لا ( تـتسـذبون ) .. !!

بسم الله وعلى بركة الله .,


بدون فلسفه ,
هذي مواقف ممكن تمر على اي شخص ..
لو مرت عليك احد هـ المواقف كيف تتصرف .. بـ كل موقف على حده .. مع التعليل ؟

موقف ( 1 ) :
تنتظر وظيفه منذ 4 سنوات وحصلت عليها وقبل توقيع العقد جاء متقدم للوظيفه وقال لك ( تكفففففففى ) انا محتاج وحالتي الماديه تعبانه و ادور وظيفه وبـ الكاد حصلت عليها , لكنهم فضلوك عليّ .. وطلب انك تنسحب عشان يتوظف .. وش بـ تسوي ؟

موقف ( 2 ) :
تزوج احد اصدقاءك و انت خارج المدينه و أخذت رقم حسابه عشان تحول له ( المعونه ) وفعلاً حولت له 2000 ريال وهي راس المال ..
واكتشفت انك حولتها بالغلط لـ شخص آخر .. وبحثت عن رقمه واتصلت به وشرحت له قصتك وقال لك انا متزوج ومحتاج المعونه .. ها وش تتسوي ؟

موقف ( 3 ) :
في احد الاسواق شفت شخص تعرفه .. وسلمت عليه ولا رد عليك .. وأستغربت
وبعد ماطلعت من السوق اتصلت عليه وسألته ليه مايرد السلام ؟
قال لك : اعذرني , اهلي كانوا معي ..
وش تسوي ؟

موقف ( 4 ) :
ركب معك واحد لقيته متعطل و أخذته وأخذ معه أغراض من سيارته ( الفارهه ) <- ترى ماهيب قراندي
وأوصلته لـ بيته <- طبعاً قصر ..
ومشيت من عنده وفي نص الطريق لقيت انه ناسي شنطه فيها 500 ألف دولار ..
وش بـ تسوي ؟

موقف ( 5 ) :
عندك هديه من انسان عزيز عليك ولها 5 سنوات عندك و ناوي تحتفظ بها العمر كله
و أحتجت 5 آلاف .. ممكن تبيع الهديه .. خصوصاً انك ماقدرت توفر الـ 5 آلاف و سعر الهديه يقارب الـ 6 آلاف ؟

موقف ( 6 ) :
مافي جيبك الا 100 ريال .. وقابلت واحد قال انا جاي من برا الديره ومامعي فلوس الخط ومحتاج لي 100 ريال توصلني لـ ديرتي , تعطيه الـ 100 ولا تعذر منه ؟



ماتلاحظون ان الفلوس موجوده في أغلب ( المواقف ) <- تباً لها ..
؛