فن التعامل !

.





السلام عليكم ورحمة الله وبركاته ..

مشاركه بسيطه أقبلوها مع التحيه والموده ،



[poem=font="Traditional Arabic,6,sienna,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
المرجله ماهي بكوّي العمامه=المرجله في فهم فن التعامل
يعني ماهو من عفت تجحد سلامه=رد السلام ودوّر الاجر كامل
خلك خلوق وخلقك الابتسامه=وزامل رجال ان كان ودك تزامل
وان جتك زله من جناح الحمامه=قل يا حمام شهار فشهار هامل
الله وضع كل آدمي في مقامه=هذا يجامل لك وذا ما يجامل
واللي يقول ان التواضع رخامه=أنا اعتقد كذاب ماهو بصامل
وده ورى الدنيا يدور زعامه=أو أن قلبه مزود الكبر حامل
شف عاد والدنيا مجرد ركامه=يا مستعي ما بين قاصر ورامل
قدامك الثنتين يوم القيامه=وبرحمة الله ثم ويش انت عامل !
قلوب تقنعها دموع الندامه=وقلوب ما تقنع / على الشر تأمل
يالله يا كاشف بروق الغمامه=نسئلك من فضلك بغشان هامل
سيله يسرّ مع الشعاب انقسامه=والوقع ما ياقف على دار / شامل ![/poem]






//





..ــ وسلامتـكـ//م ــ..