطل اللسان يابعدي ,

هههههههههه و بو براطم مبرومه , إحترق و تحلل من هـ الهيدروجينيه , :sniper56:

4×4 (+) 4×4





[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياحبيبي . نور . عينـي . لاتسافـر= لايغرّك . صمت . قلبي . فالسريـره
نور . كل لحظاتي .ابعينيك . هاجـر = صمت . كل لحظاتك . ابعينيّ . سيره
عيني . ابعينيك . ياجابر . وكاسـر = قلبي . ابعينيّ . به طمعه . وغيـره
لاتسافر . هاجر . وكاسر . مشاعـر = فالسريره . سيره . وغِيره . كبيـره [/poem]

لحست مخ
يقرا من اليمين لليسار ويقرا من فوق لتحت فيصل ليه الاسراف يافيصل ارحم اللي مايقدر يطول البحر على شان مايكسر

فيصل السواط عز الله انك ابدعت بفكرك المتفرد
لله درك

قلبي على نار الغرام الهاديـه مـا يستـوي
زدها حبيبي وأنتبه .. والنار مـن شبابهـا
...

وإليا كويته وأعتبرها منـك دافـع معنـوي
قصّر عليها حبّتيـن و روح لا تشقـا بهـا
..

وشلون أرتّب لك مشاعر قلب حبّه فوضوي
والفوضويّه في المحبّه ما بحثـت أسبابهـا
..
والمشكله لا جيت أسولف لك لساني يلتـوي
وأنا ما أقول الكلمه إلا في محـلّ إعرابهـا
..

أثر الغلا دايم على العشّـاق تأثيـره قـوي
ونتايجه بيني وبينك مـا حسبـت حسابهـا
..

ما جيتك أنشد عن دروب الغيّ وأدوّر خـوي
أنا حياوي وأستحي مـن لحيتـي وأشنابهـا
..

جيتك بعد ما ساقني سوق الجمل عشق بدوي
وقيّدتني بالفتنه اللـي شرّعـت لـي بابهـا
..

دمار شامل عودك .. وعينك مفاعل نـووي
تنقل قنابلهـا النوويّـه بـروس أهدابهـا !
..

الله يعدّيني خطرها ليـن أشوفـك وأرتـوي
وأسبح بحرها وأطوي كتابي وأفـلّ كتابهـا
..

وأهيم بك وألبسّـك تـاج الجمـال الأنثـوي
وأقول يا كثر القلوب اللي كسبـت إعجابـها



ياسلام يادكتورابداع ورب البيت

لـ سداح


لكم فائق احترامي وتقديري ...!!

حمى الله حدّها من كـل حاقـد
وحمى الله الملك والشعب كلّـه
واللي النيران في صدره تواقـد
تفجّر صدره بـ.. حسده وغلّه
أقول : اصحى من الغفوه ياراقد
تهـدّد موطـن يظلّلـك ظلّـه
هذولا / ماقد ارتابوا / ولا قـد
رضوا بالخـوف ولاّ بالمذلّـه


ابداع فهد بن عبدان في كل مكان وهذا توقيع عن قصايد

ياليت مالي قلب حساس
وياليت ماعندي كرامه

عشان أساير أكثر الناس
وأقنع من النذل وكلامه

أنشهد ٍ العرق دساس
شفت لمواريه علامه

الكلمه اللي دون مقياس
طبع الضعيف والهلامه

من طيب ذات وطيب ذى الراس
صديتها باالأبتسامه


لـ / علي بن ذروه ،

[poem=font="Simplified Arabic,6,red,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
عامٍ مضى يا مسرجات السنيني=وآنا على القبة وكلّـي تأمـل
في عالي المرقاب تومي يميني=تكتب على كبد السماء ما يجمّل [/poem]

ما هنا شك

المبدع محمد بلال

*

أخطيت في حقّ قلبـي يـوم حبيّتـك
الله يسامح خطـاي ويغفـر ذنوبـي

يا ليتني ما عرفت الحبّ ويـا ليتـك
ما كنت في يوم معشوقي ومحبوبـي

أو ليتني يـوم شفتـك مـا تمنّيتـك
قفلّت باب الغـرام ورحـت بدروبـي

غشّيت قلبي بلطفـك ليـن راعيتـك
وبديت أجاذبـك وألاطفـك بأسلوبـي

وبرمجت دقات قلبي حسـب توقيتـك
و لا همّني من يقول الوقت محسوبي

من كثر ما كنت أحبّك حيل سميّتـك
سيد المحبيّن مدري كـلّ مطلوبـي !

