خيّلت عتبـــان

بسم الله الرحمن الرحيم

قصيدة متواضعه بمناسبة مزاين قبيلة عتيبه اتمنى ان تحوز على الرضا

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
خيلـت عتبـان وخيالهـا بالفعـل قـاد=العـزاوي برقهـا والـرعـود افعالـهـا
يخلق عتيبـي وينهـاب وهـوه فالمهـاد=هيبت (ن) وقت المواقف تضيـق رجالهـا
شيدوها بالفخـر سيـف وشـداد وجـواد=والكـرم والنخـوه الـي يهـل خيالـهـا
عزوت (ن) في ذروة المجد كاسبت(ن) شداد=ايـه تزهاهـا المواقـف وهـي تزهالهـا
ماتضيع امجادها دام ابه نطاق ضاد =وردها راهي والافعال عين اقوالها
فعل روق وفعل برقا معطرت الهناد=الوقائع ورختها بعد منزالها
نجد يوم الكر والفر للعتبان ماد=كم قوماً شافت الموت في محوالها
في قساها مايذكر بقسوة قوم عاد =مارتفرق بالعقيده وجزل اعمالها
من كواكبها المطله مروين الحداد=الشيوخ اهل الفخر مع حديث اجيالها
الذرى في لاهب القيض والا فالبراد=الزحول مورخت مجدها بافعالها
السيوف المرهفه فالملاقا والوتاد =للبيوت اللي يظلل طويل اظلالها
الخزام اليا تناشت خشوماً بالعناد=السهوم الساطيه بالقسا يعنالها
كل شيخ وكل فارس يعدبه العتاد =الرموز اهل المكارم كرام اسبالها
الجهامه في حماهم اليا ثار الزناد =دونها يثنون والنصر دايم فالها
هم هل البل هم هل الهيل مسرجت الجياد=هم مقادم لابتاً مانقص مكيالها
والمزاين فيه تذكير ماضي مع حصاد =للسنين اللي قساها يزيد اهوالها
بعد توحيد الجزيره وتحرير البلاد =يوم قاد الهاالسبب من يعطر جالها
هم جنود الحق لن صاح صياح الجهاد =بالولا تشهد لهم نايفات اجبالها

قلتهـا واعيدها والمثبت والوكاد =الاصايـل فاللقـا فـي حمـى خيالهـا


ومدحي لربعي عتيبه على الحـق السـداد=ولا ابخس اهل الطيبـه والفخـر يثنالهـا
القبايل فعلها عزها يوم الطراد=ماضياً حافل وحاضر فخر يزهالها
خيلـت عتبـان وخيالهـا بالفعـل قـاد=العـزاوي برقهـا والـرعـود افعالـهـا[/poem]