 |
 |
 |
||
 |
 |
|
|
|
|
||
|
|
|
 |
 |
 |
 |
|||||||||
|
||||||||||||
 |
 |
 |
 |
|||||||||
| ..: المرقاب للأدبِ والثّقَافَةِ :.. الشعر الحر - النقد البنّاء - دراسات أدبيّة |
 |
|
|
أدوات الموضوع | ابحث في الموضوع | انواع عرض الموضوع |
16-05-2009, 02:14 AM
|
#45 | |
|
مستشارة فنيّه
|
متى بترضى وعروق القلب تحييها هاضت بقلبي شجون وجوّنا غايم سيّل شعيب الجروح وفاض واديها طيفك بعيني معي صاحي وأنا نايم وتبقى بروحي إليـن الله يفنيهـا هجرت عينٍ تمنى شوفتك دايـم يا أغلى عليّه من الدنيا ومافيهـا غيبي وببقى لك بكل العمر هايم وزهور حبّك بدمع اعيوني أسقيها مادام شيٍ وربي وحـده الدايـم واللي بقى صورتك بعيون مغليها لمتي علي دايم ولاجيت لك لايـم أنسى ماودي عيونك يوم أبكيها ليت الزعل سلعةٍ وأجيلها سايـم لويرتفع سوقها لأرضيك وأشريها العمر يمشي ولازال الزعل قايـم متى بترضى وعروق القلب تحييها لـ \مشعل الفدغوش 13 \ 5 \ 2009م  |
|
• اللهم أغفر لـِ والديّ وأرحمهما كما ربياني صغيرآ اللهم أرحمهما من عذاب النار وعذاب القبر وأسكنهما فسيح جناتك مع الصديقين والشهداء وحسن أولئك رفيقا اللهم وسّع قبريهما وأجعل قبريهما روضة من رياض الجنه اللهم إن كانا محسنين فزد في إحسانهما وإن كانا مسيئين فتجاوز عن سيئاتهما
|
|
16-05-2009, 02:17 AM
|
#46 | |
|
مستشارة فنيّه
|
حنين .. كلك على بعضك.. حلو .. يأسمى تعابير الجمـال يالناعم المترف على.. مثـل البيـاض المخملـي يالي تثير من الكـلام .. الكامـن الـي مايقـال يامنتهـى الفتنه..وربـي .. يالطـراز الاولــي ياخلطة السحر العمانـي .. والخرافـه والخيـال ياشامخ الحسن الدمشقـي .. والتـراث البابلـي يالفارع ..الفاخر .. لعب عودك على الساقي ومال ورمانك الفاحش زمـى فـوق القـوام الممتلـي يأشهى.. عناقيد العنب .. يالبارد العـذب الـزلال يأبوثمـانٍ ساطعـه .. وسـط الشفايـا الذبلـي نبرات صوتك في فضاء.. سمعي .. تقاسيم ودلال أنغام.. زرياب ..ولحن.. أحمد اسحاق الموصلـي يالمرمر الصافي يأبو ضحكه عليها .. حب خـال ماهمني وأنـا معـك .. فـي أيّ جنـبٍ مقتلـي يالكركمي ..يالفستقي.. يأحمر مثـل دم الغـزال يالمعة المـاس الطبيعـي ..والجواهـر والحلـي يأشمسي الي لفها .. ليلاً سرى مـن دون شـال يانجمي اليّ.. في سماء عمري ..مكانه معتلـي ياغايتي .. رغماً عن الحاسد ولو جالـه مجـال يامنهجـي وأنـا علـى نهـج الامـام الحنبلـي نسيتني .. وأشقيتني ياصاحبي والهجـر.. طـال ولا..جادت أيامك ..والا.. حتـى بحبـة خردلـي أدخلتني دوامـةٍ ..فيهـا الحـرام مـع الحـلال فتنتنـي.. فتنـة هـل البصـره بسيدنـا علـي وخليتني ياصاحبي.. أمشي علـى كـف الهبـال ومستقبلي ... ياصاحبي ... بعدك مابي مستقبلي كلك على بعضك حلو ..وخالد.. يبي منك الوصال يالناعم ..المترف.. على مثل البيـاض المخملـي لـ \ خالد الروقي 15 \ 5 \ 2009 م |
|
|
|
|
16-05-2009, 02:19 AM
|
#47 | |
|
مستشارة فنيّه
|
نفحة عبير لسموالأمير ياسيدي تركي ولد خالد عسى عمـرك طويـل يمك نخـل شعـري أعذوقـه ميلـت جرايـده انـت جزيـل ولا يقـدم للجزيـل الا الجزيـل وأنا علـي أعـد مـن جزلـه ومـن فرايـده سمعتك جابتنـي وخلـت يمـك الكفـه تميـل طيـب وطيبـك لاتصنـع شـيً الله رايــده هاذيـه أبيـاتً هديـه قلتهـا قـبـل قلـيـل والشعر يبغـى وقـت حتـى تكتمـل شرايـده أسرح عليه الصبح والا أسري عليه اطراف ليل أقضب له المرصـاد والا اطـرد ورى طرايـده واللي بقولـه بالكـرم ياسيـدي مالـك مثيـل وهاذي ثمرة الحكي عن طوله وعـن سرايـده شرفتنا ياسيدي تركي عسـى عمـرك طويـل والطيـب فيكـم لاتصنـع شـيً الله رايــده لـ \ علي بن صامل 15 \ 5 \ 2009 م |
