أقول ياشعب الكويت00أبنشدك ماعلموك ( في مسابقة شاعر العرب )

إخواني وأخواتي الأعزاء

السلام عليكم ورحمة الله وبركاته

هذه القصيده شاركت بها في مسابقة شاعر العرب في دولة الكويت وأتمنى أن ترتقي لذائقتكم
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]

من دار ابو متعب زعيم المملكه نسل الملوك=نسل الملوك اللي يظلل فالشدايد ظلها
سلام تسليمة وفا من قلب مافيها شكوك=تسليمة ٍ من طيب منبتها يذعذع فلها
هذا وانا شاعر واحب الشعر لاصار امحبوك=فرايد ٍ تشف الكبود اليا تزايد غلها
آقف لها قدر وغلا واشبك لها بقلبي شبوك=واعدٌها للي يميز دقها من جلها
هذا رصيدي وافتخر به ماغبطت اهل البنوك=اقولها واللي عقد روس الحبال يحلها
سقت الركايب من جنوب المملكه حتى تبوك=ومن شرقها لاغربها مع نجد داري كلها
ووجهتها يم الكويت اللي على العدوان شوك=دار ٍ غلاها في معاليق الخفوق احتلها
يقودني سلك الحرير اللي مهو مثل السلوك=احبها ومن زود مغليها حشى ماملها
اقول!! ياشعب الكويت أبنشدك ؟ ماعلموك=عن دمعة ٍ موق المحاجر في كفوفي هلها
وبعده حزن خمسين ليل ٍ ماطلع فجر ٍ ضحوك=يبدد اللي عل قلبي والنواظر علها
بعد وداع الشيخ جابر والفهد نسل الملوك=نسل الملوك اللي يضلل فالشدايد ظلها[/poem]