O2 // هـواجـيـسي // ..!

يالصاحب اللي لك معزّه وقيمه
امقدرٍ بيـن المخاليـق تقديـر

المعذره عن الخطـأ والظليمـه
وليا حصل منّي قطيعه وتقصير

تبقى في قلبي لك مقام وحشيمه
وتهون في بعدك جميع المشاوير

[poem=font="Simplified Arabic,5,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الضيقه اللي فالصـدر ضايقتنـي=ملومها لو زودت فينـي اوجـاع
لا جيت ابسلى يا مخاليق جتنـي=ثمّ ذكّرتني كل شي انتهى وضـاع
يـا ليتهـا راحـت ولا ذكّرتنـي=باللي سبايب كلّ جرحٍ بالاضـلاع
الجادل اللـي فالهـوى صوّبتنـي=أ|بلعط رمحٍ داخل القلـب قطّـاع
عطيتها ما فيّ يـدي واهجرتنـي=وقلبي من الهجران يا ناس ملتـاع
واللي رجيته يا عرب كلّ حتنـي=شوفه وغير الشوف ماني بطمّـاع
والضيقه اللي بالصدر ضايقتنـي=زادت عقب فرقاه بجروح واوجاع [/poem]

من لآ يودّك ويش تبغى بقربه ؟

بعض الوجيه الصدّ عنها غنيمه !

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
آزعجتني بالبنق الآقشر وصديت=وانا انتظر تقراء رسايل غرامي !
من يوم آضفتك ما حسبت التواقيت=ما يآخذك منّي يا كود المنامي !
واليوم مدري ويش صآبك وقفيت=تقراء الكلام وّ لا ترد الكلامي ![/poem]

كانت في قسم (( ما قبل المرقاب ))
[poem=font="Traditional Arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
نعنبوا من لآمني فيك يا سمح القبال=والله اني من عرفتك وانا حالي ردي ..!
كيف ما غيرت حالي معك لآدنات حال=وانت من رمشك لخدّك بداية مولدي ..!
اشهد ان القلب في حبك أ|من الهمّ شال=يا غزالٍ للمشقات حاديني حدي ..!
لك بقلبي قيمةٍ عدّت أ|حدود الخيال=وصفها وصف المسافه من ارضي للجدي ..!
كيف اوصّف من تعدى تواصيف الجمال=و اتعب اقدامي مع أ|دروبه و زاد جهدي ..!
مالكٍ روحي وقلبي ولا فيها جدال=ما بقى الاّ كود يملك لفكري وجسدي ..!
يا وجودي لوّ تقفّي به ظروف الليال=ودّي اعرف كيف ابى اعيش ويعيش بعدي ..!
المهمّ اني ما اجنّب عن أ|قصات المنال=ما تريّح لين اجوّد يمينه في يدي ..!
ان حصل والاّ ترى الموت جاني لا محال=دام عينه للمشقات تحداني حدي ..![/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الآ يا هل المعروف انا حالتي حاله=جريحٍ واشيل الهمّ فالصدر واكنّه
انا شلت همٍّ ما حدٍ يا عرب شاله=وذقت المراره منه والغيظ والونّه
سهوم الهوى من صابته شيّنة فاله=وعزي لمن عقب الغنادير صابنّه
عشقت الذي حظّي رماني على جاله=غزالٍ يتل القلب لامنّ ضحك سنّه
تولعت به لاكنّ ماني على باله=صويب الهوى يا كيف محدٍ درى عنّه
تركني وانا اللي فيه ماسمع لعذاله=ومعطيه قلبي دون شكٍ ولا منّه
ولا اقول يا كود الله ايّزيّن الحاله=هو اللي عليمٍ كلّ ما خاطري كنّه[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياحبيب القلب قلّي وش خطاي=لجل اخلي خاطري لك يعتذر
ضايق وضيقتك ما تبّحث خفاي=ولا تـبـيّـح كــل سـدٍ بالـصـدر
لاكنّ اسمعني واخذ كلمه وراي=حطها فالقلب لك طول العمر
من هويتك واللقى غاية مناي=ياوجودي لو اشوفك يا قمـر
يا قمر ما تشبه اللي في سماي=لو يزين ابليلة الخمسة عشر
انت زينك ما يوصّـف يا غـلاي=فــاق كلّ الوصف يالوجه الاغر
والخطا يا صاحبي ماهو خطاي=الخـطا فيني ما لديت النظر[/poem]