|
|
|
|
16-05-2009, 02:21 AM
|
#48 | |
|
مستشارة فنيّه
|
آووفـــ ... آشوف وآجحد نظر عيني وآقول آووف وآصـدّ صـدّة عـزيـز ن شــاف مـاعـاف وآقــول والـعـزم مـمّـا شـفـت مـكـتـوف كنّي على الريـق مِسقَـى سـم ن زعـاف ياكثـر مـن دون شـفّـي تَـعـرَق اكـفـوف والقلـب جوعِـه علـى العينيـن ينـشـاف حركتنّـي غصـب يابـو خـصـر ملـفـوف يااللـي عليـك المفاتـن مالهـا آوصــاف تمـشـي كَـأنّـك عـلـى ممـشـاك مـدفـوف باآحـلـى تـهـزّاع زانِــه عــود غـريــاف وعليك سلهام عجل ن مونـس الخـوف بعـيـون فيـهـا رمـوشـك كنّـهـا الـحـاف وانامـل .. الـرآك فيهـا تـارك اوصـوف ويزيدهـا لمـع مـرو.ن. فــوق مـشـراف واربـع مهالـك. تـزوم وتــرّث احـتـوف فيهـا تمـدري نضـاج ورقـصَـة اخـفـاف يـالـيـت لقـلـوبـنـا فابـيـوتـنـا ارفــــوف أو جرعـة ن مـن خَلِـي تِعطَـى لمـنـلاف قبـل التسـوّق وَســط هــادي وملـقـوف ومَراتـع مـن الحيـا والحشمـه اعـجـاف بعـض النظَـر للنـقـي مـاهـو بمخـلـوف امـا رخـى الـراس والا صـابـه اشـعـاف مـراّت اهنّـي ضريـر ن مالـقـا الـشـوف لاشفـت شـي ن يـرّد اعزومـي اخــلاف لـ \ عبدالله بن علي 14 \ 5 \ 2009 م |
|
|
|
|
16-05-2009, 04:36 AM
|
#49 | |
|
(*( عضو )*)
|
لاهنتي
موضوع جميل ويستحق المتابعـه .. وفكره نادره وتحسب لك يامبدع  كل الشكر |
|
|
|
|
16-05-2009, 06:02 PM
|
#51 | |
|
مستشارة فنيّه
|
(( سراب الأماني )) يا حالِمة ليل السهر ويش تاليه؟ ماذا تركنا في قنيب الذيابـة ؟! هاتي انفعالات القصيد وقوافيـه فكّي يدينه من سلاسل غيابـه صبّت مرازيم الشعر من محانيـه صدر الغريب اللي ضلوعه ركابه يرقى نزوله في قـرارة خوافيـه وينحر يقينه كل مـادق بابـه تمتد له صحرى الأماني وتدعيـه يشحذ رواها من بريق السّرابـة ماهو جهل فيها ولا هو بخافيـه لَكن واديّـه نحـى وانتحابـه لوّ أن ما يعرف من الحق يحكيه يعود من غـده لطينـة ترابـه يا حالِمة لو مالمسنـا المشاريـه شلون تقرانا عيـون الغلابـة؟ يا ما ورى المشّة كثيـرً نداريـه مثل اليتيم اللـي تخنقـه ثيابـه هذا الشعر لا ثار ناقف نهديـه جرأتـه تفتـح علينـا طلابـة لوّ إننا نشكي على مـا نعانيـه ماكان صبّينا الشعر في الصّبابـة منبع عذاري ما روت به ظواميه ومافيه طينٍ نايـدٍ مـا روابـه خلّي الغريب يعيش موطن منافيه ويقرأ على نفسه نوادر كتابـه بستان ماقـدّر تفانـي سوانيـه وشعاد لوّ إنه ... قراح شرابـه لـ \ محمد السالم 16 \ 5 \ 2009م |
|
|
|
|
16-05-2009, 06:04 PM
|
#52 | |
|
مستشارة فنيّه
|
(( حب تغشيش )) ملّيت درب الهوى ياامْ العكاريـش قلب البنادم ملـول ودربنـا طـال بالذات والحب هذا حـب تغشيـش لو هو حقيقي نقول : البعد قتّـال! حبٍ سكن فالقلوب/ بمرحلة طيـش رحّال وان طالـت الآيـام رحّـال نسهر ونحرق ضمايرنا على ويش؟ والله يالغاليـه ماحالـنـا حــال نصبح معاطيشٍ ونمسي معاطيـش نطرد سرابٍ وصوله شـيٍ مْحـال عيشي بدوني وانا من دونك آعيش ماماتـت احـلامٍ وْلاخابـت آمـال انا مصيري مطارَد لقمـة العيـش وانتي مصيرك يضمّك بيت رجـال ويرزقني الله تعالى منبت الريـش بالزوجه الصالحه وافرح بالاطفـال لـ \ فالح المصعوك 16 \ 5 \ 2009م |
