ياريم لو غبتي عن العين ياريم 0 0 0 مصافحه اولى / خالد الشويّب

بسم الله الرحمن الرحيم

السلام عليكم ورحمة الله وبركاته


اسعد الله صباحكم /مساءكم بكل خير

اذا كان للشعر الحقيقي مكان في عالم النت فهو منتدى المرقاب

اذا كان للنقد وللرأي البناء مكان في عالم النت فهو منتدى المرقاب

اذا كان للطرح والنقاش والجديه مكان في عالم النت فهو منتدى المرقاب

اذا كان للنشاط والتأخي والرقي والتواجد مكان في عالم النت فهو منتدى المرقاب

ادارة ومشرفين واعضاء

اسعد بأنضمامي معكم في منتدى المرقاب

وارحب معكم بزوارها


وهذه مصافحه اولى 000 واتمنى ان تنال اعجابكم ويسعدني رايكم

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياريم لو غبتي عن العين ياريم=ماكنتي أكبر هم خالد والاحلام
أحلامي اللي فوق واعلى من الغيم=وهمومي اللي من قبل خمسة اعوام
السين لو يعرف وش اللي ورى الجيم=ماكان شفته اول حروف الاقلام
تعتيم ياجو المحبين تعتيم=صد ومسافات ونهايات والآم
عزاي فالشدات ماقلت تسليم=وعزاي فاللي راح ماكنت علام
منها عرفت ان الصعوبات تقييم=ومنها عرفت ان للنجاحات اخصام
ياشاري الدنيا ترى الوقت ماسيم=من يشري الأوهام بيعيش فأوهام
والجاهل اللي يحسب ان دنيته قيم=يعلب على وهم البطوله والاوسام
يحتاج له وقفه ونظره وتعليم=حتى يشوف الصوره بدون رسام
العمر رحله . . .والمواقيت تنظيم=سنين .وأشهر. ثم اسابيع. وايام
فيها الخطا يحتاج رجعه وترميم=وفيها الصواب يريد إشاده وإعلام
بعض القلوب يزودها الشك تسميم=وبعض القلوب يقينها طول الاعوام[/poem]

خالد الشويّب