كم ليلـة ٍ مرّنـي طيفـك وناديتـك
أنا وشعر الغزل وهجوسـي العوبـي

وإليـا تولّتنـي أشواقـي توليّـتـك
يوم الغلا كان ذنبي وأكبـر عيوبـي

واليوم صبيّت لي مـرّك و حلتيتـك
خلاص فنجالك المصبوب مشروبـي

قامت تهبّ الهبايـب وأنهـدم بيتـك
والحبّ ضيّعت ماجوبـه وماجوبـي

لا تلتفت لي .. لا مرّيت وتعدّيتـك
انا عن أهل الدسايس نافض ٍ ثوبي !!

الله الله الله
الله الله الله

توقيع للي توآقيعه ذهب × ذهب // ســدآح

^

من ذوقك الله يسلمك ،




لاباس ياراسي من الباس لاباس
دام ان غفّار الخطايا قريّب

اعوذ بك يالله من كل وسواس
وامن الهموم اللي عناها يشيّب

لولا احتياج الناس في الضيق للناس
ماقيل ذا > طيّب ولا ذاك > خيّب

والصاحب اللي صحبته تجلب الياس
ماهوب طيّب لو يقولون طيّب


لـ / راكان بن بدن ،

^^
الدكتور ,

يا صاحبي مالي ومال الفيس بوك
وجهي معي محفوظ وكتابي معي

أي والله أني ما اعرفه لكن يا خوك
تراه مهما كان ماهو مطمعي

أنته ما قصّرت وبعيد عن الشكوك
وأنا على الشاشه ما تجهل موقعي !!

.




خمسة عشر عام من تاريخ هالصوره
حسبتها وأنتهت من حسبة سنيني

منها وجاي أختلف شكلي وديكوره
عوامل التعريه قامت تعريّني !

و دورات الأيام في وقت ٍ مضى دوره
مرّت على رمش عيني وأكحلت عيني

أصبحت من بعد ما كنت أعشق الكوره
ما داني الكوره ولا هي تدانيني !

والشعر كنت أكتبه بأبيات مكسوره
وأدوّر الجبر في صوتي وتلحيني

وأصبح مزاجي يصيح ويعلن الثوره
ويرفع شعار العداوه بينه وبيني

دمّي ثقل حبّتين وفاض عن طوره
وأدناة ما زاد ضغطه في شراييني

لكنّ لازال قلبي ينقل شعوره
رغم إختلاف المحبّه والمحبيّني

وطبوعي الثابته تمشي على شوره
لو ما تسرّ الخلايق دلّها زيني

والعمر محسوب والأيام محصوره
عساني أموت ما قصّرت في ديني




حي والله هالوجه وقصيده كلهم

للعلم
ســـداح


..

^

لاخليت منك يا بوخلف



درّتين بإختصار

الحياة .. أيام / وأحـلام / ومفاهيـم / ومبـادي
والظروف .. اعداء , والتوفيق .. نص الاستطاعه

والإراده .. هي عزاي أليـا تنكـر لـي مـرادي
والكساد من الاوادم .. ماهو بـ.. كيف البضاعه

الهدوء .. احيان , مايعني وجود إنسـان هـادي
والتعفف .. ( أقصر دروبه ) يؤدي لـ.. المجاعه

جيت يافيصل , وحزنـي بيـن مشروبـي وزادي
ماجنيت الزود بعده ../ غير في نقـص المناعـه

كانت احلامي بلادي , وأنتهت بي فـي بـلادي !
وأقتنعت إن ( المعالي .. كنز تفنيه القناعـه ) !