|
|
|
|
16-05-2009, 06:11 PM
|
#53 | |
|
مستشارة فنيّه
|
أكيد دافعها الحقيقي رجوله قصيده فالشيخ:عايد بن ضيف الله بن عياد الدلبحي العتيبي الفزعـه اللـي مادفعهـا فوايـد أكيـد دافعهـا الحقيقـي رجولـه أمثال فزعة طيب الـراس عايـد غلـق علينـا كـل قـولٍ نقولـه يالدلبحي موقفـك طيـب وكايـد ولاينتهيـا للعـرب بالسهـولـه وفزعتك معنـا ياوسيـع البنايـد دين لك الله ما تضعضع زحولـه فقلوبنا قبل الصحـف والجرايـد ومنا الوفا والشكر ساعة حلولـه طلعك وكاد ومخلب الحـر صايـد ياللي سبحت الطيب عرضه وطوله للمرجله في نـون عينـك وقايـد وحاضرك من ماضيك عز وبطوله ربعك مسقيـن الحريـب النكايـد ياما خذوا في نجد صوله وجولـه الاد روق معربـيـن الـعـوايـد لاثقلت حمول الزمـان أرتكولـه وأنته يابن عيـاد منتـه بحايـد يوم الضعيف يحيد ممشـا ذلولـه يالدلبحي مافـي مقامـك زهايـد والمدح في مثلك تكامـل فصولـه ياطيب النخـوه خصالـك حمايـد ولايمدح إلا اللي تنومـس فعولـه وتمت وأنا شاعر من آلاد زايـد وأنتـه عتيبـي طـوالٍ شبولـه لـ \ محسن فالح الدوسري 16 \ 5 \ 2009 م |
|
|
|
|
16-05-2009, 06:14 PM
|
#54 | |
|
مستشارة فنيّه
|
(( لـ عشاق متعة الملاعب )) يلومون قلبي بعـد غنـت مشاعيـره وأنا خافقي ماينكـر الملـح والـزادي ياليث الملاعب سيرتك دونـت سيـره عليها حروف الفخر بالوقـت تنقـادي عشقتك وقلبي يـم طيفـك مشاويـره على خطوة الابداع سـرداد مـردادي عشقتك على صغري وعشقي بتصويره يصور رموز الحب في داخل فـوادي ياشيخ النـوادي وقتنـا قـال تعبيـره ولو كلمته غاضت شرايين الاحقـادي فريق الشباب اللـي تغنـي جماهيـره على نغمة الابداع في معظـم بـلادي فريـقٍ تجلـت هيبتـه بعـد تقديـره بصيتٍ بدى مع ريحة المسك والكادي عزم واستنار بكأس الابطال تنويـره وهذا الموسم الثاني بكسبه بزغ بـادي يالاتي تحملهـا عسـى ثقلهـا خيـره رباعيـة الاهـداف تحتـاج عـدادي فرحنا وجو الفخر رفرف لنـا طيـره وعلى ساحة الميدان تجتاح الاسيـادي مادام الاسـد خالـد تلـوح تباشيـره على الدعم يبقى ليثنا فوق الامجـادي هذا خالد السلطان رمزٍ نبـع خيـره رئيس الوفاء والجود بالجود معتـادي هو الليث خالد في عرينه ولا غيـره يسد اللوازم بالسخاء بيـن الاشهـادي سمو الامير اللي مع المجـد تفكيـره ركزله مع ارجال الزمن عز وشدادي ولا أنساك ياللي بالوفاء يشعب بعيـره ياراع الجهود اللي لها يطرب الحادي هذا خالد البلطان صيته طرق زيـره يشيل السجايا والنقاء بيـن الاحـدادي ونجوم الشباب وفنهـم بـان تقريـره هذا برشلونه فن مع عـزم وعنـادي كتبت القصيده والوفاء يسبـق الغيـره أنا وسط داري بس قلبي مـع النـادي لـ \ عبدالرحمن البراق 16 \ 5 \ 2009 م |
|
|
|
|
16-05-2009, 06:17 PM
|
#55 | |
|
مستشارة فنيّه
|
