تحت الفتنه بقليل !!

.

.

الحب لقلوب المحبين بواق
...................وما اضن ابلقى واحد ٍ منه سالم
راع الهوى قلبه تسريه الاشواق
....................وفكره على سيل التفاكير والم
دايم يقف نومه على باب الارهاق
...................يرسم على اطلال المحبه معالم
اليا انتخى بالصبر . لـ الصبر حراق
....................والعين عيت . للمدامع اتسالم
من حاجته / كنه على حروة افراق
................لو كان في رجوى المواصيل حالم
كم فيه من حبرٍ شكت منه الاوراق
................. وكم منه مظلومٍ شكى جور ظالم



.

.

ليه اهزّم الموج كله لين اجيك
........... وانت !! بحر ٍ ما على شطه نجاه


: (

.

.


الحب للروح الوفيه دين
....................والقلب طيرٍ عانق اسرابه
واللي قدم رجله على بابين
....................لو مد حبله لا تلوى ابه
اخاف لايلعب على الحبلين
...................ويقول قلبي منهو اولى به
اللي يعيش الحب قلب وعين
...............لا اشتاق ما يبطي عن احبابه

.

.

.

يسوقني لـ اشواق وصلك ترانيم
...............والشوق لا حل بحشا الصدر دمّر
بعض المحبه /تطلب القلب تعظيم
............... دايم على صادق شعورك تـ أمّر
اما انت حبك له تحيه وتسليم
.....................طلعه بذرته بالمحاني وعمّر
يعني على ما تستجد المفاهيم
..................يفوق عن حب العتيبي لشّمر



.

.

.


انبح صوت االغياب وطالت الطرقه.
...................... .والحب معروف لا طال النوى كاوي

ما ادري متى الوجد . يهزم لايع الحرقه
..........................اللي على الكبد لا ترحم ولا تاوي

لا صار كلك حنين ونومتك سرقه
.........................ما اضن جرحك مع الايام متشاوي



.

.
دريتو ؟
.
.
.



.

.احساسي . بقى كذاب

.................يلعنك وس سويت يا احساسي
موصيه / لاينشد عن الغياب
................وناهيه / لا يطرد ورى الناسي

.

.
.
تعال واسكن عيوني . بس بشوفك
....................وبغض طرفي وقلي عن ملا محها
مافيه داعي .تفسر لي سبب خوفك
................... اللي عرف قدر عينه كيف يجرحها
.

.

.


شوفي سماء / وخيول فكري مداوير
...........ماني من اللي خير كسبه /من ادنا
انا / وهوجاسي / لبدع التصاوير
................عدٍ على صافي زلاله وردنا
لا استسلمت روحي لسيل التفاكير
..............ناخذ من انجوم المجره مددنا
يا اما كسبنا / واقتفينا مضاهير
.......... ويا ما من ظروف الليالي فقدنا
الياس لو يغرق ببحره بوابير
................قدام تيار الاماني صمدنا
تلقى لحبك .في ضميري تفاسير
............لا طالت الغربه وبعدك لهدنا
الصدر فوحه مثل فوح المباهير
.......والعين . يفضح شوقها لو جحدنا
ما عاد نلقى في صدودك تبارير
.......يمكن على صفحة كتابك وجدنا
نشوف وجه الصبح كله تعابير
... والليل لا استوحش غيابك / نشدنا




.

.
.

حبك على نبضي تربا
.............اغليك ! حتى قلبك الحي
ما هوب بس اللي يلبا
............ الا .. يا لبا كل ابو شي

.

.

