ضـرب مـن الـخـيـال !!!

متواضعه أمررها عبر عبق مساءاتكم الجميله .

.
.
.






[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
لا خليت من المحبـه والوصـال=وش بعدها ياالمترّف لـو تغيـب
فرصةٍ لا هي حرام ولا حـلال=غيبها مرمس ومسراهـا قريـب
اللقاء يا هيه ضرب من الخيـال=والهقاوي لا تصيب ولا تخيـب
والمزون اللي مطرهـا بالتـلال=أمطرت لكن ْ ماسال الشعيـب
كل ما يطلع مع الجهمـه هـلال=أحسب حساب الربابه والسبيب
الحزن بطشه مثـل راس الخـلال=كل ما اهوجس على راس الرقيب
وأفهق البسّام وأمـسْ العقـال=في رجا حظٍ مع الدنيـا يطيـب
الحلوم أسرابها عـراض ٍ طـوال=( والحقيقه ماعلى الدنيا غريب )
أتجلّـد والتـوّجـد لا يــزال=شاهرٍ شلفاه ب/ آرقبةْ النصيـب
يا معلقّها علـى حيـلٍ غفـال=عين حر وعنق ريم وقلب ذيـب
كيف تآسمني على روح وتعـال=النقا مشروع والعيـلات عيـب
خل عاد أنك من سلالـه وآآل=البنادم وش يـودي وش يجيـب
ما وردنا غيـر بطـوال الحبـال=مير عان الذيب في وسط القليب
الرجال تموت من غبن الرجـال=وكم صميدع شاب قدام المشيب
أخذها مني قبـل يـذن بـلال=يا ضنا الفريّس والساس العريـب
قبل لا تنّغـر بأوهـام الليـال=( أنشد مجرب ولا تنشد طبيب )[/poem]

.
.
.

وسلامتكم .