حـركشــه بــركشــه فرفـشـي مــا حــلا دمــك مــع الفرفـشـه فـوق مـا الله عطـاك مـن الحـلا فرفـشـي نعـنـشـي جمرتـيـنـن حــمــر ومنـعـنـشـه ببـتـسـامـتـك ولا بـهـمـسـتــك نـعـنــشــي أول الـحــب يـبــدأ حـركـشــه بـركـشــه وأرخبـيـل المحـبـة حـركـشـي بـركـشـي نــار يــا جـمـر وأروي ياكـبـو أعـطـشـه وطيش يا نبع وأروى من الضما ياعطشي عـلـم الـمـاء بـســر الـثـلـج والطـرطـشـه وذكـر الليـل نــور الفـجـر قـبـل العـشـي أبسـط الـروح والـحـاف الـغـرام أفـرشـه فلـهـا زال تـقـدر بـيـن ركــض و مـشــي قـبــل وأنـــك تـدوبــي بـالـقـدم كشـكـشـه بـــل كـبــدك مـــن الـمـنـاش والمنـتـشـي الـدهــر والسـنـيـن الـمـجـدبـه مـوحـشــه لــو هـديـل الحـمـام الـيـا هـدلـك شـجــي مـرك الصـوت يـا بـيـت ٌ بــدون أدرشــه قلبـك أجـوف وبطنـك مثـل بطـن أحبشـي كـــان مـالــك تـــردد سـالــم الـوشـوشـه والله انــك لتبـطـي أرسـالـك أموشـوشـي وزيـن لـن كـان مـا ترجـع بـعـد ملطـشـه وكـل مـن هـب ولا دب نوشـك ( شــي ) الـدبــش وحـــده مـنـهـا تـسـمـى دبــشــه والحضر ما تقول أستح ( ياواد أختشي ) لـــف عـمــة أبـــو عـــرام فالحـشـحـشـه طـق فوطـه عـلـى المـركـاز ثــم أبكـشـي وحـسّـن الـفـاظ حـارتـنـا عـــن المنـتـشـه بـشـبـش الله طـوبــة جــــدك البـشـبـشـي راس ضبـي ٌ تصيـده مــاش لــو تعـرشـه يـأخـذ الـجـوع حـقـه مـنـك لــو تحتـشـي أمــس سـالـي مــع الـلـي كـفـهـا تنـقـشـة أبـيـض ٌ ينـعـس الحـنـاء مـعــه ويـغـشـي مثـل مانعـس معـه وأغشـى وفـي أدهشـه أستـغـفـر الله أحسـبـنـه بـيــاض أنـعـشـي لـ \ زيد العتيبي 16 \ 5 \ 2009م |
|
|
|
|
17-05-2009, 01:01 PM
|
#56 | |
|
مستشارة فنيّه
|
سلطان ابن جهجاه ! البارحه عديـت فـي راس مرقـاب اسرج خيول الفكر وطلـق حصـاره يوم استوى المحراف والكيف لي طاب خليتهـا بيـن السمـاء والمـنـاره وطرقت باب المدح بالشعر من بـاب ذكر الحقايـق مـا نويـت الاثـاره يا اهل العقول الراجحه واهل الالبـاب المعتبـر مـا احتـاج رد اعتـبـاره شمس الحقيقه ما يجي دونها احجاب سبحان مـن يولـج بليلـه نهـاره الدهر لامن شان قاسـي ولـه نـاب ولا احدآ يرد الموت لا جـاء قطـاره احدآ ليا من مات ننسـاه وش جـاب مثـل البليـد الـي رسـب فختبـاره ولا العظيم يشيع صيته ولـو غـاب عن ناظـري يبقـى بقلبـي وقـاره للنار فـي روس الطويـلات شبـاب والحـر يفهـم لا دعـي بـالاشـاره ان كـان للتـاريـخ راوي وكـتـاب هـذا كلامـي فـي صريـح العبـاره مافيه جمله بالنحـو مالهـا اعـراب ولافيه كوكـب مـا يحـدد مسـاره ما اقول قول الاوحاسب لـه احسـاب ما جيت من باب السطـر والنعـاره وان جيت من باب التفاخر بالانسـاب فالمدح فبن احميد مـا هـو خسـاره سلطان بن جهجـاه فكـاك الانشـاب اميـر فـي وقتـآ تضيـع الامـاره من كثر ما اسمع بالعزاوي والالقـاب لو مـات تبقـى عزوتـه بالصـداره اميرنا مـن هيبتـه عنـد الاجنـاب لا احتك عود بعـود يوخـذ بشـاره حكيـم راي وللمهـمـات جــلاب وفي قمة التاريـخ قـد شـب نـاره كم واحدآ من غيبة صـار منصـاب عليه تصفـق فـي يمينـه يسـاره ما الؤم من دمعه على الخـد سكـاب مثل السجين الـي تحـرى الزيـاره شف جرهدي البيد وسهول وهضـاب والنفـد حنـت لـه زبـاره زبـاره واختامها ما اسوق حرفي ليا شـاب يكفيك عن طـول الكـلام اختصـاره جاب الشيوخ الي يفكـون الارقـاب ملفى الغريب الي جلـى عـن ديـاره لـ \ عبدالمحسن العتيبي 16 \ 5 \ 2009م |
|
|
|
|
17-05-2009, 01:04 PM
|
#57 | |
|
مستشارة فنيّه
|
