كلام القوافي

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ان كان حب الوطن بالرقص والدشره=خيره من الحب كلّه ويش نبغابه؟!
اشوفلي ناس بالحارات منتشره=كلٍٍّ شراله بيارق خضر وعصابه
هذا يصيح وهذاك يقلّب الكشره=ويردد الهرج مايدري وش اسبابه
ولياوقف بالمحطّه فلّل بعشره=والاّ كفخ مادفع للهندي حسابه
عن التفاصيل يكفي موجز النشره=حالٍ يسرّ العدو وشلون نرضابه؟؟!
[/poem]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
أحبّ طيبه واحبّ اللي سكن فيها=ومن كثر ماحبّها تتعبني الفرقى
لو غبت عنها ترا ماني بناسيها=مادام دمّي بعرقي ينزل ويرقى
يفزّ قلبي لامنّه مرّ طاريها=فزّة شجيعٍ سمع في صيحة الغرقى
فزّ وفزع لاجل روحٍ صاح راعيها=واطفى صدورٍ من اهوال الحدث حرقى
مالوم ورقاً بطيبه دوم نوحيها=هذي مدينة رسول الله ياورقا
الحانك اللي تسر السمع هاتيها=ياام الحلا والغلا والنظره الطرقا
[/poem]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
العذارى مالهن في مجلس الشوري معزّه=لو تعزون في دعاة الشرّ وشيوخ الحواري
الفَخَر للحرّه اللي يوم جا للجدّ حزّه=شاركت واستشهدت في معركة ذات الصواري
[/poem]

[poem=font=",5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
العام اسجّ القدم وامشي على مهلي=واليوم فكري من الافكار متبلّد
يلعبّي الشوق لعب مهاجم الاهلي=بمدافع الاتّحاد اسامه مولّد[/poem]

[poem=font=",5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
بيتين من شعري كفايه عن الزود=الزود بعض احيان نقص وخساره
ياللي غلاك بداخلي ماله حدود=ملكت قلبي مثل ملك العماره
ان جيت والاّ رحت موجود موجود=هذا كلامي واقبله باختصاره
[/poem]

[poem=font=",5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
سـلام يانـور الحيـاه وعسلهـا=يامتّخذ مـن قلـب غاليـك ملجـا
ان كان عندك كلمة انصاف قلهـا=والاّ ماباقي بالزمن شـيّ يرجـى
أحسن رضى الاحباب والاّ زعلها؟=الصدق بامر الله إذا اسِتخدم انجى
ياشاكي حمـول المقاديـر شلهـا=لو الظَهَر مفتوق والرجـل عرجـا[/poem]

[poem=font=",5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
لقيت لك في جسمي اربع جماهير=الفكر والاحساس والشوف والسمع
إن غبت عني صار بالمخ تغيير=ما ميّز القسمه من الطرح والجمع
وان جيت جتني كل فرحه بتعبير=بالكشف والاشعاع والقدح واللمع
يامشغلٍ عندي جميع التفاكير=شمعت قلبي فوق برج الهوى شمع
[/poem]

[poem=font="simplified arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بالله ياللي عندكم فزعه وعلم ومعرفه=عندي قضيّه ودّي اعرف حلّها يالغانمين
لاصار عندي شيك حبّ انا احفظه والاّ اصرفه؟=بالذّات في وقتٍ به الاسرار للعاذل تبين
وقتٍ به الدنيا على حَدّ النهايه مشرفه=والصدق نادر والغلا والصدق شرط العاشقين
كم عاشقٍ عانا مع العشّاق والدمع اذرفه=يبغى يخفّف من معاناته وزاد الميّ طين
قام يتمشّى في طرف واد الشقا لين اجرفه=واصبح يردد : مالك الاّ الصبر يالقلب الحزين
[/poem]

[poem=font=",5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يامختفي عن عين غاليك فتره=فترة غيابك خلّت الحيل فاتر
ألبستني من لبس الاحزان ستره=لو ان ما في لبس الاحزان ساتر
الوصل ثوب وبشت اماره وغتره=والهجر وصفه ماتشيله دفاتر
[/poem]

[poem=font=",5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
وشلون اذوق النوم والسبت بكره؟=السبت اعرفه زين والنوم اعرفه
السبت يكره نوم عيني وانا اكره=زولٍ نهار السبت مافيه صرفه
[/poem]

