| عنـدك خـبر | ..؟

؛

السلام عليكم ورحمة الله تعالى وبركاته .. ومبارك عليكم ما بقى من الشهر ،
أعتذر عن التقصير في حقّ ( مرقابنا )
لكن حيل الله أقوى / تقبّلوا متواضعتي

.
.
.

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
وين الغلا .. يللي تقول الغلا لي ؟=هذي ثلاث أيام مرّت ( مشاريه ) !
أشره ولو ما جاك من شرهتي شي = من باب :- قلبي بس يشره لغاليه ،
أرخصتني وإلا المحبه كما هي ؟ = جاوب .. قبل ما أسألْك ليه أنطرك .. ليه ؟
من يومها بالقلب مابان لك .. ضي= وأنا على حطّة يدِك لين تضويه
لا نوم .. لا من درس .. لا زاد .. لا مي = حتى الشعر ضاعت بدونك معانيه
والقلب نبضه مِيت .. محتاجله حي = المِيت زاده غبن .. والحي يحييه !
قد قلت : تكفى ، وقلت : من ذي .. قبل ذي = ردّ الجميل لكلمتي وقول : لبيه ،
جيتك ولا آبيك تْعقلني بعد .. غي = جيتك ولا آبيك تْهديني بعد .. تيه
جيتك ولابي عن هجيرك ذرا .. و فَي = جيتك ولابي من ضميرك .. تصحّيه
جيتك .. أبيك تشوفني وش حصل فِي ؟ = الحب هذا .. وهذي آخر بلاويه !
جازيت جرحي من تجافيك .. بالكي = عندك خبر حتى بجيّتك .. تكويه ؟؟
بطْوي صحايف هالزعل والعتب .. طي = وحجّة بحاجة .. بعذر القلب وأطويه ؛
مالي غلا .. يللي تقول ( الغلا لي ) = آكثر من اسبوعين مرّوا .. ( مشاريه ) !
[/poem]

.
.
.

( )