غشــتك نظرتك وإلا الناس غشــوك غشتك نظرتك وإلا الناس غشـوك أصحاب منت امتوقع منهم الغـش حيّوا وصبوا لك الدلـه وعشـوك الثغر لك مبتسم والوجه لـك بـش وعقب الكرامه بغالي الطيب رشوك ماتسمع إلا هلا بالطـش والـرش ومن يوم ودعت هند الباب حشوك غفله وظنوك منت بسامع الحـش لكن كـلامٍ سمعتـه كنـه الشـوك وإلا إشتعال الشرار بيابس القـش شيٍ يقول إمش دام الناس مشـوك وشيٍ يقلّك تفـك البـاب وتخـش تشعل عليهم لهيـبٍ فيـه طشـوك وتهدم عليهم جدار الصحبه الهـش لكن يقول العقـل مـادام عشـوك إن كان تقدر تمشيهـا لهـم مـش لـ \ عبدالله الطلحي 16 \ 5 \ 2009م |
|
|
|
|
17-05-2009, 01:06 PM
|
#58 | |
|
مستشارة فنيّه
|
من يجهل الخيل مايعرف مرابطها النفس عـن هرجـة الجهـال ضابطهـا ولاقولـي كلمـةٍ مهـيـب مضبـوطـه علـي اقيـس اهدومـي قـدم اخيطهـا مالبـس اثيـابٍ بغيرقيـاس مخيـوطـه ومن يجهل الخيـل مايعـرف مرابطهـا والحرف قاريه يعـرف ماضـع نقوطـه قامـت تمـادى المسبـه فـي تخبطهـا نـاسً يبابـون والـهـداف مغطـوطـه اوحـي لغاهاومقفـي عـن مشايطـهـا ولاني بهايـب لـو الاريـاق مشطوطـه عندي صعوط المجنن واعرف اصعطهـا مار البلا الي علـى الارقـاب محطوطـه حـدبٍ تهـاب اليمانـي مـن تسلطهـا واحكامهـا كلهـا بألشـرع مربـوطـه واعمـال شيطانهـا الرحمـن محبطهـا على الـردا اهـل الردامهيـب مغبوطـه واللحيـه الـي قليـل العـز شامطـهـا قدام عينـي بوسـط السـوق مبطوطـه ولاهيـب همـي ولويكـثـر مهايطـهـا وعسى البشركلبوهـا تعيـش مبسوطـه دعـواً للادنيـن والقصيـن سافطـهـا ماقلتهامـن ضميـري غيـر مسفوطـه ابـيـوت شعرٍاسـواهـا مايخلـطـهـا من راس الاجرب على القرطاس مخطوطه لـ \ فهيد الرويس 16 \ 5 \ 2009م |
|
|
|
|
17-05-2009, 01:08 PM
|
#59 | |
|
مستشارة فنيّه
|
اغلى المزايا ! مع سابق العمد كان لدمعـي الحـار ماحـرّك الصمـت واقتـاد الخلايـا اغرت عيوني تفاصيل ابنهـا البـار واستدرجـت كـل سكـان الحنايـا لين امتلا صوتي المبحـوح وانهـار تحت المطرّف من انقـاض الخطايـا يامعطي الجرح من نظرتـك تذكـار اوجعت واجزلت فـي بـذل العطايـا موقفك دلل عليك .. وبالـك اختـار وانا اقدر اقراك مـن كـل الزوايـا اهديتنـي كـل ماتمليـه الاعــذار واوعزت لك عـن قبولـي بالهدايـا حتّم علي الغلا مع سبـق الاصـرار اسـوق الاعـذار باقـدام المطايـا مانيب من يعرض احساسه على النار لو اعرض العمر في سـوق المنايـا اضرب بيد من قساوه واسدل ستـار الشايك مـن الدعـاوي والقضايـا وارسل علي التعب في الروح مدرار اوعدك لااستقبلـه باغلـى المزايـا انا اكثر النـاس تسليمـا ً بالاقـدار وانا احسـن النـاس ظنـاً بالنوايـا لـ \ عناد النفيعي 17 \ 5 \ 2009م |
|
|
|
|
20-05-2009, 07:29 PM
|
#60 | |
|
مستشارة فنيّه
|
فرض الحصار والله مالك معي غيـر الغـلا والوقـار وليا زعلتي كذا بحر الخليـج اشربيـه ماني مولع على ذكراك ضـو انتظـار ولاهوب انا من يـدور جـادلٍ ماتبيـه لو كنت اعاني من اللوعات ليل ونهار مازلت من دون وجهي واقفٍ واحتميه فالقلب باقي صبر لو شب بالصدر نـار والرجل ينساق طيبه من خواله وابيـه وان كان فخرك باماره من طوال العمار انا وجيـهٍ وجاهـي فالقبايـل وجيـه حتى لو انـك ظلمتينـي بكـل اقتـدار مازال في خافقي قـدرٍ لمثلـك نزيـه ماجاك مني سوى غلطه وجاك اعتـذار والله يعلم شعورك كيف كنـت احتويـه ولو كل عينٍ ترى فالظلـم رد اعتبـار ماكان خد المفارق سال دمعـك عليـه واكبر دليل اسمك اللي كان خلف الستار قلتيه لاجل انهي المشوار مدري ابتديه ياللي جبينك بياضه مختلـط بالحمـار قبل اختلافك معي كنت احشمه واشتهيه لاترسلين الرسايل عقب فرض الحصار خلي جروحي بروحي ليه ؟ من غير ليه الحظ مايعتـدل والكـون مالـه قـرار وش عاد اسوي بحظٍ مالزمـك بيديـه لـ \ نواف نايف 17 \ 5 \ 2009 م |