لـ ( عفاس بن حرباش )



الحياه .. إقدام / وأعلام / وصناديـد / وأيـادي
والظروف .. اشياء ، والتوفيق .. يحتاج لإشاعه

والإراده .. مصطلح يعني بأن الصعـب عـادي
والآوادم .. بين خوف اغراب ، ومحارَب جماعه

والهدوء ..إزعاج يجتاح الضمايـر ... لا إرادي
والتعفف .. وجه صادق في زمن يلبس قناعـه

وانت (لاتحزن) ، وسل السيف من بين الهنـادي
ماخبرت المجد يبنونه هله فـي ظـرف ساعـه

وابني احلامك على بلادك ، وضحّـي بالأعـادي
واعرف انّ الصقر جنحانه ضـروره لارتفاعـه


لـ / ( فيصل السواط )

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]


من عيّن المشرف الشعبي بعد مـا غـاب=يا ربعنا .. مـن يعلمنـي عـن اخبـاره
ابطى ( المسرّي ) ولا شفته على المرقاب=عسـاه فـي خيـر ٍ ومرتـاح فـي داره
مثله له أخوان في ( مرقابنا ) واصحـاب=وتشفق على بدعه وتشفق على أشعـاره
ولو ( منبر الشعر ) ما أثر على الأحباب=يـا منبـري ( شرهـة العقـال ) دوّاره
لكن .. يا هاجسي من بعـد فـك البـاب=بـدّد ظـلام السكـون وولّـع أنــواره
أبطيت .. وانا لك الله خاطـري مرتـاب=وهـذا وهـي غيمتـك بالخيـر مـدراره
علقتني .. والوله فـي خافقـي ينسـاب=ما بين هجـس القصيـد وبيـن شعّـاره
أشيل بالصوت من شعر الجزل ما طـاب=وأبلـل عـروق خفّاقـي مـن أمطـاره
واحط من واقع الأحـداث لـي محـراب=لـو الخيـال اندمـج بـه تـاره وتـاره
وان ضقت وايقت فوق المنتدى الجـذاب=بالعون ما قد ذكـر يـوم ٍ طفـت نـاره
مرقاب لكن ما هـو مثـل كـل مرقـاب=فـيـه التماثـيـل منقـيّـه ومخـتـاره
شعارهـا بالفرايـد تـسـرق الألـبـاب=كل ٍ يجيـب السميـن ويكسـب الشـاره [/poem]


توقيع الرائع / مشاري البرازي

[poem=font="Traditional Arabic,4,darkred,bold,normal" bkcolor="transparent" bkimage="" border="solid,2,chocolate" type=2 line=0 align=center use=ex num="0,black""]
قتلتني ( حي ) .. وسيوفك : عتاب وملام=ماعاد هي مسألة .. ونّه وضيقة صدر
قتلتني .. وآه من موت ٍ يهين الكرام=ما ودي آموت ( حتى من عدوّي ) غدر
وشلون منك أنت وأنت اللي عليك الكلام=لـ..اليوم دمي يفوح ( من القهر ) ما خدر
آعوذ بالله .. من حب ٍ ( بعده آنتقام ) ,=وآعوذ بالله .. من عمر ٍ ( سنينه كدر ) !
ما كنت اشوفك مثل غيرك يابدر الغرام=كنت اشطب البدر .. واحطك مكان البدر
كنت آعشقك روح ويطاول غلاك الغمام=وأقول : إذا ما اسعدك ضاعت سنيني هدر
ضيعتني : من يدينك .. ياعزيز المقام=وآنهيت بـ..يديك عمر , آنهاه معك القدر
حفظت قيمة .. عيون الود , والاحترام=واليوم :- دمع الغرام من العيون , انحدر
ما اقول : غير السنين اللي تعدت حطام=يا ليت حكمك بعد هذا العمر ما صدر ,
صارت : دروب المحبه في عيوني ظلام=وماعاد للحب طعم الا ( ما قل وندر ) !
صحيح : عبره من الدنيا ومسك الختام :=اللي قدر ما استحى , واللي استحى ما قدر
هذي علومي ( على الدنيا واهلها السلام ) !=إن كنت ما أنته بداري يا آطرق العود آدر
[/poem]


لــ / مشعان البراق

البارحة قلي وش الي مسهـرك ؟
وانا على شانك جفى النوم عينـي
طيفي وهو طيفي نساني ويذكرك !
والله ما الومه لقـى بـك حنينـي
لا زاركم طيفي وجالـك يسامـرك
ضمة .. وخل يديك تحضن يديني
يمكن دفا اللهفة يخفـف توتـرك
ويمكن تنام وتهتني يـا ضنينـي
طيفي وصاتي له يجيك ويصبـرك
دام اللقاء ماهوب بينـك وبينـي
وطيفك ينام وفالحشى هل ماطـرك
يا جعل وبل المزن دايـم يجينـي



لـ / فيصل الجعيد