الشعر ما هوب ميداني ولا كاري

السلام عليكم ورحمة الله وبركاته
ابيات للتواصل مع المواهب اتمنى ان تجد بعض القبول

[poem=font="Arial,5,,normal,normal" bkcolor="" bkimage="" border="none,1," type=2 line=0 align=center use=ex num="0,"]ياشعر وشبك عن الانظار متواري= شمسك توارت ولا بانت مشارقها
واسمك غدا سلعة ٍ للبايع الشاري=وهيبتك كل ٍ بعد ما غبت خارقها
وجا للمعاني تنافس ساخن ٍ ناري = وسيوفها قامت تبارز بيارقها
ناس ٍ توامى مسابحها على الطاري =وناس ٍورا رقابها تثني مطارقها
ماحشموا ذوق لا سامع ولا قاري = عن سرد هزلات الاشعار وخثارقها
لو باقي زحول نهر ابداعهم جاري = وبيوتهم كل ٍ عن الغث فارقها
والشعر ماهوب ميداني ولا كاري = كلمة صراحة وانا ماني بدارقها
ماني بشاعر ولكن هادي افكاري= لا ثارت القى جنون الشعر زارقها
ولولاي طول ورا الاوهام مشواري= والا الطواريق انا ما نيب طارقها
غافل ولا كنت عن حكم القدر داري = واثر الليالي طويل الوهم سارقها
والمزنة الي جذبني برقها الساري=واحلى العمر راح وانا اخيل بارقها
تعبت وراها خطاي وطالت اسفاري= ودروبها المنهكة زادت مفارقها
وقّفت فالمفرق وغابت عن انظاري= وروحي لهيب الهوى والوجد حارقها
وهلت بدار ٍ بعيد وجفت دياري = وغصون شجرة هوانا حت وارقها
واليوم غصن الهوى يومي به الذاري = وذكراه عيت تفارقني وافارقها[/poem]