|
|
|
|
20-05-2009, 07:32 PM
|
#61 | |
|
مستشارة فنيّه
|
احــــــــــاســـيـــــس غـــــــــربـــــــــه على الهون ياصدر المواجيـع لاتحتـار معك ضيقة الخاطر والافـراح مطويـه صداها بجوفي معلنـن حالـة استنفـار ومعاناتهـا كنـهـا مقابـيـس نـاريـه لها وقع ما بين الحنايـا وعليهـا شعـار نعـم للمفـارق والحـيـاة الشقـاويـه توكلت فى حفظ الولي عالـم الاسـرار تحت حكم رب ٍ يغفـر الذنـب والسيـه بعد مانويت ارحل وغادر هلـي والـدار عزمـت وعقـدة الـراي والنيـه النيـه مكاتيب لابن ادم وتجـري بـه الاقـدار وهو فى ذرا جـور الزمـان وبلاويـه تحملت حمل ٍ مايحملـه جبـل سنجـار ولايقـدره مـن هـو يحـب المحنـيـه ودعت القرايب والاهل قبل اشوف الجار وانا عبرتي تاتـي مـن العيـن عفويـه تجينى كذا من دون مااشعـر ولا بختـار مشاعـر ائليمـه لا ذكـرت الوداعيـه حزين وفقدة اللي لهـم داخلـي تذكـار خيال ٍ يجينـي كـل صبـح ٍ وعصريـه الى من طرا لي ذكرهـم قلـت ياستـار عسى الله يقدرنـي علـى بـر والديـه مع الحزن والهاجوس هم ٍ علـي ينهـار تهل الدمـوع وضيقـة الصـدر مخفيـه وقلت اصبرى ياعين هـذا الزمـن دوار تسلـي بشـاة اهـل القنـاه الفضائـيـه عسى السيل يسقى ديرة ٍ واسمها عين دار وتفيـض الاماكـن كلهـا مـن خباريـه منازل ربوعن فى ضميرى لهـم مقـدار بنى عمى اهل الطيـب والديـره الحيـه وانا ودي بقرب المشاكيل واهـل الكـار ولاكن ظروفي تبعد الخـي عـن خيـه تغربت عنكـم وابتعدنـا عـن الانظـار ومنهـا نبـي نكسـب شهـادات علميـه طراة الفتي يرقـا ولا ينـزل المحـدار مثـل والمثـل ملـزوم تعـرف مباديـه يحافظ على دينه بحزم وعـزم وصـرار ولاخـاب مـن مثـل بـلاد السعوديـه لـ \ محمد الحمراني 17 \ 5 \ 2009 م |
|
|
|
|
20-05-2009, 07:34 PM
|
#62 | |
|
مستشارة فنيّه
|
النفس الشقيه مشاركه اولى ما خذيت امن السنين الماضيـات الا العـلام ولا خبرت امن الليالـي غيـر مـرّ فتوقهـا ساهـر ٍ ثلثيـن ليلـي بـالتفكّـر والهيـام فـالحياه وفي أمور ٍ مـا قويـت أحروقهـا أحتري مطلق سبيلي عقب مـا طـال المقـام ملّت النفس الشقيّـه مـن يبـاس عروقهـا لو أبسكت عن حقيقه طالنـي ضـل الغمـام والبشر مهما تسـوي مـا لحقـت حلوقهـا من خِلقت أحشم لساني وأحسب حساب الحشام والرّجال فـذمتـيّ لا مـا تضيـع حقوقهـا الخوي ما أبحـث خفـاه ولا أدور بـه كـلام الرحب يسبـق قدوعـه و الـدلال اسوقهـا آتشيّـم بـالكرامـه للـحـلال وللـحـرام ولقمة ٍ من قسم غيري حالـف ٍ مـا ذوقهـا إن رضيت أرضى لغيري لو لحقني بـه مـلام حكمة ٍ من روح شايـب رحمـة الله فوقهـا الاصيل يعيش عمره كـم يـوم وكـم عـام ولو يموت أحياه ذكره عنـد نـاس يشوقهـا فـالرجل وان عاش يومه ما يخطف الا السنام ولا يهيم بحاجة ٍ لـه غيـر يدخـل سوقهـا والردي وان عاش عمره سل سيفـه بالكـلام ولا يهمه فـالخلايق غيـر ضحـك شدوقهـا ما طرالـه ركعتيـن ٍ يـوم خلـق الله نيـام المراجـل فـي ضميـره مطلقيـن سبوقهـا لـ \ حمد نشمي 18 \ 5 \ 2009 م |