[poem=font=",5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
صدّ وتنكّر عقب ذيك الرفاقه=ياليتني عن رفقتي ذيك خيّرت
اتلا العهد به يوم قطع العلاقه=للغرب سيّر يوم للشرق سيّرت
قدمي طريق الخير واسع نطاقه=وليا تغيّر صاحبي ماتغيّرت
طلعت سالم لو شعرت بحماقه=مسّتني الطيره وانا ماتطيّرت
اللي علشانه كرهت الصداقه=إلا صداقة واحدٍ فيه نيّرت
ماعاد يحزني جفاه وفراقه=فرقاه عيد وعقبها ماتحيّرت
الله عطاني عقل فهـم ولباقه=اليابغيت اختار صاحب تخيّرت
[/poem]

[poem=font=",5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
ياساكن القلب قلبك مسكن لقلبي=قلبك سكن قلبي وقلبي سكن قلبك
فيك الوفا ايجابي ومنك الردا سلبي=عنك الردا شدّ يوم الطيب نازلبك
ان كان لي حقّ عندك لاتماطلبي=شفني تحمّلت كلّ ايجابك وسلبك
[/poem]

[poem=font=",5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يامعلّم التعبير عبّر عن الشام=ملّيت من موضوع شبه الجزيره
ابحث مع الطلاّب تحقيق الاحلام=النصر حلم وسيرة الشام سيره
احوالنا ياستاذ في تال الايام=ما بين تقصير وجهاله وحيره
كثير منّا يحسب الواقع اوهام=ويسمّي اوهامه حقايق مثيره!
حتّى اليهود اللي تربّص بالاسلام=ماباقي الّا يعتبرهم عشيره
الياعطاه العلج رفسه بالاقدام=يقول سامح جعل بالامر خيره!
[/poem]

[poem=font=",5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
ليتك تشوف النور ياساري الليل=من شان تدرك دربك اللي سلكته
امّا طلع دربك خضر مثل ماقيل=والاّ طريقٍ مايسرّ وتركته
لاتنتظر فزعه من الجدي وسهيل=وتصير بعيون المخاليق نكته
افزع لنفسك واتبع الميل تعديل=تفعل كذا يعني طريقك حبكته
[/poem]

[poem=font=",5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
مرّه من المرّات رحت اتمشّى=في منتزه (جامل مع الناس تسلك)
لقيت ناسٍ في بعضها تعشّى=أثر المجامل نوب يعمي ويهلك
[/poem]

[poem=font=",5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
ودّي اسولف معك بس مادري ويش اقول؟!=لاجل ذلك في (صباحك مسرّات) اكتفي
الخواطر كل ماجالت الذكرى تجول=والسعاده مثل شمسٍ تبين وتختفي
[/poem]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
اجعل همومك سرّ بينك وبينك=لاتشتكيها للبشر ثمْ تحسّف
اليادروا بهمومك الله يعينك=ماعاد ينفعك الندم والتآسّف
[/poem]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الماضي اللي يعطي الحاظر دروس=يستاهل الذكرى ويستاهل الحفظ
مثل انتصار الشيخ شامل على الروس=موقف بطولي فعله يطابق اللفظ
[/poem]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
السكوت اثنين والثالث هلاك=شوف عاد ايّ السكوت يناسبك
سكتة العاقل بوقت الارتباك=تعتبر حكمه ومحبوكه حبك
وثاني السكتات يسكتها هذاك=واحدٍ ياجعل ماهو صاحبك
يحرجك بالهرج قدّام اخوياك=وان بغيته حزّة الجدّ ارتبك
[/poem]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
سَمّوك نجم سهيل يالقطة غليص=سهيل كلّه نور والاّ انت ظلما
لو معك من شيخ المزايين ترخيص=بسّ الحليب احيان ممزوج بالما
[/poem]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
أنا لقيت ابليس باسواق العثيم=هذي يناديها وذيك يقزّها
قلت اشهد ان ابليس شيطانٍ رجيم=قال: انظر لهذيك كيف ت....
قلت: ابشر بنارٍ لظى . قال: الجحيم؟=قلت: ايه . قال: الناس معي اكزّها
قلت: انت مقطوع الرجا . قال: اللئيم=قلت: الغوايه منك . قال: اعزّها
قلت: السبب؟. قال: انحرمت من النعيم=وابغى البشر بالنار معي ادزّها
يالله تكفينا عدوّك يا كريم=اللي يضايق خلقك ويبتزّها
[/poem]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياناشدٍ عن سبب فكري وسجّاتي=انشد عجاجان وان علّمك علّمني
حاول تركّز معي واستوعب الاتي:=ماحدٍ بجابرك يابن الناس تفهمني
الفرق بيني وبين الخبل غاياتي=والاّ مايلزم جميع الناس يلزمني
الظاهر انّي نويت اقطع علاقاتي=مع كلّ واحد لياسجّيت يزهمني!
[/poem]


ملاحظة :
(عجاجان) : اسم جبل .