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا وجودي كلّ ما يظلم الليل الطويل=واسّدلت سود الليالي علينا بالستار
ما يسلّي وحدت النفس والقلب العليل=لين تظّهر نجمة الصبح ويبين النهار
كود لا سجّيت في خايعٍ ما له مثيل=يشرح البال ان عطيته سنودٍ وانحدار
يستريح الخاطر اللي همومه ما تزيل=لين يآصل غايته جوف هاذيك الدّيار
والله انّي ما نسيتك يابو رمشٍ كحيل=دام قدرك فالمعاليق دايم في عمار
اسّتلذ ابّطيفك انّ مرّ و اغنّي واشيل=من هجوسٍ تطرب البال ببيوتٍ بكار
كلها تكتب على شان عينك والجديل=يوم غيرك عندنا ما له آيات اعتبار
ما تبعتك طامعٍ يوم اغيّر بك بديل=لوّ ما يلقى ورا تبّعت المقفي وقار[/poem]

جرت هذه المساجله بيني وبين اخوي الشاعر / مقبول الشيباني

انا اقول :


[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ما نشدنا عنّ غياب اللي يغيب=كود منهو لا تغيّب نفقده
مثل ابن مشّيب رجل قرمٍ وذيب=من غلاه ان غاب كلٍ ننّشده
يا عساه أ|بخير وابعزٍ وطيب=صاحبٍ يا جعل ربّي يسعده
رفقته بين الحنايا لوّ نشيب=ما تغيرها الليال المجهده
ولوّ يروح بعيد في قلبي قريب=والمعزه جاريه فالأورده
قلتها واللآش ما هو لي صحيب=خايبٍ فعله وكلٍ ينقده
ما يودّي ما يفيد ولا يجيب=وللنشاما ما فعلت خيرٍ يده
وان حظر ما بتّ فالآمر الصعيب=وان تغيّب دايماً ما نفقده ![/poem]

رد الشاعر / مقبول الشيباني

[poem=font="Arabic Transparent,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
مرحبا ترحيبةٍ تفوح طيب=بالرفيق وبالقصيد ومقصده
صاحبٍ فاللازمه يقنب قنيب=دايم الوافي يجي في موعده
والشعر من حظرته ما هو غريب=يقدحه فكره ويمليه ال|يده
جاز لي طرقه ومنطوقه عجيب=زين بيته يوم طقه بعمده
انت صاحب وانت شاعر وانت اديب=وانت كم انجاز فخرٍ تحصده
يالعتيبي يالعريب ابن العريب=ياشبيه البنك بنك الارصده
اشهد ان الظن فيكم مايخيب=نادرٍ ماشفت قبله وبعده
وكان تبغى زبدة القول المصيب=اشكر الله يوم اعرفك واحمده[/poem]

وسلامة الجميع ..

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اليا متى وانا انتظر تلتفت لي=يا مرخيٍ عن حاجرك داجي الليل
آقفى النهار وحان ليلي وانا اتلي=ضوح السراب // وضيعة الحال // والحيل !
مغير اهوّجس بين نقضي وفتلي=و ارقب طيوفٍ زوّدتني غرابيل !
ياللي صدايف شوفتك ما وفت لي=الاّ قليل و دون فيد ومحاصيل !
ارجع ترى الهقوات لا خالفت لي=اضيع ضيعة من غدى بروحه السيل !
لوّ كان ما كلّ الليالي صفت لي=في شوفتك تجّلا الغرابيل وتزيل ![/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اليا بدى بُعدك من اول بدايه=احسن لي ارجع من غرامك مهوّن !
قدّام نصّبح للمهبّل حكايه=وسبّة كلامٍ في زماني يدوّن !
خلّك على بُعدك بدايه || نهايه=وانا على وضعي مهوّن مهوّن ![/poem]

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اي والله ان الكون دونك ولا شيّ=ياللي معك مالي حدود ونهايه !
لا غبت انا ماني بدنيا .. الشقا.. حيّ=لوّ كان باقي ما تولّم عزايه ![/poem]

كانت في التوقيع


[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لا تكشف الخافي تكفيني جروحٍ في حشاي=خلّ الستر ضافي وقلبي لك مخفّي نيّته
ما ابغى من همومي ومن سبّتك لك رايح وجاي=وش فايدة قلبٍ ما تشفي له جروحه جيّته
وانته على نيّتك مدري وش وراك و وش وراي=ومن بيننا غصن المواصل ما تضفّي فيّته
آخاف لا شفتك جروحي داخلي تبحث خفاي=ويبيح سدّي لك وتحيى لك خفاياً ميّته
روّح وانا ارقب في طموحي لين ياصل لا مناي=محدٍ مخاشرني في حسناته ولا في سيّته
ماني محصّل من ورى شوفتك لجروحي دواي=يا كود همٍ يظهر أ/بوجهي منه ماريّته !
روّح وانا لا عشت ابلقى عند غيرك مبتغاي=مدام كلٍ يرزقه ربي على قد نيّته [/poem]