|
|
|
|
20-05-2009, 07:37 PM
|
#63 | |
|
مستشارة فنيّه
|
أشكي عليك الخيل ..!! من حب مدري من جنون وسعاطيـر يطيـش راسـي لا ذكرتـك خلافـي عليك لـو هـم يكثـرون المناعيـر سيـرة توافيـق الوفـا واختـلافـي ومنك انت حيـام المـودة مصاديـر يمـي ويمـك مـاتـذر السـوافـي اشكي عليك الخيل ليـن انهـا تغيـر واشكي عليهـا هاجسـي والقوافـي يطريك طيب الصبح من طاري عصير واذكرك قبل السعي عقـب الطوافـي لن انت امير وكل ما صحت يا أميـر تسرج لي خيول الوفا وانـت وافـي لك في قلوب الربـع هيبـه وتقديـر واللـي يلـوذ بهيبتـك مـا يخافـي يا بوي ما يطري على خاطري غيـر حبـك وحـب مجالسـك يالسنافـي عساك دايم يالعطـاوي علـى خيـر وعساك يـا ذيـب الرجـال متعافـي لـ \ سلطان العطاوي 19 \ 5 \ 2009 م |
|
|
|
|
20-05-2009, 07:39 PM
|
#64 | |
|
مستشارة فنيّه
|
بغيت اطيح .. وسهّـل الله .. ولاطحْـت لـو الغـلا بيْـدي نسيـت وتريـحْـت لكن عجزت اقدر ليا قلـت ابـا انسـاك البارحه يوم العـرب رقـدوا .. صحْـت وناديـت مابـيـن التجـاهـل والادراك بغيت اطيح .. وسهّـل الله .. ولاطحْـت وبديت خطوه .. خطوه .. وجيت لرضاك كتبت لك نـص القضيـة .. و صرحـت انـي علـى عهـد الهـوى واتـحـراك و .. آبوك انا كتمت مابي .. و .. وبيحْت وشرحت لك مضمـون ماكـان يخفـاك اسمك نحتّه في جـدار الغـلا .. نحْـت وفتحت لك قلب ٍ علـى الصـدق يهـواك قلب ٍ تعلّـق فيـك حتـى ولـو رحْـت يذكرك ما اذكـر فيـه لحظـه تناسـاك على الورق ناحت هواجيسي .. ونحْـت وجرّيت صوتي بين طيفـك .. وذكـراك كان الهجر ذنب .. وخطيه .. تسامحْـت اهـمّ شـي ارجـع ترانـي بـرجـواك صبّحتنـي بالهجـر وانــا تصبّـحْـت بالهمّ .. جعل اللي بلا .. القلـب يبـلاك حتى تعـرْف انـي لـو اقـدر تريحْـت وليا بغيت انساك مـن قلبـي .. انسـاك لـ \ عبدالعزيز المرشدي 19 \ 5 \ 2009م |
|
|
|
|
20-05-2009, 07:43 PM
|
#65 | |
|
مستشارة فنيّه
|
عتيبيّه!! عتيبيّـه .. عريـب ٍ ساسهـا .. ومعرّبـة جدّيـن سنـام المجـد منهـا ومتسلسـل مـن سلايلـهـا مغنّ أصل وفصل ومرددّه ما جـات بيـن .. وبيـن يحـق لـي التفاخـر كـلّ مـا عـدوّا تسلسلـهـا حفيـدة كاسبيـن الأوّلـه بالسيـف أبـو حـديـن من أسيـاد العـرب تحسـب ومـن خيـرة قبايلهـا عليها من شعـوري مـا يزيـل الشـكّ والتخميـن محبّتهـا فـي قلبـي ثابـتـه مـحـد ٍ يزلزلـهـا لا عوّد حبّ نسوان العرب .. حبحب علـى السكّيـن لهن زيف الشعور اللي في صدري .. والصحيح إلها ! خضـع قلبـي وراحـت دقّتـه تتبـع هواهـا ليـن غلاهـا فـي عروقـي قـام يجـري ويتورسلهـا أي والله .. ثم أي والله .. غاليه وأغلى من الغاليـن تدللنـي علـى وضـح النـقـاء الطـاهـر وأدللها في قلبي حبّها حاجز رقـم واحـد .. ورقـم إثنيـن ولـو بدلّـت قلبـي مـن معاليقـه مـا أبدلّـهـا بنظرة عيـن تحجزنـي .. وتطلقنـي بنظـرة عيـن وأنـا خافـض جنـاح الـذل وعيونـي تغازلـهـا أجيهـا لـو علـيّ مـن الهمـوم الجايـره طنيّـن تجلّـت كـل ضيقـه فـي دقيقـه يـوم أقابلـهـا و ليـا قابلتهـا قمنـا نتسابـق بالكـلام الـزيـن عسـى ربـيّ يجمّلنـي مثـل مـا هـو مجمّلهـا تقول الله يحفظك لي مـن الدنيـا .. وأقـول آميـن وأمازحـهـا وأدلّعـهـا وأداعبـهـا وأقبّـلـهـا يا ما أحلى زولها كلّه مـن الهامـه ليـا الرجليـن يا لبيّـه وعسـى عمـري فـدا خصلـة جدايلهـا ألا يـا سيّـدة سـادات روحـي يـا عسـى تبقيـن رعـاك الله مـن جـور السنيـن ومـن هوايلهـا جعل يومي قبل يومـك يـا يمّـه كيـف أردّ الديـن جمايلـك الكثيـره فـوق متنـي جيـت شايلـهـا لـ \ سداح 18 \ 5 \ 2009م |