للشوق عبره في سواليف الاحباب
.................... نادي شعورك / وافهمي لا بديتي
لا تسآليني / ما ادري الليل وش جاب
.......................بس الوكاد انتي هنا وش لقيتي
يوم ان حرفي بين الانفاس ينساب
...........................وتحركت به جمرتين وقريتي
دغدغ شغاف القلب فواح الاطياب
...................حسيت بك في داخلي / ما دريتي!
كاني عطيتك / وانتفح للغلا باب
.....................قولي لقلب ٍ يسآلك وش عطيتي
ما زلت احبك / لو بقى الجرح ما طاب
...................... بس اذكر انك في غيابي بكيتي
لا تلحقيني شرهة القلب لا ذاب
.......................انا كتبت الروح / وانتي هويتي

.

.

صحيح لو تشتاق لي كثر ما اغليك
....................ما ابطيت عني واصبح الصد عاده
صب العتب / فيني وانا كلي اهديك
..........................طرد المقفي لو نحبه / نقآده



.

.

.


انا ادري اني بعيد / ورحت عن بالك
................. لكن طلبتك / نصيحه صورتك شلها
من كثر ما شفت عمري بالهوى هالك
.......................تحرقني الجمره اللي ودي اكلها



: (

.
.
يا صادق الود / خليتك على شطّره
....................لا تلحق اللوم نفسي منك قد طابت
كف العتب : كان باقي للعتب قطره
....................بعض المشاريه / لا ودت ولا جابت
لو قالو الحب مولود ٍ على الفطره
....................عرق الخيانه على صدر الوفا نابت

.

.
.

اللي يحب انسان / عينه على انسان
................... تابس شفاته / دون عذب المشارب
واللي يسلم .قلبه الحب مجان
........................ كنه يسوي في خفوقه تجارب



.

.
.

دقايق العاشق ثمينه
.............ياللي على قلبي توايقت
حتى ولو روحي رهينه
.............بيني وبينك مسآلة وقت
حطيت قلبي لك مدينه
.............وانته على بابه تضايقت



.

.
.
يا بخت ذاك الحنين اللي سكن صدرك
......................ويا حلو لبيه لا ذابت مع انفاسك
ياما هزمت الدياجي في رجى بدرك
.................واكبر طموحي يهيم بصادق احساسك
اشكر / خفوق ٍ عن العالم رفع قدرك
................لا ساقك الشوق / تعرف وين مجلاسك

.
.
يا بريد الشوق وين اغلى رصيدي
......................في ضاف الحلم يا بحرٍ عبرتك
بالحرام انته لو انك من قصيدي
.................عن عيون الناس بالجوف ادخرتك
كيف لو انك بقيت اغلى جديدي
...................... بالطلاق انك لتبطي ما نشرتك
اكتفي بحساس نبضك مع وريدي
.................. لو هجرت الناس تحلم لو هجرتك

.

.

ان قلت لك سولف /تحت امرك
.....................فكري يسابقني على طيفك
وان طاحت اعيوني على جمرك
................. غارت من اشفاهك /سواليفك





::

.

.

بكسر عنادي /في رضا القلب واشوف
..............وان طال صدك / وانتهى الشوق شف لك
حل ٍ يحطم داخلك حاجز الخوف
................يهزم / معك ضرف الزمن لا عزف لك
الود لامنه غشى الروح معروف
......................من وين ما وجهت قلبي وقف لك
احاول اكذب / واخفي الحب بالجوف
....................والقى عيوني /لا حكت تعترف لك



.

اصد /عن طيفه / واناديه
..............واتنفسه / وارضي غروره
يا قلب كانك ميتٍ فيه
................فيك الدجا محتاج نوره
اكيد لو طال المدى اجيه
............... بس اتاكد من شعوره : (





.

.

.

غيمتك / ساقت على قلبي مطر
................لا انجرح خدك على كف الرياح
سولفي لي بكتب ااسمك في شطر
..................والبسي من عالم اشعوري وشاح






.

.

.


كان وصلك /يابعد روح ٍ تودك جنه
................قل لبعدك لا يفكر يستثير اجنوني
ما بغينا /مع غلاك الا سلام السنه
...............يا مسابقني على قلبي ونون عيوني