[poem=font="Simplified Arabic,5,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا ليتني في رغبتي ما تماديت=كان الهموم اللي بجوفي تقفّي ![/poem]

ابيات ذهبت لمن يستحق الكثير من الثناء لما قام به من مواقف تهّمني


[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بيّض الله وجه كسّـاب الجمايـل=الكريم اللـي ينومسنـا وقوفـه
واقـفٍ للطايلـه ذرب الفعايـل=هيلعٍ بالطيب ما رجـلٍ يطوفـه
صاحبي من حرب مروية الصقايل=الرجال اللي مواقفهـا معروفـه
شاهر اسمه بالفخر والراس طايل=امدحه والشعر به عذبه حروفـه
قلتها من دون قاصـر فالقبايـل=كلّ رجلٍ لا احّتمت يظهر وقوفـه ![/poem]

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=left use=sp num="0,black""]
البارحه مالت عليّه همومي=من يوم شفتك لي تهلّ العباير !
واليوم لا تسأل وش اخبار يومي=ضيقه // و جرح // وهمّ // والوقت // جاير !
و ان كان من غيري لفتك العلومي=تكفى بحالي لا تهلّ العباير ![/poem]

[poem=font="Traditional Arabic,6,darkred,bold,normal" bkcolor="transparent" bkimage="backgrounds/1.gif" border="none,4,gray" type=2 line=0 align=center use=ex num="0,black""]
اليا بغيتك لا تعذّر وتقفي=لدّ النظر فاللي يحبك ويغليك !
غيبتك لآ من نمت فالبعد تكفي=ارجع ترى كل الجوارح تناديك ![/poem]

ابيات شاركت بها قبل فتره في إذاعة دولة البحرين مع المقدم المتألق / علي القطان

بمناسبة زيارة خادم الحرمين الشريفين الملك عبدالله بن عبدالعزيز .. حفظه الله .. لدولة البحرين الشقيقه


[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يابو متعب مرحبا بك فالبدايه=عقب جيت أرض المنامه في وعدها
حاكم أمجادك ما تحّصيها روايه=والله (أ)لنبطي ما نحّصيها عددها
ودّي آعبر عنّ اللي في خفايه=مير نفسي وقتها ما هو بيدها
المشاعر ما توصّف كلّ غايه=والضماير حايره لحظة سعدها
مستحيل أبدى واحصّل لي نهايه=دام دار ابن خليفه مقتصدها
دولةٍ ترفع من النوماس رايه=تحت حكمة شيخٍ العليا صعدها
أعّتنا فيها حمد حسن العنايه=واصبحت بحرين عزٍ من حمدها
قبل يبنى بيننا الجسر بنايه=الغلآ يربط قلوبٍ في جسدها[/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

لا تعذّر وانت عذرك ما يفيد=دام ما تشبه لغيرك بالغلا !
ما حسبت حساب من يبعد بعيد=كود شخصٍ واحدٍ بين الملا !
له محبه جاريه جوف الوريد=والحنايا عامره قدر و ولا !
والضلوع العوج بوصاله تشيد=واحدٍ زيّنه ربّي بالحلا !
ودّك تعرفه ترى ما هو بعيد=قلبك اللي عاشقه بين الملا ![/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
جـدّه تعانـي والحـزن محتديـهـا=ساد الحزن من (شامها) لــ (يمنها) !
جاها بحر في بحرهـا ضـاع فيهـا=لحق على آرواح العبـاد ومكنهـا !
والعلـم الأول لجنـتـه نحتريـهـا=ولا لقينـا كـود الأحـزان منهـا !
و اسم الأمانه مـا يطابـق عليهـا=امانتك من غدرهـا مـن ومنهـا !
جاها بحر عـن بحرهـا محتديهـا=ولحق على آرواح العباد ومكنهـا ! [/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ان قلت لي في غيبتك ليه مبطي=قلت أ/ لك جرحي عن جديده غناوي !
دايم على جرح المعاليق تسّطي=وانا وفكري فيك سارح وضاوي !
تأخذ ولا عمرك بحسناك تعطي=وآجيك واصدّر من الهمّ رآوي !
لا صرت انا في كل الأحوال مخطي=اهجرني وّلا عاد ترحم وتآوي ![/poem]

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لآ عاد تسأل ليه غيّرت حالي=قنعت من كثر الجفا والغرابيل !
معاد آعدّك فالرجاء راس مالي=اليأس دونك قاطع العزم والحيل !
لوّ كنت من بين المخاليق غالي=حلّلّت قلبي عن غلا الناس تحليل !
معاد افرّق هجرها والوصالي=كلٍ تساوى بالغلا مثل ما قيل ![/poem]