|
|
|
|
20-05-2009, 07:45 PM
|
#66 | |
|
مستشارة فنيّه
|
شاب ظهرالغراب العمـر يجـري والسنيـن اجـداد والمكـره تـدور والراس ترعى به مغاتيـر الكبـر عقـب الشبـاب تمضي محطات العمـر بيـن السخونـه والفتـور طلاتهـا شعـث وعصرياتهـا سـمـر الـرقـاب وجه الزمن كله تجاعيـد وصحـراء العمـر بـور زرعتها آمـال وتفـاؤل والسمـاء عـج وضبـاب وعمَرتها صبـر وبنيـت بهـا مـن الاحـلام دور واهديتها ايامي منابـع شـرب وسنينـي سحـاب وحصدتها وعي وتجـارب بينـت وجـه القصـور اللي يرافق خطـوة الطامـح علـى درب الصعـاب خطوات رجلي حركت واستنطقـت صمـت القبـور وسجدات وجهي في صلاتي قبلـت وجـه التـراب سافرت واغراني سراب الحلـم والعاشـق جسـور على الشقاء واكل الهواء والشرب من ريق السـراب اشرب عطش فوق العطش لاصار (ماء) الاحلام غور واقتات فوق الجوع (حـرَ) الجـوع لاقـل الزهـاب متناقضاتـي بيـن لحظـات الكـآبـه والـسـرور تنقش على كف المزاج الصعب نقشـات الخضـاب فينـي تواضـع زاهـد الامجـاد والشيـخ الوقـور وفيني غرور المنتصـر تحـت السلايـل والحـراب متواضع ل اقصى حـدود الانكسـار فـي الشعـور للـي تزيـن بالتواضـع والوفـا قـبـل الثـيـاب ومغـرور واباهـي بثـوب النرجسيـه والـغـرور في حضـرة اهـل النرجسيـه والتـرزز بالكـذاب اقفز على الاسـوار واتمـرد عليهـا سـور سـور لجل اختصر طول المسافه فـوق واحـدث لنقـلاب تعبت ونا امشـي نظامـي فـي محطـات العبـور وتعب النظام ايشيل خطواتي ثقـل مثـل الهضـاب ومليت من وجـه الغيـاب وجيـت ادور للحضـور اللي ينوخ سطـوة الغيبـه تحـت عـدل الجـواب ابي حضـور تزدحـم فـي طلتـه كـل السطـور وتعجز عنه لاتحتـوي فحـواه صفحـات الكتـاب مانيب من ترضيه لامنـه حضـر بعـض القشـور امـا حضـور مبهـر والا هـلا بــك يالغـيـاب قلتـه ونـا مومـن بـأن الحـظ يلعـب كـل دور دور الممثـل والمؤلـف والبطـل خلـف الحجـاب لامن صفـا حطـم قيـود المستحيـل وشـعَ نـور وفتح على بحـر السعـاده للفـرح مليـون بـاب ياحظ عطنا وجه يكفي طـول عمـرك فـي دبـور وقل للمشرع شاب مع طول المـدى ظهـر الغـراب لـ \ نــاصـــر عــلـــي الـحــارثــي ( هـــــداج 19 \ 5 \ 2009 م |
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
| أدوات الموضوع | ابحث في الموضوع |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| عشر طرق سهله لاستقبال شهر الصوم | عبدربه | ..: مرقاب القُدس و الأدب الإسلامِي :.. | 22 | 26-07-2011 08:05 PM |
| فيروس القصيد | ملفي بن عون | ..: المرقَاب الشّعبي :.. | 31 | 02-12-2008 07:49 AM |
| جدول أمسيات مهرجان أهل القصيد الرابع .... | ضيف الله الغنامي | ..: المرقاب لـِ أهمّ وآخِرَ الأحْداث :.. | 16 | 26-10-2008 08:09 AM |
| من فضائل شهر رمضان المبارك | الشيخ / متعب العجمي | ..: مرقاب القُدس و الأدب الإسلامِي :.. | 14 | 16-09-2008 10:27 PM |
| فضل صيام الايام البيض من كل شهر | محمد مرزوق السميري | ..: مرقاب القُدس و الأدب الإسلامِي :.. | 18 | 31-08-2008 01:00 AM |
 |
 |
العرض العادي
